Connect with us

International

Na California: Kaso mas di tiroteo ta laga un saldo di 4 morto i un herido

Published

on

Jennifer Amat bosero di polis na California

CALIFORNIA – Ayera tardi alrededor di 5:30’or sentral di polis na e kondado di Orange a risibí un yamada di emergensia kaminda un persona a notifiká ku tabatin bashamentu di bala den un ofisina den un Business Center.

Mesora polisnan a keda notifiká pa wak kiko realmente tabata pasando na Business Center.

Na e yegada di e promé patruya a bin topa ku un hòmber armá ku a lòs algun tiru dirigí riba e agente polisial.

Esaki naturalmente a kondusí ku e polis a tira bèk riba e hòmber ku a keda seriamente herida.

Na momentu ku polis a bai kontrolá den e kompleho a bin topa ku kuater hende morto den un ofisina entre nan un menor di edat.

Jennifer Amat bosero di polis na California a indika ku ta sospecha ku e hòmber ku polis a tira ku ta den estado kritiko lo a mata tur e hendenan den e ofisina.

E kaso aki ta bou di investigashon pa wak ta dikon e hòmber aki lo a kometé e krímen asina horibel.

Den apénas tres siman di tempu tabatin 3 kaso kaminda hendenan ku mente malvado ta mata hopi hende pareu.

Continue Reading

International

Na Barcelona: 28 pasahero indokumenta a bula for di un avion i trata na kore bai

Published

on

By

Esaki ta e avion di Air Arabia Maroc ku a aterisá na aeropuerto di Barcelona i ku ilegalnan a habri porta di emergensia bula riba ala i despues bula abou pa asina trata na hui.

BARCELONA – Un avion ku ta pertenesé na e kompania di aviashon Air Arabia Maroc tabatin un buelo programa i registrá entre Casablanca-Estambul.
Durante e buelo un muhé ku tabatin un barika di plèstik bisti pa hasi manera ku e tabata na estado i kuminsá grita indikando ku e ta bai haña yu.
E piloto di e avion di Air Arabia Maroc a disidí na hasi un aterisahe di emergensia na aeropuerto di Barcelona.
E kapitan di Air Arabia Maroc a hasi e aterisahe di emergensia na aeropuerto di Barcelona i manera e avion a para un total 28 pasahero a bula for di e avion i kore bai riba pista pa buska manera pa disparsé.
Agentenan di seguridat na e aeropuerto di Barcelona a logra interseptá solamente 14 di e ilegalnan aki di kual 14 a disparsé di forma di magia.
Den e kaso hasta e muhé ku a gaña ku e tabata bai haña un yu a purba hui pero a keda detené. E hendenan aki a pone un total di 228 pasahero nan bida na peliger i lokual outoridatnan a hasi ta detené tur e 14 ilegalnan pendiente pa nan deportashon.

Continue Reading

International

Ayera mardugá: Bus karga ku migrantenan ilegal a yega na kas di Kamala Harris

Published

on

By

Kamala Harris vise presidente di Merka.

WASHINGTON – Awe den oranan di mardugá otro bus karga ku migrantenan ilegal prosedente for di Texas a yega den un bus na residensia di vise presidente Kamala Harris.
Den e kaso aki esun responsabel ku a manda e bus karga ku migrantenan ta Greg Abbott gobernador di Texas.
E filosofia di gobernador Greg Abbott ta ku Kamala Harris ta vise presidente di Merka pero no ta hasi nada kiermen elo manda e ilegalnan pa sikiera traha pa lokual ta page tur luna na salario.
Aktualmente ta hasi hopi friu na Washington i ta un lástima pa wak kon ta baha e migrantenan aki dilanti kas di Kamala Harris sin ku nan ta na altura kiko lo bai pasa ku nan.
Komo ku ta un kustumber ku gobernador Greg Abbott ta manda grupo di migrantenan na kas di Kamala Harris no a dura muchu ku un otro bus a yega pa transportá nan pa un shelter.

Continue Reading

International

Agentenan federal na Alemania: A desmantela red di ekstremista ku tabatin planeá pa ataka parlamento

Published

on

By

Na momentu ku agentenan federal a bai na kas di Heinrich XIII Prince Reuss lider di e grupo ekstremista ku tabatin plan pa drenta parlamento arma i kometé un masakre.

BERLÍN – Agentenan federal a anunsiá ayera a logra detené un grupo di 25 persona ku tabatin planeá pa ataka miembronan di Bundestag (Parlamento).
Agentenan federal a detené 25 persona di kual 23 ta aleman i dos e ekstremista teroristanan aki tabata prosedente di Oustria i Italia.
Polis a detené e lider di e grupo ekstremista aki ku a keda identifiká komo Heinrich XIII Prince Reuss.
Un total di 3.000 agente a partisipá den e entradanan hudisial na 130 lokalidat i a detené 25 persona.
Peter Frank fiskal antiterrorista a bisa durante un rueda di prensa na Karlsruhe ku e ekstremistanan aki tabatin un plan pa drenta Bundestag arma ku mal intenshon.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login