Katoliko
Kua ta e enemigunan di orashon?, Papa Francisco ta kontestá
Pa Mercedes de la Torre
Papa Francisco a destaká ku orashon kristian ta impliká un kombate spiritual pasobra na ora di resa mester superá diferente opstákulo, entre nan, e engañonan di e maligno.
Na ora di reanudá djarason ei 12 di mei e Oudiensianan General ku asistensia de fielnan Papa a saludá pa bendishoná hopi di e personanan presente den e patio di San Dámaso den interior di Vatikano i a ekspresá su alegria pa e posibilidat di topa personalmente ku hendenan “kara kara” pa loke el a pidi esnan presente “hiba e mensahe di Papa” ku ta “mi ta res pa tur hende i mi ta pidi pa boso tur resa p’ami, uní den orashon”.
Little motivated student that is easily distracted
Despues, e Tata Santu a dediká su katisashi na “orashon komo kombate spiritual” i a deskribí algun “enemigu di orashon”.
Na promé lugá, Papa Francisco a menshoná e distraishonnan durante orashon i a atvertí ku “resa no ta algu fásil i ta pesei, nos ta skapa di orashon”.
“Kada be ku nos ke hasié, mesora den bini den nos mente hopi otro aktividatnan, ku den e momento ei ta parse ‘más importante i más urgente’. Esaki ta sosodé ku ami tambe. eh? Mi ta bai resa i… ‘mi no mester hasi esaki, mi mester hasi otro’. Nos ta hui di orashon, mi no sa dikon, pero e ta asina”, Papa a rekonosé.
Ademas, e Tata Santu a alertá kon demoño ta gaña i a konta ku “kasi semper, despues di a proponé orashon, nos ta realisá ku ‘e kosnan ei no tabata en apsoluto esensial, i ku kisaś nos a pèrdè tempu’. E enemigu ta gaña nos asina”.
Despues, e Pontífise a deskribí e periodonan di desolashon spiritual na ora di resa i a rekordá ku “tur hòmber i muhénan di Dios ta menshoná no solamente e alegria di orashon, sino tambe e molèster i kansansio ku e por kousa: den algun momento ta ta un lucha duru pa mantené e fe den tempunan i den e formanan di orashon”.
Den e liña akí, Papa a suprayá ku “algun santu a hasi e orashon durante añanan sin sinti ningun smak, sin persibí e utilidat” i a splika ku “ silensio, orashon, konsentrashon ta ehersisionan difísil i algun be naturalesa humano ta rebelá”.
“Nos lo a preferá di ta den kualkier otro parti di mundu, pero no einan, den e banki ei di iglesia resando”, Papa a konta pa loke el a atvertí ku “esun ku ke resa mester rekordá ku fe no ta fásil, i algun be e ta prosedé den un skuridat kasi total, sin puntonan di referensia” ya ku “tin momentonan den bida ku ta skur, ta pesei, algun santu ta yam’é e ‘anochi skur’ pasobra nan no ta sinti nada, pero ami ta kontinuá na resa”.
Den e sentido akí, e Tata Santu a destaká ku “orashon, orashon kristian, manera henter e bida kristian, no ta ‘manera dal un keiru’” pasobra “ningun di e oradónan grandi ku nos ta topa de Beibel i den historia di Iglesia tabatin un orashon ‘kómodo’” ya ku “por resa manera lora: ‘bla, bla, bla’. Pero esaki no ta orashon”.
Dilanti esaki, Papa Francisco a menshoná Katisashi di Iglesia Katóliko pa enumerá algun di e “enemigunan di orashon, esnan ku ta hasi resa difísil, ku ta pone difikultatnan”.
Por ehemplo, e Tata Santu a señalá ku “algun duda di ku esaki por alkansá berdaderamente a Omnipotente: dikon Dios ta den silensio? Si Dios ta Omnipotente E lo por a bisa dos palabra i terminá e historia” i a alertá tambe ku “dilanti lo inkomprensibel di lo divino, otronan ta sospechá ku orashon ta un mera operashon sikológiko; algu ku kisaś ta útil, pero no berdadero ni nesesario: lo bo por ta inkluso praktikante sin ser kreyente”.
Sin embargo, Papa a sigurá ku “e pió enemigunan di orashon ta denter di nos” i sita algun ku Katisashi ta deskribí: “desanimashon durante periodo di indiferensia; pena, pasobra nos tin “propiedat grandi” (Mk 10, 22) i nos no
a ofresé tur na Señor’; desapunto, pasobra segun nos, nos boluntat no
a keda kumplí; orguyo heridá, reforsá pa nos falta di dignidat komo pekadó, nos resistensia kontra e idea ku orashon ta un don grátis ku nos no meresé”.
