Connect with us

Sosial

Otro baranka di nos kultura a bai laga nos: DIANA LEBACS

Published

on

WILLEMSTAD – No kabe duda ku e notisia di morto di e baluarte kultural di nos pais, Diana Lebacs, a dal hopi hende duru ya ku na un edat relativamente mediano Señor a yamé den su Reino.
No muchu tempu pasá su èks kompañero di bida matrimonial Pacheco Domacassé tambe a bandoná e mundu aki kreando un bashí enorme den mundu kultural en general den nos pais.
Diana Lebacs a fayese ayera nochi na edat di 75 aña den kompania di su famia.
Diana Lebacs a nase 12 di september 1947 na Kòrsou i tabata un outor kurasoleño multifasétiko ku tabata produsi obra tantu na Papiamentu komo Ulandes.
Un di su obranan ku más a duné fama ta e buki hubenil Nancho di Boneiru pa kual na 1976 ela risibi e premio Silveren Griffel na 1976 komo promé ganadó no-Europeo.
Aparte di tabata outor, e tabata kantante, aktris traduktor.
Diana ta yu di tata kurasoleño i mama surinameño. Di akuerdo ku su biografia, su mayornan tabata biba na Marie Pompoen i e mayornan tabata papia ulandes ku otro pasobra nan no por a komunika den Sranan of Maleis.
Nan no tabata konose otro su kultura pero ku su wela Diana tabata papia Papiamentu.
Diana Lebacs a bai skol na Kòrsou i a skohe pa Kweekschool kamininda tabata prepara e generashonan binidero di maestro i maestra.
Na 1966 ela alkansa su akte di maestro i ela duna klas 13 aña.
Na 1967 ela kasa ku e tambe maestro di skol, outor di komedia i regisor di sine, Pacheco Domacassé kende a fayese e aña’ki.
E pareha tin dos yu.
Riba tarima Lebacs tabata den su elemento i ela stimulá literatura pa hubentut ku pashon.
Despues ela konsentrá riba trahamentu di material di duna lès na Papiamentu i pa su logronan Kas Real Ulandes a kondekoré komo Ridder in de Orde van Oranje-Nassau i 10 aña pasá ela gana e prestigioso premio krioyo Tapushi di oro.
Na 2017 ela partisipá komo invitado na Dia di Letra Junior Karibense na Amsterdam ku ta e festival di mas grandi di outornan di buki hubenil.
Diana deskansá na pas despues di tur loke bo a hasi pa bo i nos país den bo mundu kultural.

 

Continue Reading

Sosial

Jeny Minguel Miss Curaçao Holland 2022 rumbo ‘Miss Petit World 2023’

Published

on

By

Amsterdam – Den luna di Mart último Jeny Minguel a ser korona komo e promé Miss Curaçao Holland ku a kuminsá ku e trayektoria di damanan ku ta haña e oportunidat di por kompetí na Hulanda bou di number di Kòrsou. E sertámen aki netamente ta ser hasi pa yuda e hóbennan aki desaroyá I un parti masha importante pa nan no pèrdè nan identidat ku ta e problema di mas grandi ku e organisashon di Aubrey America a bin ta konstatá.
Den e trayektoria Jeny Minguel komo representante di Kòrsou na Hulanda a haña hopi oportunidat di ta den aktividatnan ku tin ke aber ku Kultura i Turismo. E la asta partisipá den komishon di Stichting Tula presidí pa Vany Hooi pa asina toka parti na e trayektoria di e selebrashon “Dia di Tula”
Jeny ta un damita di apénas di 19 aña di edat ku awor aki ta studiando pa Social Maat-schappelijk Werker kaminda e ke aportá na yuda hóbennan ku problemanan spesial di depreshon ku ta un di e problemanan ku e mes a eksperensia durante Covid.
Awor aki Jeny a haña e oportunidat komo embahadora di nos komunidat Antiano pa bai representá Kòrsou na Republiek Dominicano Novèmber próksimo den e Festival di Beyesa “Beauty World International 2023” organisá pa Ana Lydia Gonzalez Galban ku lo tuma lugá entre 7 pa 13 di Novèmber próksimo na Punta Cana!
Jeny su preparashonnan lo kuminsá I e lo ser guia pa Aubrey America I e Team di AAMTP ku diferente profeshonalnan ku ta biba na Hulanda ku ta Yu Di Kòrsou.
Sigui nos medionan sosial di Aubrey America pa asina biba di aserka e preparashon di nos Miss Curaçao Holland Jeny Minguel! Pa mas informashon por bishita nos página di FB, Instagram I website:www.aubreyamerica.com

Continue Reading

Sosial

‘Bacchanal Tribe’ ku DESTRA ta keda p’un otro biaha!

Published

on

By

WILLEMSTAD/ Ya for di den luna di ougùstùs grupo di karnaval A’legria a publiká nan konsepto pa e jump-in Bacchanal Tribe. Siman pasá den forma ofisial a presentá esaki na prensa sin por a pensa ku e siman aki tin ku posponé e fecha pa motibu di mal tempu ku ta pronostiká. Den e próksimo 8 dianan, ta pronostiká dos tanda di mal tempu pa Trinidad & Tobago ku ta e

Continue Reading

Sosial

Resultado Marvelous Queens Showcase

Published

on

By

Willemstad – Wikènt tras di lomba Marvelous Production a organisá su promé elekshon pa loke ta trata 2022. Un elekshon great kaminda kada partisipante a mustra nan abilidat nan komo Modelo Promoshonal riba esenario i tambe nan a modela shimis nan di cocktail ku diseño nan bunita.

E resultado tabata lo sigiente.

Baby Best Promotional Runway Model: Queenaë Fecunda
Baby Beautiful Hair: Queenaë Fecunda
Baby Best Cocktail Dress Design: Queenaë Fecunda

Minu Best Promotional Runway Model: Tyshainy Lasten
Mini Beautiful Hair: Tyshainy Lasten
Mini Best Cocktail Dress Design: Tyshainy Lasten

Little Best Promotional Runway Model: Jen-Naöxa Payne
Little Beautiful Hair: Jen-Naöxa Payne
Little Best Cocktail Dress Design: Taë-Sja Martina de Wind

Pre-Teen Best Promotional Runway Model: Shanea
Medema
Pre-Teen Beautiful Hair: Charelline Panthoflet
Pre-Teen Cocktail Dress Design: Charelline Panthoflet

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login