Connect with us

Uncategorized

Awe nos ta kuminsá e Triduo Sagrado

Published

on

Awe nos ta kuminsá e Triduo Sagrado. Ku selebrashon di Santu Sakrifisio di Misa “den Sena di Señor”, nos ta drenta definitivamente den kurason di Pasku. Yen di fervor i amor di Dios nos ta realisá e mesun gestonan di nos Dibino Maestro, Hesus, i nos ta skucha e mes palabra ku El a bisa.

Nos mester drenta den gloria di Señor Hesukristu pa medio di su Santa Krus.

Stima otro! Durante e Último Sena, Hesus ta laba pia di su Apòstelnan i E ta bisa nan ku forsa di su mes amor: “Stima otro! Manera Ami a stima boso, asina boso tambe mester stima otro. Si boso stima otro, tur hende lo sa ku boso ta mi disípulonan“. Esakinan ta su palabranan! Esaki ta su boluntat!. Esaki ta Hesus su aspirashon mas profundo! Amor ku ta bira mizerikòrdia, sirbishi, solidaridat. Union, tambe, pasobra, tur reino partí no por keda eksistí,  e lo ta destruí. Si bo lo keda uní, mundu lo kere ku Tata a manda Mi.

Boso tur kome! Boso tur bebe! Esaki ta e señal di e Aliansa nobo i eterno di Dios Tata ku humanidat: e Pan konsagrá i partí, e Biña konsagrá i bebí. Nan ta e seyo di fieldat di Dios i di su amor infinito pa hende. Asina tantu Dios ta stima nos, ku El a manda su Yu pa niun yu keda pèrdí. Esnan ku ta kome di e mesun Pan i ta bebe di e mesun Kális, ta forma un kurpa so, esun di Kristu Hesus.

Hasi esaki pa keda kòrda riba Mi. Pa nos por kòrda e Aliansa akí te na final di e siglonan, Hesus ta konsagrá su Apòstelnan pa kumpli ku e enkargo akí, ku e Ministerio aki. Hesus ta konsagrá nan i ta duna na un òrdu: “Kada be ku boso kome for di e Pan akí i bebe for di e Kális akí, hasié pa boso kòrda riba Mi i boso ta proklamá mi morto, te ora Mi bolbe bini“.

For di e anochi santu ei, Iglesia ta selebrá e bankete di su presensia, bankete di amor, di fe, di komunion, di solidaridat. I pueblo kristian mester kumpli ku e kompromiso di ta loke nos ta selebrá: mesa di fraternidat, signo di komunion i amor, pan di solidaridat ku tur esnan ku tin nesesidat.

Rumannan, ban selebrá Sena di Señor!

Continue Reading

Uncategorized

Jonathan Schoop: “Nos por bai Serie del Caribe… I repasá pa WBC !!”…

Published

on

By

Jonathan Schoop.

• Jonathan Schoop Big Leaguer estrea YDK ku e tim di Tigres di Detroit ta di opinion ku Kòrsou lo por partisipá na Serie del Caribe, i pone tur hungadó den kondishon pa e kompetensia di “World Baseball Classic”. Schoop ta bisa ku si ta partisipá na “World Baseball Classic”, Serie del Caribe lo sirbi pa tur hungadó ta huntu i ta den kondishon.
E ta bisa ku tur pelotero ta riba e mes linea. I ta pensa ku nos lo por yega leu.

 

Continue Reading

Uncategorized

Reorganisashon na Prison ta stankando pa falta di Dekreto

Published

on

By

Reorganisashon na Prison ta stankando pa falta di Dekreto..

WILLEMSTAD. Foi prinsipio di formashon di koalishon entre MFK i PNP, e kartera di Hustisia a keda largamente sin haña e atenshon ku e ta merese i Ulanda tin masha reklamo riba e situashon ei.
Awor e reklamonan a lanta kabes na Kòrsou mes kaminda Minister Pisas a pidi un grupo pa hasi reorganishon den SDKK i a pidi tur grupo nan koperashon.
E grupo a kuminsa traha algún luna pasá i a reina satisfakshon pasobra gruponan a bin i bai pero Pisas no ke pasa nan dekreto. Nan ta na altura ku aki den prizòn tin un grupo (e dienstgroep) di kua un gran parti di nan tin un pakto ku Minister Pisas pero pa trese kambionan na nan fabor i benefisio sin wak bienestar di nan tur!
E dienstgroep aki ta influenshando Minister Pisas.

E dienstgroep a soru pa e haña basta voto den prizon i awor e ke kumpli ku loke e a priminti nan.

REORGANISASHON
Nos sa tambe ku ora e grupo di reorganisashon a kuminsa, nan no a risibi koperashon di algun persona di PZ pa hasi trabou.
E grupo ta saká for di rumornan, ku Minister Pisas ta bula pipa pa atendé ku nan pasobra e no tin ningun interes pa atende ku nan Landsbesluit.
Esei naturalmente ta ultraho pasobra no ta niun tiki humano pa trata hende di e forma aki manera sushi i ku a hasi un bon trabou.
E pregunta ta ku si reorganisashon lo sigui of e lo termina na aros i koko atrobe?
Tin hendenan kapas den e team, ku asta nivel di estudio universitario. A a hasi nos investigashon pa sa ken e personanan ta realmente. Tin ku ta asta den misa i segun nos a kompronde ta hende ku ta para hopi fuerte pa prinsipio.

Continue Reading

Uncategorized

Dirigente di baseball Little League: “Loke Kenley a hasi ta grandi”… Unda lo a saka plaka pa kumpra tantu bala ??

Published

on

By

Kenley Jansen.

 

• Deporte 5 Star a kombersá ayera ku un dirigente di baseball Little League pa hopi aña.
E dirigente ku ketu bai ta aktivo a bisa 5 Star ku e loke ku Kenley Jansen a hasi pa Curaçao Little League ta algu hopi grandi.
E la splika ku Kenley Jansen a perkurá pa Little League di Kòrsou tin bala di baseball pa nan por a usa hinter kampeonato.
Tantu den temporada regular, komo den play-off.
E ta puntra unda lo a saka sèn pa kumpra tantu bala asina ???
E ta splika ku un kaha di bala ta kosta 200 florin.
Tin biaha ta hasi uso di 6 pa 8 kaha di bala pa wikènt ora tin wega.
E loke Kenley Jansen a hasi pa nos baseball Little League i nos muchanan ta hopi grandi, e la aksentuá.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login