Lokal
Ta laga medidanan di COVID-19 lòs pero mester sigi kuida individualmente
WILLEMSTAD- A yega tempu pa laga bai i konsentra ekstra riba kuido individual, relashona ku e pandemia di COVID-19. Asina por konkluí for dje informashon ku gobièrnu a duna ayera durante un rueda di prensa riba e topiko di COVID-19. Entre otro Promé Minister, Gilmar Pisas i Dokter Izzy Gerstenbluth tabata presente, pa anunsiá e kambionan den e maneho pa kombati COVID-19.
A yega e momentu pa laga los i mester tene kuenta ku e medidanan banda di a kosta hopi sen, tabatin tambe impakto riba komunidat. COVID no a bai, e tei ketu bai i tur hende mester kuida nan mes I tene kuenta ku e reglanan di higiena. Dokter Gerstenbluth a hasi apelashon riba komunidat pa proteha e hendenan mas vulnerabel den komunidat.
Dr. Gerstenbluth a bisa tambe ku e momentu aki ta adekua pa medidanan general apesar ku mundialmente ta konosi ku tin mas variante, kisas mas kontagioso. ‘’Despues ku a alivia medidanan na Kòrsou e tasa di mortalidat ta keda aseptabel, ounke ku den bes en kuando tin hende ta fayese. Pero e situashon ta basta bon bou di kontrol’’.
Gobièrnu a partisipa anunsionan ku ta drenta na vigor awe:
-Dokternan di kas ta registra tur persona ku sintoma di COVID 19 i di un forma arbritario, e Sistema ta skohe solamente algun persona ku ta bini na remarke pa hasi e test na un laboratorio ofisial komo parti di e asina yamá ‘Randomized COVID-Testing ‘. Den e ‘Randomized COVID-Testing’ lo test mas o menos 200 persona pa luna, mientras ta nesesario, pa sigi monitoria e desaroyonan rondo di e virus aki na Kòrsou.
-Den kaso ku un hende tin kehonan sever, ta fisikamente swak (fragil), ta di edat avansa, ta biba den un kas di kuido, of si un persona presenta na Sala di Emergensia di CMC ku posibel sintomanan di COVID-19, por hasi e test di COVID-19 bou di gastu di e persona su Seguro mediko.
Tur persona ku ta atmiti na CMC, Adventist Hospital, Capriles Kliniek i Sentronan di Dialisis tambe lo mester hasi e test di COVID-19 bou di gastu di e persona su Seguro mediko.
-E fasilidat di ‘’dirve-thru’’ pa test do COVID-19 na GGD Zakito no ta opershonal mas. Tur persona ku mester test of ta desea di hasi esaki, por akudi na un dje laboratorionan akredita. E laboratorionan mes lo por brinda tambe e posibilidat pa hasi test na kas via di nan tim mobil.
Departamentu di Epidemiologia lo duna ‘training’ na personal di kasnan di kuido pa hasi e test di COVID-19 ora ku un kliente mester hasi test.
-Ta konseha tur persona ku tin sintoma di COVID-19 of a test positivo pa mantene un periodo di isolashon di minimo 5 dia i maksimo 10 dia .Bo mester pasa sigur 24 ora sin ningun síntóma, promè ku bo Sali for di isolashon.
Den kaso ku síntomanan persisti, pero tambe si bo a bira mas malu, tuma kontakto ku bo dokter di kas. Tuma nota ku ta elimina karentena komo medida preventivo.
-No ta sigui mas ku e proseso di ‘conctact tracing’, na momentu ku un persona test postivo pa COVID-19. E ultimo grupo di personanan ku a risibi yamada den kuadro di ‘contact tracing’ tabata esnan ku a test positivo djabierne 20 di mei 2022.
Si bo tin sintoma relata na COVID-19, ta rekomendabel pa bo drenta isolashon di minimo 5 dia i tambe hasi un ‘zelftest’. Den kaso ku ta medikamente nesesario, bo por hasi un test na laboratorio si bo seguro ta kubri esaki of riba gastu propio.
-Mundialmente tin personanan ku a keda ku hehonan riba termino largu desues di a keda kontagia ku COVID-19. Ta trata aki di entre otro problemanan respiratorio, kansansio kroniko, menos kapasidat di resistensia fisiko i Perdida di konsentrashon. Pa por hana miho bista i konosementu den e kantidat i konsekuensianan di ‘Long Covid’ na Korsou, Departamentu di Epidemiologia ta inisia un proyekto piloto pa por kompronde e fenomeno aki mihó.
-E programa di bakunashon ta pasa over pa kuido regular i lo no tuma luga mas na SEHOS-POLI. Tur persona ku ta desea di risibi su bakuna of booster kontra C,OVID-19, mester akudi na e departamentu di ‘Infectieziektebestrijding den G&GZ (antes GGD) na Piscaderaweg 49, Zakito.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
