Willemstad – Djadumingo dia 22 di Mei benidero Korsou tambe lo ta amfitrion pa The Distinguished Gentleman’s Ride 2022. Un evento kaminda mundialmente ta para ketu na asuntunan di Salud di Hende Hòmber, pa yuda, pa asistí den konsientisashon tokante topikonan delikado manera kanser na prostat, kanser na testíkulo, tambe salud mental & prevenshon si suisidio. Mundialmente e fundashon MOVEMBER ta rekouda fondo den tur pais ku inskribí ofishalmente pa hasi esaki. Fondonan rekoudá ta wordu inbertí den projektonan grandi di research riba tereno di Men’s Health. Un di e maneranan pa hasi esaki ta pa organisá mundialmente riba ún dia e mesun fecha un paseo trankil riba motosaikel anto netji bisti den vestuario klasiko ku elegansha ‘sartorial’ segun un dress code ofishal p’asina simbolisa e Kabayero Distinguí. Partisipashon no ta riba invitashon pero méster registrá online konforme reglanan.

META
Meta prinsipal ta pa kita taboe I papia habiertamente riba e topikonan, krea konsientisashon pa bai dokter, pa bai kontrolá, bai hasi test, sigui tratamentunan, p’asina no kore bai pa realidat pero tuma liderasgo I kuida e kurpa pa superá I sobresali. Banda di esaki por hasi donashon pa e kousa bunita aki, yudando asina MOVEMBER kual fondonan lo bai bèk den research benifisiando henter mundu. Donashon tambe ta online, via e wepsait. Un peer-to-peer system ta den funshon, pues kada’un partisipante registra por atraé famianan amistad I konosinan pa hasi donashon via nan komo koredó. Durante e paseo DGR2022CUR riba motosaikel tin 5 stop kaminda publiko interesá por akudi I skucha charlanan di profeshonalnan den kuido I tambe testimonianan bunita I alentador. Pa kore den e paseo méster registrá. Pa e charlanan no ta nesesario. Yega mester yega na tempu. Tambe saludá I apoyá e distinguished gentlemen ora ta pasando den nos kayanan ta deseá.

PASEO
E paseo lo start pa 3’or di atardi e dia ei for di Fundashon Prevenshon na Molenplein Otrobanda anto despues di sinku stops na kaminda lo termina pa 7’or di anochi na Prinses Wilhelmina Fonds den Skalo. E sinku stopnan ta Stop 1. Sentro Mediko DE SAVAAN kaminda proshonalnan den kuido lo konta algu; Stop 2. Ofisina di Urologo ISA kaminda urologu Isa I urologo Weijers lo papia riba salu serka hende hòmber, e varios testanan den diagnostika I saminashon fisiko dor di urologo; Stop 3. Sentro Mediko SORSAKA na Caracasbaaiweg kaminda dokternan di kas (CHV) lo para ketu na ‘Bai bo dokter’, splikando esensha di ‘early detection’ pues detekta un malesa asina den fase trempan; Stop 4. TELECURAÇAO kaminda dos sikologo lo papia tokante salu mental i prevenshon di suisidio; Stop 5. SAMBIL kaminda lo tin testimonionan di pashèntnan ku a sobrebibí anto pashèntnan ku ta den e lucha ainda I otro testimonionan kon bida por pone tur kos para ketu; pa despues sali pa bai terminá 7’or na Prinses Wilhelmina Fonds na Skalo. Na tantu Start komo Stops na kaminda komo Finish publiko lo ta bon biní, sin gastu.