Connect with us

Sosial

Sherwin “Kòrá”Faneite presidente di komishon tumba 2023

Published

on

Preparashonnan pa festival di tumba 2023 ta den ful swing

Willemstad – Den kuadro di preparashonnan pa Festival di Tumba 2023, direktiva di Amak ta nombrando diferente komishonnan, ku lo mester hasi e preparashonnan nesesario, pa seguidamente den prinhsipio di yüni por tene e reunion general ku miembronan, pa trata tur e kambionan ku e komishonnan lo presentá.
Kontrali na añanan anterior, en bes di un komishon grandi, ku lo keda enkargå ku tur e difrente aspektonan di òrgansisahon, riba proposishon di un komishon di konsulta, e sigiente komishonnan lo keda instalå:
– Komishon pa revisa reglanan di hurado
– Komishon pa yuda den merkadeo
– Komishon pa bin ku inovashonnan, pa tur partisipante
– Komishon pa hasi premionan mas atraktivo
– Komishon pa promovè mas partisipashon den festival di tumba 2023
E diferente komishonnan lo keda instala muy pronto.
Direktiva ta hopi kontentu, ku sr.Sherwin Kòra Faneite, ya a bai di akuèrdo pa presidí e komishon.Ta un realidat, ku sigur último añanan sr. Faneyte, tabata e motor inkansabel pa konbensé mas partisipashon di nos artistanan na festival di tumba.
Sr. Faneyte mes lo forma un grupo di 5 personan pa yudé den e tarea aki.
Tin tur indikashon ku Festival di tumba 2023 lo supera tur e festivalnan ku ya a tuma lugar.
Huntu nos lo logra nos meta.

Direktiva di Amak.

Continue Reading

Sosial

Velas Latinoamérica 2022 di 7 pa 12 di yüni awor konsentrá na Otrobanda

Published

on

By

WILLEMSTAD – Djamars dia 7 di yüni awor Velas Latinoamérica 2022 (VLAC 2022) ta ranka sali 8 or di mainta ora defensa Hulandes ta risibí e barku Cuauhtémoc di Méksiko ku tirunan di saludo na entrada di haf di Kòrsou. Despues mas barku di bela grandi, e asina yamá tallships, ta drenta haf di Kòrsou.
Hopi lo rekòrdá e evento di VLAC na 2018 kon e diferente barkunan aki tabata ‘dòrna’ henter bahia di Santa Ana, huntu ku marina real Hulandes. VLAC 2022 ta un demostrashon grandioso di barku for di diferente pais di e kontinente Merikano. Meskos ku 4 aña pasá nan ta hasi un gira rònt e parti di Latino Amérika, e biaha aki en konekshon ku e di 200 aniversario di marina di Brazil. Di parti di defensa Hulandes lo tin tambe e barku di transporte Pelikaan, e supmarino Dolfijn i botonan di Wardakosta.
E evento ta kuminsá djamars dia 7 di yüni i ta dura te djadumingu 12 di yüni kaminda lo tin hopi aktividat eksepshonal den haf, riba e barkunan i na Awasá. Riba e djamars ei mes lo tin presentashon na Awasá di e asina yamá ‘Taptoe’ di Koninklijke Marinierskapel 8 or di anochi.
Den e siguiente dianan tin ora ku por bishitá e barkunan ku tur lo ta mará na e parti di Otrobanda. I pa e anochinan a perkurá pa aktividatnan kultural i musikal. Skolnan lo bishitá e barkunan riba sierto oranan. Ta bai tin parada di bandera di e diferente paisnan representá. Ta bai tin ponementu di krans na estátua di Pedro Luis Brion. Un selekshon di futbolista di tripulashon di e barkunan bishitante lo topa riba tereno di Jong Holland na Mundo Nobo kontra un selekshon di Kòrsou. Durante nan estadia e tripulantenan lo ta enkargá tambe ku proyektonan na benefisio di komunidat di Kòrsou. Marina Real lo tin un sekshon kaminda ta demostrá parti di nan ekiponan i duna demonstrashon riba tera i den haf tambe di nan aktividatnan riba laman.
Djabièrnè anochi dia 10 di yüni Koninklijke Marinierskapel lo presentá atrobe na Awasá i nan lo kompañá tambe e kantantenan lokal Merietza Haakmat i Tamara Nivillac. Tin tambe na Awasá un presentashon di e banda popular ERA. Djasabra anochi 11 di yüni for di 8 or tin presentashon di Efrem J, siguí pa un banda internashonal ku ta kompañá Alberto Barros ku su salsa for di Colombia loke ta bira e kulminashon di e programa musikal.
Djadumingu dia 12 di yüni e evento ta sera ofisialmente ora baha e bandera di VLAC 2022 i ku un desfile di e barkunan ora nan sali for di haf di Kòrsou alo largu di kosta sùit di Kòrsou pa sigui pa nan siguiente destino.
Tur esaki a bira posibel danki na hopi spònser, manera e grandinan Curaçao Ports Authority, Koninklijke Marine, MEO, CTB, Massive, Fundashon Bon Intenshon, Jet Air, Curoil, MCB, Renaissance, Penha, IBIS Management i Distribier.

