Connect with us

International

Segun Ministerio di defensa: 23 miembro di alto rango di kuerpo polisial na Colombia a renunsia

Published

on

Iván Velásquez Gómez minister di defensa Colombiano.

BOGOTA – Ministerio di Defensa a konfirmá ku e siman aki un total di 23 funshonario di kuerpo polisial na Colombia a entrega nan karta di retiru.
Ta trata aki di un total di 10 teniente koronèl i 13 kapitan ku a presentá nan karta di renunsia.
E motibu ta debí ku for di aña pasa Ministerio di Defensa na Colombia a kuminsá ku un investigashon kontra di e grupo di miembronan di alto mando polisial ku ta metí den aktividatnan ilisito.
Iván Velásquez Gómez minister di defensa Colombiano a manifestá ayera ku e ta na altura ku kuerpo polisial na Bogota, Cali i Medellin tin algun alto mando korupto i ta kontentu ku nan mes a disidí na entrega retiru pa asina Ministerio de Defensa por sigi ku nan investigashon.

Continue Reading

International

Estado Islámiko anunsiá morto di nan lider Abu Hasan al-Hashimi

Published

on

By

Abu Hasan al-Hashimi lider di Estado Islámiko a fayesé…

BAGDAD – Abu Omar al-Muhajir bosero di e grupo yihadista Estado Islámiko a konfirmá ku nan lider Abu Hasan al-Hashimi a fayesé.
Ya kaba a nombra un lider nobo di Estado Islámiko ku yama Abu al-Hussein al-Husseini al-Qurashi.
Abu Omar al-Muhajir a splika ku na 2014 Abu Hasan al-Hashimi komo lider di Estado Islámiko a konkista bastante teritorio na Siria i Irak.
Pero Abu Hasan al-Hashimi a kai despues ku tantu merikanonan komo Rusonan a bombardiá for di nan kueba for di Siria i Irak.
Abu Bakr al-Baghdadi al-Qurashi kende tabata lider di Estado Islámiko promé ku Abu Hasan al-Hashimi a keda asesiná durante un atake merikano ku drone na Siria na 2019.
Abu Hasan al-Hashimi su susesor identifiká komo Abu Ibrahim al-Hachimi al-Qurashi tambe a keda asesiná na febrüari di e aña aki.

 

 

Continue Reading

International

Direktor di World Health Organization: Pa Europa preokupá ku e oumento drástiko di infekshon di HIV

Published

on

By

Hans Kluge direktor di World Health Organization pa Europa..

BRUSSELAS – Hans Kluge direktor di World Health Organization pa e kontinente Europeo durante su rueda di prensa ayera a mustra bastante preokupá ku e kantidat haltu di hendenan ku ta keda infektá ku HIV diariamente.
E parti mas preokupante segun Hans Kluge ta ku pa dia tin un average di 300 hende ta tèst positivo pa HIV.
Ta durante e pandemia di coronavirus e kasonan a baha algu pero promé i despues e kantidat di hendenan ku ta tèst positivo tabata haltu.
Hans Kluge a splika ku lokual World Health Organization ta bai hasi ta kuminsá ku un kampaña no solamente den kontinente Europeo sino na nivel global pa hendenan kuminsá tene relashon seksual ku protekshon i konsiente.
Tin informashon ku na Europa di kada 8 hende un tin HIV pero debí ku nan no ta bai tèst esaki ta sigi infektá otro.
E problema ta serio ya sekso parotin entre hende hòmber sin protekshon ta oumentando tambe i ku ta pone e kasonan sigi subi no solamente den kontinente Europeo sino na nivel global.

Continue Reading

International

Horor na Italia: Pashènt a tira su kardiólogo mata den su konsultorio

Published

on

By

Dòkter Gaetano Alaimo/ Adriano Vetro ku a keda arestá pa asesinato.

ROMA – Gaetano Alaimo (65) tabata un konosido kardiólogo na e siudat ku yama Favara
ku ta keda na parti sur di Sicilia, Italia.
Durante algun mas ku 30 aña dòkter Gaetano Alaimo a atendé ku míles di pashènt na Favara i naturalmente semper tabatin algun ku no a kontentu pero engeneral ela hasi un bon trabou komo kardiólogo.
Entre e pashèntnan tabatin unu hopi rabia ku a keda identifiká komo Adriano Vetro (47) ku konstantemente tabatin problema ku dòkter Gaetano Alaimo.
Ta normal ku un pashènt mester tin un sita pa bai konsultorio di un kardiólogo i den e kaso aki Adriano Vetro a bai pa atendé ku dòkter Gaetano Alaimo ku un arma di kandela den su saku di karson.
Na momentu ku Adriano Vetro a splika e sekretaria ku e mester wak dòkter Gaetano Alaimo esaki a splik’é ku sin sita esaki no ta posibel i aki ela bira furioso.
dòkter Gaetano Alaimo a sali pa wak ta ken tabata hasi bochincha den su konsultorio i aki Adriano Vetro a saka su arma di kandela i tire mata.
Adriano Vetro a kana sali for di konsultorio di dòkter Gaetano Alaimo i bai kas pa sinta warda polis bin arest’é.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login