Connect with us

Lokal

Presentashon di kargo kriminal kontra Theo Heyliger pa soborno

Published

on

PHILIPSBURG—Un konsultador ulandes di inisial R.M. (64) lo tin di presentá den korte di hustisia na Sint Maarten riba kargo di a paga soborno na un parlamentario i e lider politiko ku mas voto na Sint Maarten, Theo Heyliger. E soborno lo a tuma lugá entre ougustus di 2011 i september di 2011. Di akuerdo ku e dagfar ku Ministerio Publiko a manda pa Theo Heyliger, e profeshonal ulandes lo a paga Heyliger US $300,000 pa kompra di tereno pa konvensé Heyliger pa duna un kompania partikular trabou di limpiesa den haf di Sint Maarten. E ulandes a paga parti dje suma via su firma di konsulta i parti via Advanced Consultech SA pa Devcon TCI Ltd. i Volker Construction International BV/Volker Stevin Caribbean NV haña e trabou. Ministerio Publiko ta tene Heyliger responsabel pe hecho ku ela tuma 300 mil dòler sabiendo ku esei a sosodé pa konvensé pa regla e kontrat. Esei ta nifiká ku OM por akusá Heyliger komo kómplise den e kaso. Mester bisa si ku ta trata di un intento di soborno na Heyliger pero OM ta kere ku nan tin prueba ku kompanianan manera Ballast Nedam International BV, Devcon, Windward Roads i Volker Construction/Volker Stevin a paga diferente amtenar pa nan regla kontrat pa nan. Segun OM, e pagonan a tuma lugá na èks Antia, Ulanda, Isle of Man, Panama i St. Kitts.

This content is exclusive for members

Register or login to unlock this article

Continue Reading

Lokal

Montaña ta bai sende lus pa di 19 biaha

Published

on

By

Willemstad – Manera ya a bira e tradishon i kustumber di fin di aña aya na Montaña ta e sendementu di lus di e dushi temporada ku nos a drenta aki kual ta luna di Desèmber. E organisashon di The Excellence Quality Art enkabesá pa e hóben Fabian Martina ta den e kompletu preparashonnan ku hopi perspektiva pa e di 19 edishon di sendementu di lus di e pesebre mas grandi den e área di Montaña, Banda ariba i bisindario. E lokual ku ta hasi e pesebre aki úniko i diferente for di tur sobra ta ku e ta keda konstruí kompletamente ku materialnan resiklá. I e máksimo atrakshon di e pesebre aki ta e animalnan bibu i real ku tambe ta forma parti di hinter e totalidat.
Naturalmente manera semper e organisashon di The Excellence Quality Art ta duna rekonosementu na algun persona òf organisashonnan ku a nifiká algu pa nan komo organisashon pero tambe ku di un òf otro forma a destaká i sobresalí riba otro áreanan den komunidat.

P’esei e aña aki e organisashon di TEQA ta rendi homenage na 5 persona i na 2 kompania lokal ku ta kere den promové i sostené e lokualnan ku ta di nos. Esakinan lo ta: Sra: Cenaida van Dinter, Sra Laurine Lovert Regina, Sra. Desiree Fingal, Sr. Glendon Aniceta, Sr. Joseph Girigorie, Kreaheadwraps i Divino Catering.
Riba e anochi di sendementu di lus aki e 7 homenahiadonan lo risibí serka e organisashon di TEQA un rekonosementu digno.

Bario di Montaña ta sende lus djasabra dia 10 di Desèmber 2022 pa 19:30 na Kaya Kané ( hanchi pabou di toko Jomali) zijweg di kaminda Venancio Isenia.

Continue Reading

Lokal

Minister a basha’bou riba Jardim & Bearing Point!

Published

on

By

Mientras tur kompinchi a keda ketu…..

WILLEMSTAD. Ayera tabata un dia interesante den parlamento primordialmente pasobra pa promé biaha un minister den funshon a tira ‘de knuppel in de hoendershok’ den e asuntu di e relashon entre èks minister Jardim i e empresa di konsultent Bearing Point.
Basikamente e minister a konfirma loke hasta hende ku mester sa mihó a tapa kara pe, esta ku siendo empleado di gobiernu, Jose Jardim a disparse for di su trabou minister di Finansa pa bai negosha un djòp ku Bearing Point sin nunka a apartá temporalmente for di su funshon.
Un parlamentario a trese dilanti ku e ta apresiá ku minister Silvania ta bai sigui negoshá ku Bearing Piont pa sigui ku e trabounan pasombra no ta Bearing su falta ta falta di e gobièrnu ku tabata na mando lesa: minister Jardim. Anto minister no laga e kaso keda te den sala di parlamento. Buska konseho hurídiko i duna keho na OM.
Bearing Piont tambe tin un tiki mala fe pero e no sa mihó pasombra ta regalo tabata tin i ken ku no haña regalo ta ninga esaki. Pe supuesto delito ku Jardim a kometé tin un kastigu di prisòn di maksimalmente tres aña o un multa di kategoria kuater.

Continue Reading

Lokal

INVESTIGASHON DI SOAB PA SERVISIO A PRESTA NA SERVISIO DI IMPUESTO

Published

on

By

Willemstad. Ayera parlamento a haña presentashon di Minister di Finansa en kuantu e rapòrt di SOAB riba investigashon di e proyekto di Bearing Point na Servisio di Impuesto di Kòrsou. Manera kustumber e

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login