Deporte
Ku transmishon di Serie del Caribe: TV Nos Pais a dal “Grandslam” !! …Base yen pa gana wega…
Mester rekonosé ku TV Nos Pais ku transmishon di Serie del Caribe a dal un homerun ku base yen pa finalisá wega.
TV Nos Pais a dal loke nan ta bisa na Ingles i terminologia di baseball,”Walk-Off Grandslam”…
E sintonia di Serie del Caribe ta total, tantu na Kòrsou, Aruba i Bonaire e sintonia ta práktikamente total.
Nos Pais TV ta transmitiendo e weganan di Kòrsou prinsipalmente, pero tambe e otro weganan di e kompetensia.
Ayera nochi mes nos a mira e tremendo wega entre Tigres del Licey i Leones di Caracas den un stadion “de bote en bote”.
TV Nos Pais a buska refuerso for di Aruba, i ayera nos a disfrutá di komentarionan di un scout di Aruba ku tabata na nivel haltu.
Huntu ku Alexander Makaya, tin tambe Clarke, “Yuyu” Zalm, Gin-o Valeriaan i Jair Quant kende nan tin e trabou di komentá i nara na nan enkargo.
Mester rekonosé ku e kanal di televishon di Sra. Mavis Albertina ku transmishon di Serie del Caribe a dal un homerun ku base yen.
Esei ta mustra un biaha mas kon gustá i stimá deporte ta na Kòrsou.
Alexander Makaya.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
