Connect with us

International

Lula da Silva a kasa: Pa di tres biaha faltando sinku luna pa elekshon na Brazil

Published

on

Luiz Inácio Lula da Silva huntu ku Rosangela da Silva..

SAO POALO – Luiz Inácio Lula da Silva eks presidente di Brazil ta preparando pa bai elekshon dia 8 di òktober kontra su rival ku ta Jair Bolsonaro.
Tambe pa ta mihó prepará Luiz Inácio Lula da Silva a disidí na kasa promé ku e fecha aki ku su prometida na Sao Paolo ku yama Rosangela da Silva.
Rosangela da Silva ta un dama profeshonal ku ta traha komo sosiólogo i ta 21 aña mas hóben ku Luiz Inácio Lula da Silva.
Luiz Inácio Lula da Silva di 76 aña di edat a kasa dos biaha kaba i ta viudo na dos okashon.
Pa lokual ta e selebrashon di matrimonio tabatin alrededor di 200 invitado di kual tur hende presente mester presentá ku nan QR Code di no ta infektá ku Covid-19..

 

 

Continue Reading

International

Na Filadelfia: Dos agente polisial a resultá herida den un tiroteo durante selebrashon di 4th of Yuly

Published

on

By

Na momentu ku agentenan polisial na Filadelfia ta investigando e kaso di tiroteo kaminda dos agente polisial a resultá herida.

FILADELFIA – Danielle Outlaw direktor di kuerpo polisial na Filadelfia a konfirmá ku ayera nochi alrededor di 9:45 P.M. tabatin un desfile i un show di vürwèrk den sentro di suidat.
Ta un kustumber ku tur aña riba e fecha di 4th of Yuly aki sa tin hopi hende ta bai aglomerá den sentro di suidat pa wak e espektákulo aki.
Danielle Outlaw a splika ku un deskonosí for di un lugá skondí a tira riba dos agente polisial ku tabata hiba kontrol serka di Spring Garden.
Un agente a risibí tiru di bala den kabes miéntras ku e otro a haña bala den lomba i asina ámbos mester a keda transportá ku urgensia pa hospital.
Danielle Outlaw a bisa ku tin un rekompensa di $20.000 pa kaptura di esnan ku a tira i ku te ainda no tin ningun detenshon.

Continue Reading

International

Na Spaña: Trafikantenan di droga ta mehorá nan medionan pa transportá merkansia ku drone

Published

on

By

Esaki ta un di e avionnan no tripula ku trafikantenan ta usa pa transporta droga kune.

MADRID – Departamentu antinarkotika na Spaña a desmantela un organisashon di trafikantenan di droga ku tabata dediká na suministrá droga na diferente parti di e pais ku sistemanan sofistiká di drone.
E grupo aki a yega asina leu ku tabata transportá hasta 20 kilo di kokaina ku drone nan grandi ku tabata keda fábrika na Spaña mes.
Den e operashon a tuma lugá na e provinsia di Cádiz i ku tabatin un saldo di ocho detenido entre nan un tata i un yu.
ku tabatin konosementu teknológiko pa desaroyo pa avionnan no tripulá.
E investigashon a kuminsá for di aprel for di aña 2021 na momentu ku servisio di inteligensia na Fransia ku a alerta outoridatnan di Spaña di lokual ta pasando.
E grupo di kriminalnan aki a bishita trafikantenan di droga na Italia, Fransia i Dinamarka pa bende nan e tipo di avionnan no tripulá ku por transportá gran kantidat di droga pa entrega.
Agentenan antinarkotriko a konfiská 12 drone grandi ekipá ku GPS i kamara ku tabata por a transportá algu mas ku 20 kilo di kokaina na un distansia di 30 kilometer.

Continue Reading

International

Finlandia i Suesia a kompletá nan negoshashon pa bira miembro di OTAN

Published

on

By

Peter Hultqvist, Anne Linde, Pekka Haavisto i Antti Kaikkonen.

BRUSELAS – Ayera tabata un gran dia pa Finlandia i Suesia ku a logra kompletá nan trámitenan pa asina terminá ku nan negoshashon pa asina bira miembro di e organisashon di OTAN.
Lidernan di tantu Finlandia komo Suesia a konfirmá formalmente nan disposishon i kapasidat pa kumpli ku nan obligashon i kompromiso polítiko legal i militarnan pa asina haña nan miembresia den e organisashon di OTAN.
Na e apertura tabatin e delegashon di Finlandia a keda lidera pa ministernan di eksterior, Pekka Haavisto i di defensa Antti Kaikkonen.
Pa Suesia esaki a keda enkabesá pa e titular di relashonnan Eksterior Anne Linde i di defensa Peter Hultqvist.
Lokual a pasa ayera ta algu grandi ya ku Finlandia i Suesia a logra yega na un pakto ku Turkia ku a kita e Veto pa asina nan por ingresa den e organisashon di OTAN di un forma definitivo.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login