Connect with us

Lokal

Nul-uren kontrakt no por dura mas ku 6 luna

Published

on

Randolph Gijsbertha

WILLEMSTAD – Komunidat no ta dispone ainda di sufisiente informashon tokante di e asina yama Nul uren kontrakt. E konsekuensia di esaki ta ku tin basta konfushon riba e topiko. Esaki tku ta e kaso prinsipalmente ora ku ta papia di e aplikashon i intepretashon di e Nul-uren kontrakt. Randolph Gijsbertha direktor interino di SOAW a bisa na Radio Hoyer, ku e tipo di kontrakto aki no ta kompletamente reglá aktualmente den nos arbeidsregeling 2000. Pero ora ku na aña 2000, a hasi kambionan den nos leinan laboral, den Burgerlijk Wetboek, a hasi menshon di e nul-uren kontrakt. Segun Gijsbertha, mester lesa tambe den e Memorie van Toelichting, kiko tabata e espiritu i dikon ta aplika e Nul- uren kontrakt.
Gijsbertha ta sigi splika ku por tin e tendensia di pensa, debi na maluso di sienos reglanan, ku mester ku uitzendburo, e nul-uren kontrakt ta algu negativo. Pero ta importante pa mantene bo na e reglanan korespondiente i aplika i interpreta e kos bon.
Gijsbertha ta bisa: Un nul-uren kontrakt ta kasi identiko na un oproep-kontrakt. E uniko diferensia ta, ku e no por tin un durashon di más ku sèis luna. Na momentu ku bo tin un trahado i bo ta bise mi ta roep bo op, anto e oproep, ta dura mas ku seis luna, trahadó por eksigi pa e haña un akuerdo di trabou identiko na nos leinan laboral. No por bai dune e ora ei un kantidat di ora menos ku e promedio di oranan ku ela traha pa bo durante di e aòa ei.
Relashona ku e pago ora ku ta trata di un Nul-uren kontrakt, ta paga pa e kantidat di oranan ku a traha. Pero tin un aspekto importante , pasobra e trahado ta keda stand by, en espera di e yamada pa bai traha. Dor di keda pendiente ta pèrde oportunidat di hasi algu otro. Pa esei, e mester haña un kompensashon.
Gijsbertha ta sigi splika ku un otro punto ta tambe ku na momentu ku yama un hende pa bai traha, i ku persona bisa ku e ta malu, ta nifika ku mester pag’é. Banda di esei ku si no yama e persona ku sufisiente antisipashon, òf a surgi kambio den e palabrashon dje dianan pa traha,mester paga e trahadó, pasobra ela prepará su mes pa bai traha.
Un otro aspekto importante ta ku mester paga e prima di seguro pa e trahadónan ku tin Nul-uren kontrakt tambe. Ademas na momentu ku e trahadó ta malu, mester page e oranan ku a palabra kune pa traha.
Randolph Gijsbertha ta resumi ku konkretamente un Nul-uren kontrakt ta paresido na un oproepkontrakt. Den e kaso aki mester palabra ku e trahado i pone eksplisitamente den kontrakt kon ta regla asuntu di pago i otro kompensashonnan ku e trahado mester risibi. Por ehempel si e trahado sigi traha mas ora ku loke a yame pe e dia ei, mester page overtime. Mester zeg op tambe un nul uren kontrakt. Ta pesei e nul uren kontrakt tambe ta kubri dor di e ontslagrecht.
Gijsbertha ta konklui ku e remarke ku un Nul-uren kontrakt no ta algu malu, pasobra tin trahado ku ta prefera di traha fleksibel i no ke traha 8 ora. ‘Pero mester apliká i intepretá e reglanan manera mester ta. Pasobra den mayoria kaso e hendenan ku tin nul uren kontrakt ora ku nan haña problema i bai korte, ta haña rason tambe.

Continue Reading

Lokal

‘’Awor ora bo studia bo ta bira persona non-grata !’’

