Connect with us

International

Bientu fuerte i hopi áwaseru di orkan Ian a destrui ku 15 avioneta

Published

on

Un bista di kon e avionetanan a keda benta kibra na e aeropuerto na North Perry.

BROWARD – Manera tabata di spera Orkan Ian ku a asotá vários suidat na Florida a kousa daño mionario na Aeropuerto North Perry na Pembroke.
John Rodriguez direktor na aeropuerto na North Perry a indika ku e daño ku orkan Ian a hasi tabata inmenso.
Mas ku 15 avioneta a keda destruí i hangarnan ku ta warda avionnan aden tabata plama for di otro.
John Rodriguez a bisa ku lokual ku lo bai pasa awor ta ku lo bai inventarisá e desaster ku orkan Ian a bai laga atras pa asina kuminsá atendé ku kompanianan di seguro.

Continue Reading

International

Joe Biden lo reuní ku Lula promé ku su investidura

Published

on

By

Joe Biden/ Luiz Inacio Lula da Silva.

SAO PAOLO – Fernando Haddad bosero di PT (Partido de Trabajadores) na Brazil a konfirmá ayera ku posiblemente Biden lo reuní ku Luiz Inacio Lula da Silva promé ku su investidura ku lo ta dia 1 di yanüari 2023.
E chèns ta grandi ku Luiz Inacio Lula da Silva lo biaha pa Washington e luna aki mes pa reuní ku presidente Joe Biden.
Fernando Haddad ku posiblemente lo bai bira e próksimo minister di ekonomia na Brazil a bisa ku esaki tabata un invitashon di presidente Joe Biden na Luiz Inacio Lula da Silva reuní kuné promé ku su investidura.
Jake Sullivan asesor di Seguridat Nashonal pa Kas Blanku lo biaha dia 5 di desèmber pa Brasil pa reuní ku Jair Bolsonaro i naturalmente reuní ku Luiz Inacio Lula da Silva.

Continue Reading

International

Hakeem Jeffries lo asumí liderazgo di partido Demókrata den Kongreso

Published

on

By

Nancy Pelosi huntu ku Hakeem Jeffries…

WASHINGTON – Hakeem Jeffries (52) kongresista merikano a keda elegí ayera pa un mayoria pa bira futuro lider di minoria Demokrata den Kongreso.
Esaki ta nifiká ku Hakeem Jeffries lo bai remplasá Nancy Pelosi ku tabata na e posishon importante aki pa Partido Demokrata pa mas ku 20 aña.
Hakeem Jeffries ku ta representá New York ta bai den historia di bira e promé afroamerikano ku lo asumí un posishon asina importante pa partido Demokrata.
Esaki ta nifiká ku pa dia 1 di yanüari Hakeem Jeffries lo asumí e posishon di lider pa partido Demokrata den Kongreso merikano.
Nancy Pelosi di 82 aña lo mantené su asiento pa California i lo asumí e posishon di bosero partido Demokrata den Kongreso.
Partido Demokrata a kuminsá hasi kambionan ku ta laga un generashon miembronan mas hóben asumí posishonnan importante tantu den Kongreso komo Senado.

Continue Reading

International

Estado Islámiko anunsiá morto di nan lider Abu Hasan al-Hashimi

Published

on

By

Abu Hasan al-Hashimi lider di Estado Islámiko a fayesé…

BAGDAD – Abu Omar al-Muhajir bosero di e grupo yihadista Estado Islámiko a konfirmá ku nan lider Abu Hasan al-Hashimi a fayesé.
Ya kaba a nombra un lider nobo di Estado Islámiko ku yama Abu al-Hussein al-Husseini al-Qurashi.
Abu Omar al-Muhajir a splika ku na 2014 Abu Hasan al-Hashimi komo lider di Estado Islámiko a konkista bastante teritorio na Siria i Irak.
Pero Abu Hasan al-Hashimi a kai despues ku tantu merikanonan komo Rusonan a bombardiá for di nan kueba for di Siria i Irak.
Abu Bakr al-Baghdadi al-Qurashi kende tabata lider di Estado Islámiko promé ku Abu Hasan al-Hashimi a keda asesiná durante un atake merikano ku drone na Siria na 2019.
Abu Hasan al-Hashimi su susesor identifiká komo Abu Ibrahim al-Hachimi al-Qurashi tambe a keda asesiná na febrüari di e aña aki.

 

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login