“Kiko hasi den tempu di tentashon, ora tur kos ta parse vasilá? Si nos eksplorá historia di spiritualidat, mesora nos ta nota kon e maestronan di alma tabatin e situashon ku nos a deskubrí bon kla. Pa super’é, kada un di nan a ofresé algun kontribushon: un palabra di sabiduria, òf un sugerensia pa konfrontá tempunan di difikultat. No ta trata di teorianan elaborá, elaborá riba mesa, sino konsehonan nasé di eksperensia, ku ta mustra e importansia di resistí i di perseverá den orashon”, Papa a afirmá.
Di e moda akí, e Pontífise a indiká ku “e Ehersisionan spiritual di San Ignacio de Loyola ta un buki di gran sabiduria, ku ta siña na pone e propio bida na òrdu. E ta laga bo komprendé ku vokashon kristian ta militansia, e ta desishon di ta bou di e bandera di Hesukristu i no bou di esun di diabel, tratando di hasi bon ora e ta bira difísil”.
Asina mes, Papa a rekordá San Antonio abad, fundador di e monacato kristian, ku “den Egipto, a konfrontá momentonan teribel, den kua orashon a transformá den lucha duru”i a konta ku “su biógrafo San Atanasio, obispu di Alejandría, ta konta ku un di e pió episodionan a sosodé ku e Santo ermitaño rondó di trinta i sinku aña, edat mediano edat ku pa hopi ku pa hopi a trese kuné un krísis. Antonio a ser strobá pa e prueba akí, pero a resistí́. Ora ku finalmente el a bai bek na serenidat, el a dirigí su mes na su Señor ku un tono kasi di reproche: ‘Unda bo tabata Señor? Dikon Bo no a bini mesora p pone fin na mi sufrimentunan?’. I Hesus a kontestá: ‘Antonio, Ami tabata einan. Pero mi a spera di mira bo ta kombatí’”.
Ta pesei, e Pontífise a afirmá ku “hopi be orashon ta un kombate” pues “den tempunan di prueba ta bon rekordá ku nos no ta nos so, ku un persona ta vela banda di nos i ta protehá nos”.
Despues, e Tata santu a destaká historia di un milager ku a sosodé na Argentina danki na e deboshon di un hende hòmber ku a resa ku fe na La Bírgen di Luján durante henter anochi pa salú di su yu muhé ku tabata na punto di muri i e mucha muhé finalmente a sana pa loke Papa a agregá ku “e hòmber ei, kombatiendo ku orashon a risibí e grasia di la Bírgen. La Bírgen skuch’é. I ami a mira esaki”.
“Orashon ta hasi milagernan, pasobra orashon ta bai na e sentro di ternura di Dios, ku stima nos manera Tata i ora e no ta hasi nos un grasia, e lo hasi nos otro, ku despues nos lo mira ku historia”, Papa a bisa i a konta pa perseverá den orashon ya ku “orashon ta un kombate” i “e Señor semper ta ku nos: si den un momento di ta siegu nos no ta logra mira su presensia, nos lo logra den un futuro”.
Finalmente, Papa a rekordá ora patriarka Jakob a bisa den kapítulo 28 di Génesis “Di bèrdat SEÑOR ta na e lugá akí; t’ami no tabata sa !” i a añadí ku “na final di nos bida, mirando patras, nos tambe lo por bisa: ‘Mia pensa ku mi tabata mi so, sin embargo, no, mi no tabata: Hesus tabata ku mi’. Nos tur lo por bisa esaki”, el a konkluí.
Djaluna 28 di novèmber 2022 Papa Francisco a risibí den oudiensia e miembronan di e Colegio Pío Latinoamericano, na kende el a pidi pa evitá el selular i no lubidá “d bolbe na djE, kada anochi, despues di un fis largu di lucha i kansansio”.
Durante su diskurso na e saserdotenan latinoamerikano den Roma, Papa Francisco a proponé komo ehemplo e imágen di San Andres, un di e promé disípulonan di Hesus, di kua fiesta nos ta selebrá 30 de novèmber.
Basá riba su ehemplo, el a pidi esnan presente ps diariamente renová “e enkuentro ku Señor, laga nos kompartí su Palabra, laga no keda den silensio dilanti di djE pa mira kiko E ta bisa nos, kiko E ta hasi, kon E ta sinti, kon E ta keda ketu, kon E ta stima”.
