Connect with us

Sosial

Oportunidat pa inskribí pa lès di muzik aña akadémiko 2021-2022 di Amak

Published

on

Despues ku den e aña  akadémiko ku a tèrminá, diferente hóben, hóben adulto  i penshonádonan a risibí formashon musikal na Festival Center  di un forma eksitoso,  Amak ta  bolbe habri oportunidat pa inskripshon nobo pa les di muzik na entrante 1 di ougùstes 2021.

 

Tantu  esnan ku ke siña toka un  intrumènt,  komo esnan ku ya kaba tin un tiki eksperiensia por inskribí pa e siguiente instrumèntnan: Piano, Basgitaar, Kitara, Perkushon, Drum, Trompet,Saksofon, Trombon.

Dosentenan kalifiká lo duna instrukshon musikal, konforme un método efisiente.

Lo tin diferente tarífanan atraktivo pa famia i penshonadonan.

 

Si bo tin interes i bo ta dispuesto pa tur dia praktiká riba  e instrument ku bo a skoge, den reletivamente korto tempu, bo por siña toka algun kansion pa por relahá bo mente.

 

Por pasa buska formulario di inskripshon i informashon tokante tarifa i kondishonnan na Cur Festival Center,

di djaluna pa djabièrnè  entre  09.00 mainta te 7 or anochi.

Por yama yambe na  Curacao  Festival Center na e numberta +5999 5636368.

 

Amak ta krea oportunidat pa un i tur k uke  siña toka un  intrumènt, na un tarifa pagabel i na un nivel efisiente.

Continue Reading

Sosial

ICONS ta lansa studio albùm “Iconicprint”

Published

on

By

WILLEMSTAD/ Ayera, Fusions den Saliña tabata esenario pa lansamentu di e promé studio albùm di ICONS. Esaki ta un logro hopi grandi pa e tim ku a bin ta traha inkansablemente pa krea un stèmpel ikóniko pa nan estilo, zonido i presentashon. ICONS ta lansa un studio albùm ku 15 piesa, yen di sabor, amor i bon vibrashon. Entre nan e hitnan ku ya kaba a bin ta zona na radio manera Amor Real, For Real, I’m Moving On i Una Escapadita. Pero tambe esnan nobo manera, Otro Bida ku a keda lansa ayera ku su video clip!

E “Iconicprint Event” a resultá un evento masha ameno. Ku presensia di prensa i tur kantante i músiko di e banda i algun invitado spesial e grupo selektá a koroná un trayekto di kasi 1 aña. Kantantenan Dju Dju V, AmoreusZ, HnlY i Papito ConQ tabata sumamente kontentu. Ounke nos ta bibando den un tempu na unda tur hende ta ‘stream’ piesa, riba plataformanan digital tòg ICONS ku e produkshon aki ta imprimí su seyo ikóniko pa semper den e mundu di farándula lokal. Di akuerdo ku Efrem Mambi, esei ta e intenshon tambe. Ta p’esei un CD i un tarheta USB, bunita presentá. T’e máksimo deseo pa e fanátiko balorá e produkshon, ya ku a hasi hopi esfuerso pa realis’é.
ICONS ta un banda ku a sigui produsí sin kue rosea, por menshoná piesanan ‘live’ den tur género i naturalmente e produkshonnan grabá- sinembargo e produkshon aki “Iconicprint” ta e korona di tur! Ta p’esei ta importante pa e fanátiko tin’é den su kolekshon. Di akuerdo ku maneho di e banda, esaki ta e promé i kisas e ultimo produkshon den su forma i estilo- ya ku no ta usual mas pa banda òf kantante traha henter un albùm ku 15 piesa. Pues indiskutiblemente e ta ikóniko! ICONS ta gradisí tur radioemisora i fanátiko; kansionnan di ICONS ta gran faborito den lista musikal di kualke DJ i lokutor na Kòrsou, Aruba i Boneiru i p’esei Masha Danki!.

Continue Reading

Sosial

Jeny Minguel Miss Curaçao Holland 2022 rumbo ‘Miss Petit World 2023’

Published

on

By

Amsterdam – Den luna di Mart último Jeny Minguel a ser korona komo e promé Miss Curaçao Holland ku a kuminsá ku e trayektoria di damanan ku ta haña e oportunidat di por kompetí na Hulanda bou di number di Kòrsou. E sertámen aki netamente ta ser hasi pa yuda e hóbennan aki desaroyá I un parti masha importante pa nan no pèrdè nan identidat ku ta e problema di mas grandi ku e organisashon di Aubrey America a bin ta konstatá.
Den e trayektoria Jeny Minguel komo representante di Kòrsou na Hulanda a haña hopi oportunidat di ta den aktividatnan ku tin ke aber ku Kultura i Turismo. E la asta partisipá den komishon di Stichting Tula presidí pa Vany Hooi pa asina toka parti na e trayektoria di e selebrashon “Dia di Tula”
Jeny ta un damita di apénas di 19 aña di edat ku awor aki ta studiando pa Social Maat-schappelijk Werker kaminda e ke aportá na yuda hóbennan ku problemanan spesial di depreshon ku ta un di e problemanan ku e mes a eksperensia durante Covid.
Awor aki Jeny a haña e oportunidat komo embahadora di nos komunidat Antiano pa bai representá Kòrsou na Republiek Dominicano Novèmber próksimo den e Festival di Beyesa “Beauty World International 2023” organisá pa Ana Lydia Gonzalez Galban ku lo tuma lugá entre 7 pa 13 di Novèmber próksimo na Punta Cana!
Jeny su preparashonnan lo kuminsá I e lo ser guia pa Aubrey America I e Team di AAMTP ku diferente profeshonalnan ku ta biba na Hulanda ku ta Yu Di Kòrsou.
Sigui nos medionan sosial di Aubrey America pa asina biba di aserka e preparashon di nos Miss Curaçao Holland Jeny Minguel! Pa mas informashon por bishita nos página di FB, Instagram I website:www.aubreyamerica.com

Continue Reading

Sosial

‘Bacchanal Tribe’ ku DESTRA ta keda p’un otro biaha!

Published

on

By

WILLEMSTAD/ Ya for di den luna di ougùstùs grupo di karnaval A’legria a publiká nan konsepto pa e jump-in Bacchanal Tribe. Siman pasá den forma ofisial a presentá esaki na prensa sin por a pensa ku e siman aki tin ku posponé e fecha pa motibu di mal tempu ku ta pronostiká. Den e próksimo 8 dianan, ta pronostiká dos tanda di mal tempu pa Trinidad & Tobago ku ta e

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login