PARIS – E siman aki korte di hustisia na Paris a kondena Olivier Larroque (60) na 20 aña di kastigu di prizon pa motibu ku ela violá 31 adolesente na Vietnam.
Dòkter Olivier Larroque a keda asigná pa e organisashon di dòkternan sin frontera pa bai yuda na Vietnam.
Durante 2011 pa 2013 dokter Olivier Larroque tabata hasi su trabou komo profeshonal pero tambe tabata asistí su apetit seksual tambe violando e adolesentenan na Hanoi.
Na momentu ku un grupo di mucha a graba dokter Olivier Larroque ta tene relashon seksual ku un adolesente na un Hospital Franses na Hanoi a bai entrega e video aki na polis.
Lokual a pasa despues ta ku outoridatnan na Vietnam a entrega dokter Olivier Larroque na hustisia na Fransia.
Algu a bai kompletamente robes na momentu ku outoridatnan na Vietnam a ekstraditá dokter Olivier Larroque pa Fransia ya ku esaki a disparsé.
E tratamentu di e kaso kontra dokter Olivier Larroque a tuma luga sin ku e tabata presentá i asina ela keda kondena sin ku e tabata den korte.

MEXICO – Gustavo Petro presidente di Colombia a yega Mexico ayera nochi na AIFA (Aeropuerto Internashonal Felipe Ángeles) kaminda ela keda risibí pa Maximiliano Reyes Zúñiga sekretario pa Amérika Latina i Caribe.
Pa awe mainta 25 di novèmber Gustavo Petro i presidente Andrés Manuel López Obrador na Palasio Nacional un desayuno i despues lo sigi atendé ku asuntunan di trabou.
Despues di e reunion ku Andrés Manuel López Obrador presidente Gustavo Petro lo reuní ku Claudia Sheinbaum hefe di gobiernu na Parlamento di Mexico.
Na final di dia Gustavo Petro lo keda kondekorá komo huéspet distinguido di CDMX i lo firma e buki di bishitantenan prominente ku a yega Palacio Nacional.
Pa mayan mainta tin un programa prepará pa Gustavo Petro reuní ku grupo di Colombianonan ku ta biba na Mexico na embahada i lo diskutí e tema di diskriminashon.

QUITO – Ayera tripulantenan di Warda Kosta a kanta bingo na momentu ku nan a logra interseptá un boto di piskadó ku tabata den awanan teritorial i ku tabatin un kargamentu di 1.523 tonelada di kokaina abordo.
Almirante Andrés Muñoz hefe di Warda Kosta na Ecuador a bisa ku nan a konfiská 1.344 bulto paketá ku kokaina ku a surpasá 1.523 kilo di kokaina.
Ta trata aki di un embarkashon multimionario ku tabatin komo destinashon Ecuador pa despues via karga manda droga Merka i Europa.
Almirante Andrés Muñoz a splika ku 8 persona a keda detené ku tabata den e boto di piskadó.
Tin indikashon ku tur e hendenan ku tabata den e boto tabata Colombiano.
E intenshon ta pa destruí e kantidat rekòrt di kargamentu di droga ku a keda konfiská pa fin di siman aki mes.