Published

on

By

Jamil Lasten

Jamil Lasten: No ta bèrdat ku direktornan ta sinbèrguensa i ladron..

WILLEMSTAD – Te ku awe a krea un persepshon ku ta biba eifo i ku a presenta na Hulanda, ku no ta kuadra ku realidat, relashoná ku altura dje salario di direktornan di N.v. nan di gobièrnu. Enbes ku e persepshon aki a boltu, por ripara ku e ta birando pio. Jamil Lasten, direktor di Curiol a bisa awe mainta den parlamento: ‘’E persepshon ku ta biba tur kaminda, ta ku ta gastamentu di plaka tin den e N.v. nan di gobièrnu. Ku e direktornan ta gana bòshi di plaka, nan ta un sèt di sinberguensa i ladron’’. Segun Jamil Lasten, ultimamente ta hasta pone gruponan kontra di otro i bisa ku ta pasobra e direktornan ta stroba, un kantidat di hende no por haña alivio.
E persepshon robes aki ta e base di e lei di maksimisashon, segun Lasten, ta pesei e direktornan a bai duna Parlamento e presentashon awe. ‘’Nos tei awe ku un sentimentu miksto ku di un banda ta hopi ferfelu ku a yega asina leu, ku mester diskuti un tema manera esaki.
Pero di e otro un banda nos ta hopi orguyoso ku nos sistema ta funshoná’’. E direktor di N.v. nan ta agradesido ku Parlamento a Brinda nan e oportunida aki pa duna informashon riba e topiko.
Nan a traha un positon paper ku nan a manda pa minister i parlamento. Nan a prepara un presentashon basá riba e position paper ku ela traha.
Den su presentashon, Jamil Lasten a trese su propio historia dilanti, kon komo un mucha di famia humilde a studia i traha duru pa hasi su karera. Lasten ta menshoná ku mester konekta su historia ku e realidat aktual ku nos ta bibando awendia. Kaminda un grupo a krea un persepshon robes di un persona of di un grupo di persona.
Jamil Lasten i su otro koleganan profeshonal ta eksperensia tur dia ku ta saka mentira , bisa ku e ta gana 80 mil florin pa luna, lastre tur manera . ‘’Mi salario i mi sa ku e ta konta pa mayoria dje direktornan di N.v. di gobièrnu, kende ta bati i zundra nan, ta kumpli ku e asina yamá ‘’ Jardim-norm’’, di e eks kabinete Rhuggenaath,. A pasa e norma aki na 2016, pero nunka no a publiké.
E loke ku ta pasando aki ta muchu mas leu ku un simpel maksimalisashon di salario. E ta algu ku parlamento mester tene kuenta kune, tambe pa e hopi profeshonalnan ku ta studia hopi aña i traha duru pa yega kaminda ku nan.
E profeshonalnan ta di akuerdo pa introdusí un lei di maksimalisashon di salario, pero e mester tuma luga na un manera transparente i hustu. Manera a hinka e lei den otro aworaki, e no ta hustu, Jamil Lasten a bisa. E ta un lei diskriminatorio i ta laga sierto gruponan afo i banda di esei e no ta basá riba un kalkulashon korekto.

 

