International
Minister Dangui Oduber Aruba ta keda “trendsetter” den Caribe y Americas ora ta trata di inovacion den control di salud na frontera
ORANJESTAD-Diahuebs mainta Minister di Turismo y Salud Publico sr. Dangui Oduber conhuntamente cu sr. Yuri Feliciano kende t’e Project Manager di Aruba Health App System (AHA) a reuni cu e Manager di e organisacion di SITA aki na Aruba sr. Mauricio Pazzara.
Den e reunion aki a papia tocante e proyecto cu a cuminsa na april di aña 2020 entre SITA y AHA cu porcierto tabata un gran exito. Tambe a papia riba kico lo bira e siguiente fase di e proyecto.
SITA ta un compania multi nacional di informacion y tecnologia. Tambe SITA t’e programa mas uza rond mundo den industria di aviacion.
Nan ta ta provee servicio di IT y telecomunicacion na aeropuerto y aeroliñanan rond mundo, por ehempel e sistema cu ta wordo uza pa “check-inn” pasahero ta di SITA.
E parti di mas importante ta cu e programa di SITA ta garantisa seguridad y privacidad total di tur e usuarionan atrabes di un sistema cu ta verifica e credencialnan di cada usuario.
E manera cu esaki lo funciona ta, p.e. na momento cu bo haci bo test di Covid esaki ta bay atrabes di e laboratorio pa bo AHA y e ora esaki ta keda verifica pa SITA.
E manera di e proceso aki ta un hopi sigur y e usuario por tin trankilidad cu su informacion medico ta keda den privacidad.
E desaroyo nobo aki lo bay facilita henter e proceso di entrada na Aruba p’e pasaheronan. E pasaheronan ya no mester warda mas pa nan resultado di e PCR test wordo acepta y e upload di e certificado di e test ta keda pa pasado.
Minister Dangui Oduber a kibra tur barera den inovacion pa locual ta trata controlnan di salud na frontera atrabes di AHA cu a haci e proceso na Aruba su frontera esun di mas liher den henter Caribe. E inovacion di AHA a haci cu Aruba a haya e atencion di socionan manera VFS Global, Common Project y SITA. El a percura pa mehora e relacion existente cu Estados Unidos caminda New York y New Jersey a mustra hopi interes.
Aruba tabata e prome den Caribe y Americas pa habri su frontera uzando Certificado di Corona digital.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
