Connect with us

International

Jill Biden a yega Ecuador pa inisiá su gira pa Amérika Latina

Published

on

Un foto di primera damanan María de Lourdes Alcívar i Jill Biden na aeropuerto di Ecuador.

QUITO – Jill Biden primera dama di Merka a yega Ecuador ayera nochi pa asina inisiá su gira pa Amérika Latina.
Na yegada di Jill Biden na Ecuador ela keda risibí pa María de Lourdes Alcívar primera dama i kasa di presidente Guillermo Lasso.
Tambe tabata presente Juan Carlos Holguín minister enkargá ku relashonnan eksterior.
Mester bisa ku tabatin bastante áwaseru ta kai ayera tardi na momentu ku Jill Biden a yega Ecuador pero asina mes ela risibí un trato presidensial ku tur su onornan.
Komo ku tin bastante inseguridat na Ecuador gobiernu a sòru pa tin militarnan pa atendé ku kontrol delaster kaminda ku Jill Biden i María de Lourdes Alcívar mester a pasa riba karetera.
Despues di e bishita ofisial di Jill Biden na Ecuador elo sigi ku su gira pa Panama i finalmente Costa Rica.
Jill Biden lo biaha djabièrnè pa Panamá kaminda elo reuní ku primera dama Yazmi Colón de Cortizo na e Palasio presidensial.
Na Panama lo bai tin vários aktividatnan organisá pa Jill Biden i Yazmin Colón.
Finalmente djadumingu Jill Biden lo yega Costa Rica kaminda elo reuní ku Rodrigo Chaves i su kasa Lady Signe Zeikate.

Continue Reading

International

Maduro a akusá Duque di plania vários atentado terorista na Venezuela

Published

on

By

Nicolas Maduro

CARACAS – Nicolás Maduro presidente di Venezuela a akusá Iván Duque presidente di Colombia di a planeá vários “atentado terorista” na Venezuela.
Den e kaso aki Nicolas Maduro a bisa ku e atentadonan terorista ku Iván Duque a laga hasi ta kontra kargonan públiko venezolano.
E parti ku a hala mas atenshon di e akusashon di Nicolas Maduro ta ku ela sigurá di tin prueba ku Iván Duque ta tras di e atentadonan terorista.
Nicolas Maduro a splika ku luna pasa agentenan di servisio sekreto na Venezuela a logra detené vários terorista entre nan Colombiano i Venesolano ku a keda kontratá pa bin kousa daño na sistema di kompania eléktriko i petrolero na Venezuela.
Tin informashon ku e teroristanan paga pa hendenan hopi yega na Iván Duque a konfesá ku e plan tabata pa desabilita refinerianan di PDVSA na Maracaibo i otro partinan di Venezuela.
Nicolas Maduro a bisa ku e ta sumamente kontentu Gustavo Petro a gana elekshon i ku pronto e atentadonan terorista kontra nan empresanan importante di suministro di koriente i refinerianan lo para.

Continue Reading

International

Segun “The New York Times” Donald Trump pronto lo anunsiá su kandidatura pa presidensia di Merka

Published

on

By

Donald Trump eks presidente di Merka..

WASHINGTON – Segun un primisia ku a keda publiká den e prestigioso korant “The New York Times” pronto Donald Trump eks presidente di Merka lo anunsiá su kandidatura pa partido Republikano den un intento pa gana elekshon presidensial na 2024.
Di akuerdo ku lokual a keda publiká den “The New York Times” Donald Trump ta garantisá ku elo gana elekshon presidensial na 2024.
Esaki ta debí na e mal trabou ku Joe Biden a bin ta hasi komo presidente di Merka.
E intenshon ta pa Donald Trump presenta su kandidatura e aña aki mes i lo hasié na New York kaminda e tin hopi simpatisadó.
Ounke ku tin un investigashon kontra Donald Trump pa su envolvimentu den e asalto na Capitolio elo dal bai ku su kandidatura pa presidensia di Merka.

Continue Reading

International

Hefe di spion na Ukrania a revelá ku Putin tin solamente dos aña mas di bida

Published

on

By

Presidente Vladimir Putin…

KIEV – Segun Kyrylo Budanov un di e máksimo hefenan di Inteligensia di Ministerio di Defensa na Ukrania a revelá ku presidente Vladimir Putin a keda diagnostiká ku kanser na fin di aña 2021.
Kyrylo Budanov a splika ku e tipo di kanser ku Vladimir Putin ta tratabel temporalmente pero eventualmente elo fayesé.
Ta parse ku e situashon di salu di Putin ta empeorando i ta p’esei ta buskando di tur manera pa krea un káos mundial pa asina mata mas tantu hende ku ta posibel.
Kyrylo Budanov a indiká ku e informashon ku nan tin no ta un fantasia sino un realidat i ku lokual ta pasando aki ta sumamente peligroso ya ku Vladimir Putin no tin nada mas di pèrdè teniendo ku e tin kanser terminal.
E rekomendashon ta pa lidernan di G7 buska manera pa kaba ku e gera entre Ukrania i Rusia mas lihé ku ta posibel sino esaki lo por bira di tres gera mundial.
Kyrylo Budanov ta para firme pa Merka i paisnan aliado intensifiká e embargonan kontra Rusia ku lo nifiká ku lo asfiksiá su pais finansieramente i ku lo no por sigi finansiá e gera aki mas.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login