“Lag’é ta ‘Verbo’ den nos bida i, si ta permití mi usa e imágen, lag’é ta ‘uni’ den nos i atraves di nos”, E Tata Santu a pidi.
“Mare Hesus tin bos aktivo den kada un di nos desishonnan! Nos ta su ministronan, nos ta pertenesé na djE i El a yama nos pa ta kunÉ. Esaki ta loke ta nifiká ser su disípulo”, Papa a bisa despues.
Disípulo i misioneronan
Tambe el a señalá ku San Andres a kombertí den e promé “misionero” i a invitá esnan presente pa sigui su ehemplo.
“Tambe nos rumannan ta spera nos, espesialmente esnan ku ainda no a eksperimentá e amor i miserikòrdia di Señor, p’asina ku nos ta anunsiá na nan e Bon Notisia i nos ta kondusí nan na djE, Papa a sigurá.
“Sali, laga nos move, hiba e alegria di Evangelio, esaki ta ser misionero”, el a splika.
Mas despues, Papa a papia di e verbonan “ta” i “sali” i a sigurá ku “esaki ta e sentido di nos bida”.
“Ta trata di un kaminda di ida i buèlta, – Papa a kontinuá-, ku tin Hesus komo punto di salida i di yegada”.
E Tata Santu a pidi esnan presente pa “no lubidá di ta ku Hesus i sali na anunsi’é ta tambe di ta ku esnan pober, ku migrantenan, ku enfermonan, ku presunan, ku esnan mas chikí i lubidá di e sosiedat, pa kompartí bida ku nan i anunsiá na nan e amor inkondishonal di Dios”.
“No sea adikto na selular”
Papa Francisco a pidi esnan presente pa no lubidá “di bolbe serka djE, kada anochi, despues di un dia largu di lucha i kansansio -pero kuidou, serka djÉ, no na e pantaya di un selular-, pa deskansá un ratu den su presensia i kont’É tur loke boso a biba”.
“Ta duel mi hopi ora mi mira ku un saserdote bon, trahadó, ta kansa i ta lubidá di bai na e tabernakel i ta bai drumi pasobra e ta kansá. E tin rason, e mester drumi, pero promé kumindá”, Papa a atvertí.
“No sea ònbeskòp… Òf kuantu biaha boso ta skapa den e pantaya di un selular? E pantaya di e selular ta yena nos ku kosnan”, Papa a kontinuá.
Ta pesei, el a pidi pa “no ser adikto” na selular, ya ku ta “diverso paso ku ta bai kitando e forsa di bo”.
“Sea adikto na e enkuentro ku Hesus, E sa loke nos mester i tin un palabra pa bisa nos den kada okashon”, el a sigurá.
E “pèst” di klerikalismo
Por último, e Tata Santu a animá e saserdotenan latinoamerikano pa “nunka no negoshá pastoralidat”.
“No kai den klerikalismo, ku ta un di e pió pikánan. Sea mashá atento, klerikalismo ta un forma di mundanidat spiritual”, el a señalá.
“Klerikalismo – Papa a kontinuá -, ta falsu, ta korupto i ta hiba bo na un korupshon, un korupshon rígido, ku nanishi na laira ku ta apartá bo di e pueblo i ta laga bo lubidá e pueblo for di kua abo ta bini”.
Papa Francisco a splika di bira “mas ekskisito” ta nifiká kai den “e pèst di klerikalismo” i alehá bo mes di e pueblo di Dios.
Por último, el a pidi Nuestra Señora de Guadalupe “pa e yuda nos riba e kaminda di disipulado-apostolado ku ta bai na konfigurando nos ku su Yu, ku ta kompañá nos riba e ruta vital di ida i buèlta”.
Colegio Pío Latinoamericano
E Pontifisio Colegio Pio Latino Americano a ser fundá pa e saserdote chileno José Ignacio Víctor Eyzaguirre, dia 21 di novèmber 1858.
Ta trata di un kas di formashon pa saserdotenan studiante di henter e Diósesis di Amérika Latino ku ta deseá na hasi estudionan di speshalisashon na Roma.
1 – Libra bo mes di pasado
Un di e prinsipal motibunan pa pordoná ta di laga pasado di nos bida bai. Ku esaki mi no ke bisa ku nos mester lubidá pasado, òf kit’é di nos mente. Pordoná no ta nifiká lubidá, e ta nifiká rekordá sin doló. Nos tur tin memoria, i eksperensianan di bida keda grabá den dje, pero ora nos pordoná, nos ta kibra un kadena ku ta mantené nos mará na pasado, librando nos di resentimentu i doló, lagando kaminda kla pa biba den presente.
