Uncategorized
Awe nos ta kuminsá e Triduo Sagrado
Awe nos ta kuminsá e Triduo Sagrado. Ku selebrashon di Santu Sakrifisio di Misa “den Sena di Señor”, nos ta drenta definitivamente den kurason di Pasku. Yen di fervor i amor di Dios nos ta realisá e mesun gestonan di nos Dibino Maestro, Hesus, i nos ta skucha e mes palabra ku El a bisa.
Nos mester drenta den gloria di Señor Hesukristu pa medio di su Santa Krus.
Stima otro! Durante e Último Sena, Hesus ta laba pia di su Apòstelnan i E ta bisa nan ku forsa di su mes amor: “Stima otro! Manera Ami a stima boso, asina boso tambe mester stima otro. Si boso stima otro, tur hende lo sa ku boso ta mi disípulonan“. Esakinan ta su palabranan! Esaki ta su boluntat!. Esaki ta Hesus su aspirashon mas profundo! Amor ku ta bira mizerikòrdia, sirbishi, solidaridat. Union, tambe, pasobra, tur reino partí no por keda eksistí, e lo ta destruí. Si bo lo keda uní, mundu lo kere ku Tata a manda Mi.
Boso tur kome! Boso tur bebe! Esaki ta e señal di e Aliansa nobo i eterno di Dios Tata ku humanidat: e Pan konsagrá i partí, e Biña konsagrá i bebí. Nan ta e seyo di fieldat di Dios i di su amor infinito pa hende. Asina tantu Dios ta stima nos, ku El a manda su Yu pa niun yu keda pèrdí. Esnan ku ta kome di e mesun Pan i ta bebe di e mesun Kális, ta forma un kurpa so, esun di Kristu Hesus.
Hasi esaki pa keda kòrda riba Mi. Pa nos por kòrda e Aliansa akí te na final di e siglonan, Hesus ta konsagrá su Apòstelnan pa kumpli ku e enkargo akí, ku e Ministerio aki. Hesus ta konsagrá nan i ta duna na un òrdu: “Kada be ku boso kome for di e Pan akí i bebe for di e Kális akí, hasié pa boso kòrda riba Mi i boso ta proklamá mi morto, te ora Mi bolbe bini“.
For di e anochi santu ei, Iglesia ta selebrá e bankete di su presensia, bankete di amor, di fe, di komunion, di solidaridat. I pueblo kristian mester kumpli ku e kompromiso di ta loke nos ta selebrá: mesa di fraternidat, signo di komunion i amor, pan di solidaridat ku tur esnan ku tin nesesidat.
Rumannan, ban selebrá Sena di Señor!
Sigur ta un bon notisia pa nos selekshon di futbòl di Kòrsou bou di direkshon di Remco Bicentini ya ku “Cuco” Martina ku tabata inaktivo a haña trabou.
Manera nos amigu i kolega Calili Ruiter a komentá awe mainta “Cuco” Martina a firma ku e tim Ulandes ku ta NAC di Breda.
Ku e firma aki Kòrsou tin sigur ku “Cuco” tin aktividat i lo por kontribuí mihó ku nos onsena.
WILLEMSTAD. Un kaso ku a tuma lugá den Korte un dje dianan aki a resultá den un veredikto kaminda un kontratista lokal mester paga un kliente ku kual e tabatin akuerdo ku pa hasi un konstrukshon pero no a kumpli ku su parti awor e kontratista mester paga e kliente komo 48.000 florin di kompensashon.
Si Steel Solutions no kumpli ku e veredikto e kompania tin ku paga e Universidat 400 florin di daño perwisio pa dia.
Caribbean Medical University a demanda MM Steel Solutions ku a rekonosé ku nan a faya pero a pidi korte pa deskontá e suma ku e debe CMU.
Solamente kue suma ku por deskontá no ta yega ni na pia sushi dje montante ku e kontratista debe.
Pa kolmo ora korte a trata e demanda, e kontratista no a presenta sin duna motibu pero basikamente a proponé pa deskontá un parti dje faktura pa material ku e no a entrega a rason di ‘Sandwich Panel for Roof’ i ‘Purling Support’, pa un total di xxxxxx ku e kontratista a traha pe universidat.
I aki e doló ta sinta pasobra e trabou ku e kontratista a presta bal solamente 2500 florin.
E kontratista no por a defende su kontra demanda pasobra e no a ni presenta den korte.
Pues ta 2500 florin so e kontratista por deskontá for di loke e mester kompensá ne universidat.
Na final wes a disidi ku e kontratista debe
NAf 3.542,50 plus e gastunan di korte pa nan kobra e suma pa trabou ku e kontratista no a presta pero ariba di esei korte a anulá un faktura dje kontratista a rason di NAf 44.688,58 kitando 2500 florin ku mester deskontá.
Gastu dje kaso den korte a sali NAf 3.542,50.
IOWA – Paul Parizek bosero di kuerpo polisial na Iowa a konfirmá ku ayera durante dia sentral di polis a risibí yamada pa manda patruya na un lokalidat na Des Moines.
Lokual a pasa ta ku un adolesente identifiká komo Preston Walls (18) ku ta pertenesé na un geng kriminal na Des Moines a bai na un lokalidat kaminda hóbennan positivo ku tambe tabata den geng ku a kuminsá ku un programa ku yama Starts Right Here.
Preston Walls aparentemente tabatin banchi na su pia pero asina mes a bai menasa e adolesentenan ku tabata serka William Holmes (49).
Paul Parizek a drenta den e lokalidat i menasa William Holmes pa e para ku su programa sino elo paga su lus.
Den e lokalidat tabatin dos persona mas ku William Holmes ku ta dos adolesente di 16 aña i 18 aña di edat. Preston Walls a saka su arma di kandela i tira e dos adolesentenan mata i herida William Holmes. Preston Walls a buska manera pa hui pero polis a yega nèt na tempu pa detené pa e kaso di asesinato di dos persona i intento di asesinato di e hòmber.
Daily Nobo
Covid-19 Statistics
Wowo di mundu ta dirigí riba Karnaval di Kòrsou
Hóbennan a midi forsa den kompetensia di estímulo organisá pa federashon di karate
Celfriedt Homoet (dfm) lo bisa: “Ban Kòrsou numa !!”…
Ainda: FFK tin di paga “Security” mas ku 30.000 FL…