Continue Reading

Lokal

Komishon húridiko lo investigá asuntu 27 ora di trabou pa dosentenan

Published

on

By

Sithree van Heydoorn

WILLEMSTAD – Minister di ensenansa, Sithree van Heydoorn a priminti sindikato DOEN ku e intenshon ta pa lanta un komishon di posishon hurídiko ku lo konsistí di representante di e 3 sindikatonan den enseñansa, direktivanan di skol i ministerio di enseñansa.
Un kolaboradó di ministerio di enseñansa lo enkabesá/presidí e komishon. E komishon ainda no ta instalá. Den e komishon di posishon hurídiko akí lo mester trata e.o. e asuntu di 27 ora di trabou.
Sindiakto DOEN a indiká na minister ku previo na esaki DOEN ta rekomendá pa implementá e asina yamá garantie-uren beleid. Esaki mester yuda evitá ku ta paga trahadó den enseñansa avansá abase di ora i sigur si nan no yega 27 of 32 ora. Den su promé reunion general pa aña eskolar nobo , DOEN lo amplia riba e proposishon akí.
Resientemente Sindikato DOEN a reuni ku minister van Heydoorn, kaminda e sindikato a probechá di e oportunidat pa trata e tópikonan ku pa años ta pendiente sin ku te ku awe ainda algu konkreto a keda realisá, manera:
– 27 ora pa enseñansa avansá kompletu
– e loke pa mas ku 15 aña debe trahadó den enseñansa; esta dosente A pa B i B pa C
– adaptashon di V&V-stelsel
Tambe a trata algun tópiko aktual, manera:
– Rapòrt riba Huisvesting
– maneho ‘Long Covid’
– niet toereikende uren

*Dosente A pa B i B pa C!*
Riba promoshon di dosente A pa B i B pa C minister tabata hopi kòrtiku. Minister a bisa ku e no por bisa nada ainda riba esaki.
E intenshonnan t’ei pero ainda nada konkreto.
*27 ora i V&V-stelsel*
Relashoná ku V&V tambe e intenshon ta pa lanta un komishon den kua direktivanan di skol lo ta aden i ora yega na un draft lo trata esaki ku e 3 sindikatonan den enseñansa.

*Intenshon só no ta sufisiente!*
DOEN a bisa minister ku aparentemente e bon intenshonnan ku e tin so no ta sufisiente.
A pasa un aña ku nos tin gobièrnu i pues minister di enseñansa nobo pero nada konkreto no a sosodé den enseñansa.

Continue Reading

Lokal

Un dje pistoleronan ku a mata Peter de Vries detené na Kòrsou

Published

on

By

Peter de Vries

WILLEMSTAD . Di akuerdo ku vershonnan polisial ofisial ku a sirkula e fin di siman aki na Ulanda, dos dje kómplisenan ku a partisipa filmando e asesinato dje famoso periodista polisial Ulandes Peter R. de Vries, a keda arestá na Spaña i Kòrsou.
Polis a arestá e dos sospechosonan di 26 i 27 aña kendenan dia 6 di yuli tabata den Lange Leidsedwarsstraat direktamente den e kaya posiblemente filmando nan akto kriminal ku nan a distribui mesora.
E impakto riba opinion publiko tabata dramatiko.

E intenshon ta pa manda nan Ulanda mas rapido posibel.
Ta trata di e 4 i di 5 sospechoso ku polis a aresta pe asesinato riba De Vries kende tabata persona di konfiansa di testigu di korona Nabil B.
Dos korant Ulandes a konfirma e vershon ku otro sospechoso ku yama Krystian M. di 27 aña ta e terser sospechoso a keda arestá pa su komplisidat ne asesinato.
E ta esun ku tabata dirigi e sikarionan via un telefon Google Pixel-smartphone. Polis a haña e telefon den un Renault Kadjar den kual polis a arestá e pistolero Delano G. di 22 aña i e shofur Kamil E. (36) 45 minut despues dje atentado banda di Leidschendam.

FILMA INTENSHONALMENTE
Den sirkulo di servisionan si investigashon speshal nan tabatin e sospechoso fuerte ku a filma asesinato pa kouisa un shock grandi den sosiedat Ulandes.
De Vries a muri dia 15 di yuli sin rekuperá su tinu pero Ministerio Publiko no ta slèk ni un palabra.

FAMIA
DI DE VRIES
E yu homber di de Vries, Royce, ta kontentu ku manera e investigashon ta baiendo.
E ta kontentu ku tur kos ta mustra ku polis ta sinta intensamente riba e kaso pa resolvé mas pronto posibel.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login