Deporte
Yankees a sweep Filadelfia: DJ LeMahieu a dal Grandslam i 6 RBI….
• E infielder D.J. LeMahieu ku tabata pasando den momentonan hopi difísil for di dia e la regresá den e wega di ayera a dal grandslam i na tur empuhá 6 kareda den e mihó dia den su karera den un wega pa yuda New York Yankees gana di Filis di Filadelfia 6-5 i kompleta e sweep kontra e tim di Filis komo bishitante.
DJ LeMahieu tabatin averahe di apénas .173 den 47 wega ku e la hunga for di dia ku e la regresá di leshon.
E la pèrdè su posishon na tersera/base ku Jazz Chisholm, i ayera kontra di e slengu Cristopher Sanchez, e manager di Yankees Aaron Boone a sinta Ben Rice i habri ku LeMahieu.
E veterano infielder a bati un grandslam, i despues doblete pa empuhá 2 kareda mas o yuda Yankees den e triunfo.
Nestor Cortes a habri pa Yankees retirando e promé 9 batidónan ku e la enfrentá, finalmente e la tira 5.1 di inning pa gana e wega.
Clay Holmes a salba su di 22 wega.
Den su último 7 oportunidat, e la faya na 5 okashon di “Save”.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
