Uncategorized
Pasku di Resurekshon ta…
Pasku di Resurekshon ta ser kapas na kambia,
e ta kompartí bida ku speransa,
e ta lucha pa vense tur suerte di sufrimentu.
Pasku di Resurekshon ta bisa sí na amor i na bida,
e ta invertí den fraternidat,
e ta lucha pa un mundu mihó,
e ta biba ku solidaridat.
Pasku di Resurekshon ta yuda mas hende na ser hende,
e ta biba den konstante liberashon,
e ta kere ku bida ta vense morto.
Pasku di Resurekshon ta renasementu, e ta kuminsá di nobo,
e ta un oportunidat nobo pa mehorá
kosnan ku nos no ta gusta di nos mes.
Pasku di Resurekshon ta pa nos ser mas felis
dor di konosé nos mes un poko mas i mira
ku awe nos por ta mihó di loke nos tabata ayera.
E kampeon mundial indiskutí kategoria pisá Oleksandr Usyk ta pensa di regresá e kategoria krusero despues di su kombate di dia 21 di desèmber vs Tyson Fury. Usyk i Fury lo bringa revancha dia 21 di desèmber despues ku Usyk a gana pa desishon mayoritario. Fury a hasi uso dje oportunidat den su kontrakt pa pidi revancha. Usyk ku tabata kampeon mundial indikutí krusero kaba lo ke regresá e kategoria. E tin rekòrt di 22-0, ku 14 triunfo pa via rápido. Echo ta si, ku den e kategoria krusero no tin muchu bòksdó di kalidat. Ekspertonan ta bisa ku e kategoria krusero ta laf.
Sigur ta un bon notisia pa nos selekshon di futbòl di Kòrsou bou di direkshon di Remco Bicentini ya ku “Cuco” Martina ku tabata inaktivo a haña trabou.
Manera nos amigu i kolega Calili Ruiter a komentá awe mainta “Cuco” Martina a firma ku e tim Ulandes ku ta NAC di Breda.
Ku e firma aki Kòrsou tin sigur ku “Cuco” tin aktividat i lo por kontribuí mihó ku nos onsena.
WILLEMSTAD. Un kaso ku a tuma lugá den Korte un dje dianan aki a resultá den un veredikto kaminda un kontratista lokal mester paga un kliente ku kual e tabatin akuerdo ku pa hasi un konstrukshon pero no a kumpli ku su parti awor e kontratista mester paga e kliente komo 48.000 florin di kompensashon.
Si Steel Solutions no kumpli ku e veredikto e kompania tin ku paga e Universidat 400 florin di daño perwisio pa dia.
Caribbean Medical University a demanda MM Steel Solutions ku a rekonosé ku nan a faya pero a pidi korte pa deskontá e suma ku e debe CMU.
Solamente kue suma ku por deskontá no ta yega ni na pia sushi dje montante ku e kontratista debe.
Pa kolmo ora korte a trata e demanda, e kontratista no a presenta sin duna motibu pero basikamente a proponé pa deskontá un parti dje faktura pa material ku e no a entrega a rason di ‘Sandwich Panel for Roof’ i ‘Purling Support’, pa un total di xxxxxx ku e kontratista a traha pe universidat.
I aki e doló ta sinta pasobra e trabou ku e kontratista a presta bal solamente 2500 florin.
E kontratista no por a defende su kontra demanda pasobra e no a ni presenta den korte.
Pues ta 2500 florin so e kontratista por deskontá for di loke e mester kompensá ne universidat.
Na final wes a disidi ku e kontratista debe
NAf 3.542,50 plus e gastunan di korte pa nan kobra e suma pa trabou ku e kontratista no a presta pero ariba di esei korte a anulá un faktura dje kontratista a rason di NAf 44.688,58 kitando 2500 florin ku mester deskontá.
Gastu dje kaso den korte a sali NAf 3.542,50.
Daily Nobo
Covid-19 Statistics
Usyk ke regresá kategoria Krusero…
Wowo di mundu ta dirigí riba Karnaval di Kòrsou
Hóbennan a midi forsa den kompetensia di estímulo organisá pa federashon di karate
Celfriedt Homoet (dfm) lo bisa: “Ban Kòrsou numa !!”…
