WILLEMSTAD – E promé ekipo di Torneo ABCS a pisa suela di Kòrsou awe den oranan di mainta pa kontinuá ku e preparashonnan pa nan kompromisonan di djaweps binidero ora ku Torneo ABCS inisiá.
E selekshon di Sürnam a yega awe ku un delegashon di 25 persona pa kuminsá ku e trainingnan na Kòrsou pa nan partido di djaweps kontra Boneiru.
Aruba i Boneiru ku tambe lo partisipá na Torneo ABCS 2022, lo yega Kòrsou djaweps durante dia, pa sosegá i duna un bon presentashon mas lat durante nan enkuentronan.
Nos selekshon dirigí pa Lennox Mauris i Gersinio Constansia ya tin algun dia ta preparando pa saka nos kara i defendé e título di kampion despues di a bai ku e título máksimo aña pasá.
Den transkurso di e siman aki nos lo publiká e lista di nos hungadónan tantu pa nos selekshon senior komo nos selekshonnan di kategoria U-9, U-11 i U-13 ku tambe lo partisipá kontra Boneiru.
Manera ya nos a avisá e partidonan di nos selekshonnan hubenil i tambe e partido femenino lo ta kompletamente grátis miéntras pa esnan di senior mester paga solamente fl.5,-.
Por kumpora karchi na ofisina di FFK di 9’or di mainta pa 5’or di atardi nòn-stòp.
Dal bo kolónan di bandera i bin apoyá nos selekshonnan ku ta den akshon di djaweps 24 di novèmber pa djasabra 26 di novèmber den Stadion Rignaal ‘Jean’ Francisca.

…..Miéntras ku e pandemia di Covid-19 a trese na kla e realidat tristu ku hopi den nos komunidat ta pasando aden, el a pone lus tambe riba organisashon i individuonan ku ta pèrkurá pa esnan ku ta den nesesidat, risibi e yudansa básiko pa nan por sobrebibí. CIBC FirstCaribbean ta rekonosé e esfuerso di e fundashon i komo muestra di sosten i enkurashamentu ta hasi un donashon na Voedselbank.Timba Engelhardt, Country Head di CIBC FirstCaribbean a hasi un donashon valioso i

Presidente di Voedselbank, Sheryl Losiabaar a gradisi profundamente pe gesto pasobra tin un oumento den e kantidat di sosten ku ta duna na komunidat i kual  ta kontribuí den un forma signifikativo na bienestar di nos ko-suidadanonan durante di e pandemia.