Continue Reading

Sosial

6 partisipante pa Miss Teenage Globe Curaçao 2022

Published

on

By

Willemstad- Queen Making Queens Organization (QMQ Organization) bou di guia di Ayanette Haard- Statia ta anunsiá ofisialmente e 6 partisipantenan ku lo kompetí pa e sertámen hubenil di momentu, Miss Teenage Globe Curaçao 2022.

E 6 partisipantenan ku lo kompetí ta: Eugéneely Florentina, Kedi Jimenez, Heelery Marceli, Nathali Mauricio Seintje, Valerie van Heydoorn i Briëlle van Thijs.
Despues di a pasa e promé fase di informashon i inskripshon, e partisipantenan ofisial a traha huntu ku e tim di produkshon di QMQ Organization, pa graba nan vidio di introdukshon pa pueblo di Kòrsou i tambe saka nan potrètnan ofisial kaminda por vota pa nan via e página di Facebook i Instagram pa asina por elegí ken lo ta Miss Teenage Internet 2022.

Durante e sertámen e partisipantenan lo risibí diferente charla i entrenamentu di “public speaking” i desaroyo personal pa yuda nan prepará nan mes. Tambe lo tin diferente aktividat sosial kaminda por konosé mas i disfrutá di Kòrsou.
E sertámen ta konsistí di dos shou ofisial; e promé ta Miss Press ku lo tuma lugá 12 di yüni próksimo na PWFC i e shou final ku lo tuma lugá 7 di ougùstùs 2022 tambe na PWFC. Pa kumpra karchi pa e eventonan akí por aserká tur partisipante.

Por bishitá e páginanan ofisial di QMQ Organization via di Facebook, Instagram i Tik Tok pa asina apoyá nos partisipantenan i sigui tur e eksperensianan.

Continue Reading

Sosial

Presentashon ofisial di kandidatanan Miss Curacao Teenager 2022

Published

on

By

Willemstad – Team di International Beauty and Fashion Foundation ta super entusiasmá pa djadumingu awor 6 or di atardi den Ballroom di Renaissance Curacao Resort and Casino pa por presentá ofisialmente e 7 partisipantenan di Miss Curaçao Teenager 2022 na prensa i demas famia I fanátikonan.
E partisipantenan aki ya tin un luna I mei ta preparando nan mes intensivamente bou di guia di Christopher Josefa I Laurien Angelista ku nos ta deskonosí pa Kòrsou.
Djadumingu awor ofisialmente nan lo skohe nan numbernan ku nan lo ta kompetí kuné den hinter e temporada I mesora Prensa lo ta enkargá pa skohe e tradishon ku a kuminsá di MCT ku ta Miss Press 2022. Fanátikonan ya ta votando pa nan partisipante faborito riba Página di Face Book I Instagram di Organisashon.
Patrosinadornan ku a kere den e programa un biaha mas ta super kontentu ku un biaha mas por a invertí den e sertámen ku ya a bira un tradishon di EDUKASHON I BEYESA I na momento bo mira e reinanan bek I skucha nan mes nan bisa bo ta Miss Curaçao Teenager ta nan base.
E aña aki mané semper Renaisance Curaçao lo ta e Kas ofisial di e sertámen ku ya ta nos di 7 aña na e Hotèl aki ku a karga e sertámen aki I lo bisti di Gala pa tur 3 evento.
E 7 Partisipantenan ku ta den kontienda: Angeraine Barbara, Clarisse Carolina, Morgainy Job, Raina Martina, Royjenica Martha, Ruesteny Ricardo, Sharepha Pauletta.
Si abo ta interesá pa ta presentá den e evento awor aki pa solamente Nafl. 10,00, karchinan ta optenibel serka tur partisipante I tambe serka miembronan di IBFF òf yama 521-6890 Cris Josefa.

Keda pendiente di mas di nos sertámen: E SERTAMEN DI HIBENTUT.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login