Connect with us

International

Vladimir Putin a ordená pa: Ekspulsá diplomátikonan di Spaña, Fransia i Italia for di Mosku

Published

on

Awor si Vladimir Putin a pèrdè kabes i ta buskando mas enemigu.

MOSKU – Vladimir Putin den un akto di represaya a ordená pa laga ekspulsá tur diplomátikonan di Spaña, Fransia i Italia for di Mosku.
Ministerio di Relashonnan eksterior na Rusia a konfirmá ku un total di 27 diplomatiko di Spaña, 34 diplomatiko di Fransia i 24 diplomatiko Italia ta keda konsiderá komo personanan “Non Grata” na Rusia.
E diplomátikonan aki tin 48 ora pa bandoná teritorio di Rusia i ku presidente Vladimir Putin a manda buska tur
su diplomátikonan ku ta stashoná na Italia, Spaña i Fransia promé ku nan tambe keda konsiderá komo persona nan “Non Grata”.
Mario Draghi promé minister di Italia a kalifiká lokual Vladimir Putin ta hasiendo komo un akto hostil sin ningun fundamento.
Vladimir Putin ta un problema serio pa humanidat i ku awor ta buskando pa bai den ofensiva kontra tur e paisnan den Union Europeo ku no ta di akuerdo ku lokual e ta hasiendo.
Emmanuel Macron tambe a disidí ku si ta den e rumbo aki Vladimir Putin ta skohe pa bai elo no tin ningun problema pa kibra relashon diplomatiko i komersial bilateral ku Rusia.

 

 

 

International

Segun resultado di outopsia: Ta indiká ku Jayland Walker a keda perforá ku por lo ménos 60 tiru di bala di 8 polis

Published

on

By

Jayland Walker…

OHIO – Kapitan Stephen Mylett hefe di kuerpo polisial na Akron, Ohio a konfirmá ku nan a risibí resultado di e outopsia di e hóben ku yama Jayland Walker (25) ku a keda mata despues di un persekushon polisial.
Lokual a pasa ta ku dia 27 di yüni polis tabata realisá un kontrol di tráfiko serka di konosido bario marginá ku e hendenan sa bende droga na Akron.
Aparentemente Jay Walker a nota ku tabatin kontrol polisial i aki ela hasi un Uturn ku su vehíkulo i trata na hui.
Den e kaso aki vários patruya a sali su tras den un persekushon i segun kapitan Stephen Mylett un tiru di bala a sali for di vehíkulo di Jayland Walker.
Na dado momentu Jayland Walker a baha for di su vehíkulo i trata na hui na pia i aki segun kapitan Stephen Mylett ela bolbe trata na tira riba polis.
Esaki tabatin komo konsekuensia ku agentenan polisial a sefta Jay Walker ku ráfaga di bala i ku naturalmente a fayesé.
Kapitan Stephen Mylett a bisa ku den e vehíkulo di Jayland Walker tabatin un arma di kandela i bastante munishon pero na momentu ku e tabata huyendo na pia e no tabatin arma huntu kuné.
Esaki ta kambia e senario por kompleto ya ku Jayland Walker no tabata arma ora ku e tabata huyendo i ku e arma ku e tabatin den su vehíkulo no a keda tira tampoko despues ku a hasi un investigashon polisial.
Kapitan Stephen Mylett a bisa ku un total di 8 agente polisial tabata involukrá den e insidente aki i ku tur ta bou di investigashon.

 

Continue Reading

International

Repúblika Dominikana a ku sifra rekòrt di turista na luna di yüni

Published

on

By

David Collado minister enkargá ku e kartera di Turismo

SANTO DOMINGO – David Collado minister enkargá ku e kartera di Turismo na Santo Domingo a konfirmá ku na luna di yüni un kantidat rekòrt di turista a bishita nan pais.
Segun informashon ku minister David Collado tin ta ku un total di 644.861 turista a bishita Santo Domingo na luna di yüni.
E parti mas alentador ta ku durante e promé parti di aña 2022 un total di 3.547.142 turista a bishita Santo Domingo ku ta un oumento konsiderabel kompará ku 2020/2021.
E industria di turismo pa lokual ta ingreso pa kaha di gobièrnu a produsí den prome trimèster di aña 2022 alrededor di $4.000 mion.
David Collado a indiká ku ta premirá ku di dos parti di aña 2022 nan lo surpasá e sifra aki i ku lo kibra rekòrt pa lokual ta e industria di turismo.

 

Continue Reading

International

Minister di salubridat na Inglatera: Ta pronostiká un oumento drástiko di britanikonan ku lo keda hospitalisá relashoná ku Covid-19

Published

on

By

Jenny Harries minister enkargá ku asuntunan sanitario na Inglatera.

LONDRES – Jenny Harries minister enkargá ku asuntunan sanitario na Inglatera a indiká ayera durante
un entrevista ku BBC ku e kasonan relashoná ku kontagio i hospitalisashon ku Covid-19 ta oumentando drástikamente.
Segun Kyrylo Budanov e variantenan ku ta dominando na Inglatera ne momentunan aki ta Omicron BA.4 i BA.5.
E predikshon ta alarmante debí ku e kantidat di hendenan ku ta keda infektá ku covid-19 na nivel nashonal por surpasá e kantidat di lokual tabatin aña pasa.
Kyrylo Budanov a indiká ku e ta komprondé ku bida tin ku sigi na Inglatera pero ta rekomendá pa tur hende mester tene kuenta tambe ku mester mantené distansia sosial i buska manera pa sigi ku higiena na tur momentu.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login