Connect with us

International

Wes na Pensilvania no a aseptá akusashonnan di froude di Trump

Published

on

Hasta miembro di partido Republikano ta kansá ku e aktitut diktatorial di presidente Donald Trump.

PENSILVANIA – Matthew Brann wes di korte supremo na Pensilvania a bari tur punto ku abogadonan di Trump

a presentá kuné riba akusashonnan ku tabatin froude.

Donald Trump te ainda no kier aseptá ku ela risibí un tremendo pólisa serka Joe Biden den elekshon presidensial 2020.

Awor lokual ku abogadonan di Trump ta buskando ta pa direktor di konseho elektoral na Pensilvania no sertifiká ku Joe Biden a gana elekshon na estado aki.

Konsiderando ku wes na Georgia ta bai sertifiká ku Joe Biden a gana na e estado aki i ku Pensilvania tambe no tabatin prueba di froude lo sertifiká esaki tambe awe mes.

Esaki ta nifiká ku Donald Trump mester kuminsá prepará su maletanan pa bandoná kas presidensial na Washington pronto.

Pat Toomey  senador Republikano ku ta representá Pensilvania a bisa ku presidente Trump mester aseptá e resultado di elekshon i fasilitá e proseso di transishon presidensial.

Na Merka no tin diktadura pero e forma manera Donald Trump ta komportando ta daña imáhen di e pais segun senador Pat Toomey.

Continue Reading

International

Tin informashon ku kombersashon entre Petro i Uribe a finalisá bon

Published

on

By

Reunion entre el presidente elekto Gustavo Petro i e eks mandatario Álvaro Uribe. E enkuentro a dura mas di dos ora.

BOGOTA – Gustavo Petro presidente elekto Colombiano a deklará ayera durante un entrevista ku e kombersashon ku e tabatin ku eks presidente Alvaro Uribe tabata un ku e por bisa a bai bon i ku ta un señal ku ámbos lider por sigi atendé ku otro na benefisio di e pais.
Gustavo Petro a bisa ku e tin su ideologia i Alvaro Uribe tin su forma di pensa pero ku ámbos ta bai traha pa atendé ku e problemanan serio ku e pais tin.
Alvaro Uribe ta un di e polítikonan ku tin muchu mas eksperensia ku Gustavo Petro i ku ta dispuesto pa duna su koperashon i kontribushon den próksimo kuater añanan benidero.
E reunion entre Gustavo Petro i Alvaro Uribe a dura 2 ora i tin indikashon ku lo bai tin mas di e enkuentronan aki segun Francia Márquez ku lo ta Colombia su próksimo vise presidente.
E plan ta pa Gustavo Petro i Francia Márquez ku lo bai asumí e kargo di presidente i vise presidente respektivamente logra un akuerdo nashonal ku lidernan di oposishon.

 

 

 

 

Continue Reading

International

Tata a laga su yu di (18 luna) muri asfiksiá den outo

Published

on

By

Tata a laga su yu di (18 luna)muri asfiksiá den outo.

VIRGINIA – Christopher Hensley hefe di kuerpo polisial na Chesterfield a konfirmá ku un tata a bai traha i lubidá ku su yu di 18 luna den un igra di solo den su vehíkulo.
Mama di e kriatura aki a yama e krèsh kaminda e yu mester a keda hiba for di mainta trempan i a haña komo kontesta ku na ningun momentu so e Tata a trese e yu.
Lokual a pasa ta e mama a yama polis pa informá nan ku su yu ta na peliger i pa lokalisá e vehíkulo di su kasa ta manehá mas lihé ku ta posibel.
Na momentu ku un patruya a lokalisá e vehíkulo tabata lat kaba debí ku e kriatura no tabata move mas den e kayente ku ta asotando na Virginia.
Ta parse ku e Tata lo a tende loke a pasa i di un forma of otro a logra yega na su kas i a kometé suisidio. Christopher Hensley a splika ku lokual a pasa aki tabata realmente un tragedia kaminda e famia aki a pèrdè dos miembro riba un solo dia.

Continue Reading

International

Presidente di Turkia a atvertí ku e por blòkia pa Suesia i Finlandia no bira miembro di OTAN

Published

on

By

Recep Tayyip Erdogan presidente di Turkia..

ESTAMBUL – Dos dia despues ku presidente Recep Tayyip Erdogan no tabatin ningun opheshon na e Kumbre di Madrid pa Suesia i Finlandia drenta OTAN.
Ta manera Recep Tayyip Erdogan a yega Turkia ela kambia di opinion i for di su pais ta bolbe manda mensahe di atvertensia ku elo por blòkia ainda ku e dos paisnan aki pa stroba nan di bira miembro.
Recep Tayyip Erdogan a bolbe manda un mensahe pa lidernan di Suesia i Finlandia pa nan ekstraditá e teroristanan Turko ku a orkestra e gòlpi di estado na 2016 kontra su gobièrnu sino elo no firma pa nan drenta komo miembro di OTAN.
E lidernan di Suesia i Finlandia ta bon na altura ku nan tin sospechosonan di terorismo ku ta vinkulá ku gruponan Kurdo ku a planeá pa asesin’é.
Presidente Recep Tayyip Erdogan kier kòrda miembronan di OTAN ku e regla ta ku tin 30 miembro aworakí i e regla ta ku mester tin aprobashon formal di tur 30 miembro pa atmití otro pais komo miembro.
Den kaso ku Turkia komo miembro lo no firma Suesia i Finlandia pa por ingresa OTAN komo miembro.

 

 

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login