2 – Laga lòs di ta víktima
E víktima semper mester di un viktimario, e ta atraé. Legumai e papel di víktima, ta un paso importante pa pordoná. E víktima no ta interesá den pordoná, pasobra lo ta kita di dje motibu di su lamentonan. Rekonosé nos víktima ta semper kuminsá na dominá nos poder. E víktima ta bisa: “Ta dikon e kos aki a pasa nèt ku ami, ku ta un persona asina bon?”, Miéntras ku esun ku ta konektá ku su poder ta bisa: “Kiko mi mester siña di e situashon aki?”. Tin un gran diferensia den e forma di enfoká e problema. Asina ta ku, for di awe kuminsá na afirmá: “Ami … ta un persona poderoso”.
3 – Renunsia na krítika i na huisio
Ora nos ta husga otronan, nos ta lubidá por kompleto di e esensia dibino ku tur ser humano ta karga paden di dje. Tin kompashon no ta mesun kos ku sinti lástima pa otronan, esaki ta arogansia. Kompashon ta komprendé ku, sigur e otro persona ku a kometé un ofensa kontra di bo, probablemente no tin un bida felis. Nos no sa e motibu pakiko el a komportá su mes di e manera ei i su situashon emoshonal den tal momento . Esaki no ke men ku nos mester ta di akuerdo ku su akshonnan.
4 – Libra bo mes di pensamentunan negativo
Segun sientífikonan nos tin 60.000 pensamentu riba kada dia i mayoria di nan ta enfoká nan mes den loke nos no ke. Tin hopi manera pa “kontrolá” pensamentunan negativo i e forma mas práktiko i simpel di hasié ta di re – direkshoná pensamentunan den loke sí nos ke. Otro hèrmènt mashá poderoso ta afirmashon, nos por sustituí un pensamentu negativo pa un afirmashon positivo, por ehèmpel: “Nunka lo mi pordoná tal hende …” , Ta mihó pensa: “Ami … ta pordoná tal hende… kompleto i di forma amoroso”. Pordoná ta un trabou di purifikashon, ora nos disidí di hasié, nos pensamentunan ta bira mas leve.
5 – Siña di eksperensianan negativo
Den kada situashon negativo tin un banda positivo. Kòrda ku e pregunta korekto ta: Kiko mi mester siña di e situashon aki? Si nos logra komprondé kua ta e siñansa , nos ta hasi un salto grandi den nos proseso di kresementu personal. Sino … nos lo keda pegá den e víktima, i nos lo pasa hopi tempu, stanká den nos evolushon.
6 – Permití pa otro tin rason
Ta mihó ser felis ku tin rason. Dikon semper nos ke tin rason? Dikon semper nos ke gana? Ora un hende bisabu ku shelu ta bèrdè, na lugá di pleita òf ke imponé bo forma di mira kos, evitá diskushon i dun’é rason. Abo sa ku shelu ta blou, pero loke abo no sa ta e motibu pa kua e otro persona ta hasi e afirmashon akí. Kisas e ta daltóniko, kisas únikamente e ke fastidiá. Na momento ku bo duna e otro persona rason, su intenshonnan ta pèrdè forsa i bo ta evitá un diskushon. Kòrda esaki : “Ora un no ke, dos no ta bringa.”
7 – Buska bo pas interior
Nos ta infelis ora nos no ta na pas. Tin hopi manera pa rekuperá pas: Meditá, skucha músika, hasi afirmashon … Pero tin un ku ta masha efektivo: PORDONÁ. Ora nos pordoná nos ta sinti un sensashon di alivio, manera si nos lo a kita un karga for di riba nos. E akshon aki ta produsí pas interior; al kontrali, resentimentu, renkor, ta deskonektá nos di pas. Si nos ke un mundu mihó inevitablemente nos mester kuminsá na nos mes.
8 – Rekonosé ku abo ta un ser di Lus
Ta mashá importante rekonosé ku abo ta un ser di lus, un Yu di Dios. Mira den wowo di otro, Dios tei einan, no ta importá loke e persona ei ta, Dios ta einan. Den algun kaso ta difísil rekonosé e lus den e otro .Maske e ser akí a kometé fayonan den su bida, su esensia ta sigui siendo mesun kos: un ser di lus, ku pa sirkunstansianan di bida a tuma un kaminda “robes”, yenando su mes ku skuridat, no pa esaki ta keda sin ta un yu di Dios.
Rekonosé e lus den otronan ta un akto di amor.
Ya kaba nos ta serka di drenta e di dos siman di Atvènt. Nos sa kaba ku Atvènt ta e temporada ku ta kuminsá kuater djadumingu promé ku Pasku (di nasementu). Ya pa algun shen aña , Kristiannan a usa e temporada aki pa rekòrdá binimentu di Kristu, I pa prepará nan mes pa e gran fiesta di Pasku (di nasementu) Ta muchu mas ku djis un pida historia. Pues, pakiko nos ta selebrá Atvènt? Selebrando e temporada di Atvènt por yuda nos awe di sigui Kristu ku mas fieldat na por lo ménos tres manera.
Atvènt ta yuda nos di focus riba Hesus.
Nos tur a yega di skucha e ekspreshon hopi usá: “Jesus is the reason for the season”. Ni maske ta trata aki di un ekspreshon hopi usá, e ta kontené manera un prenda di bèrdat. Un di e motibunan pakiko e ta eksistí ta pa demostrá ku ta trata muchu mas ku un kantidat di aktividat mundano, kompra I fiesta ku ta stroba e focus riba Hesus. Selebrando Atvènt ta rekòrdá nos kada bes di nobo sea diariamente òf semanalmente pa medio di Santa Skritura ken Hesus ta I kiko El a hasi pa nos na momentu ku El a bin na mundu.
Atvènt ta yuda nos di duna honor na Hesus.
E palabra Atvènt ta nifiká e binimentu di un persona òf algu importante. Ora un evento importante manera por ehèmpel graduashon di un hende den kualkier parti di siensia òf kisas un fiesta di matrimonio ku ta pendiente, nos ta traha duru pa tur kos ta perfekto. Ora un persona importante ta bin bishitá nos kas, nos ta traha duru pa ta bon prepará pa su binida, di moda ku esaki lo ripará ku e ta importante pa nos. Nos ta planeá e menú I dekorashonnan; nos ta limpia kas I kòrta e yerbanan rònt kurá. Nos no ta warda te na e último minüt òf prepará algu den purá. Similarmente, selebrando Atvènt ta yuda nos di duna Hesus tur atenshon nesesario I focus ku E ta meresé. Dor di fiha nos atenshon riba Hesus durante e temporada aki, I no djis na momentu di e anochi ku nos ta selebrá Pasku (di nasementu) nos ta duna Kristu e honor ku ta kuadra mas tantu posibel ku e fieldat nesesario ku nos mester demostrá.
Atvènt ta yuda nos di kòrda ku Hesus ta bolbe bini bèk.
Atvènt no ta solamente un selebrashon di e promé binida di Kristu komo un yu resien nasí; e ta tambe un rekordatorio ku e regreso di Kristu tin ku sosodé ainda. Meskos ku e pueblo di Dios tabata warda riba e promé binida di e Mesias, Su pueblo, esta nos tur awor ta warda riba e regreso di nos Salbador. E kuater simannan di Atvènt te rekòrdá nos riba tur dos di e binídanan. Den e promé dos simannan, e lekturanan di S.Skritura ta duna un bista adelantá riba e di dos binida di Kristu I ta mustra nos riba e importansia di ta prepará pa Su regreso.E di tres I di kuater siman ta wak atras I ta yuda nos kòrda e eksitashon I espektativa ku e speransa riba binida di e Mesias a nifiká pa e Hudiunan di tempunan di antaño. Semper tabata importante pa e pueblo di Dios pa rekòrdá ku Dios tabatin sierto intenshon, I nos mester biba den espera kiko E lo hasi na momentu ku E bin atrobe.
Den nos mundu tin tantu kos ku por okupá nos atenshon. E temporada di Pasku (di nasementu) ta un di e temporadanan mas eksitante di aña, pero e ta tambe un temporada ku mas ta distraí durante aña. Hasta pa esnan ku ke ta mas di focus riba Hesus,ta difísil pa logra esaki. Dor di selebrá Atvènt, nos ta rekonosé ku selebrá Hesus ta mas ku djis un anochi I e dia siguiente.E “kon” pa selebrá Atvènt no tin tantu importansia kompará ku e manera ku bo ta konektá ku Kristu Hesus. Pues loke por yuda hopi ta, di krea tradishonnan spesial komo famia I krese huntu den e persona di Hesus. Laga nos ta un pueblo ku ta rekonosé e amor I generosidat grandi di Dios pa su pueblo kada dia durante e temporada di Atvènt.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
