Connect with us

Lokal

Konseho sabio di wes………. Laga e dos partidonan pone sèn huntu

Published

on

WILLEMSTAD. Konsiderando magnitut dje montante ku komunidat mester pone riba mesa pa tene hospital nobo CMC ta funshona efisientemente manera tabata e plan, ora e partidonan ku ta envolvi den e pleitu legal ta kuantu sèn gobiernu (SVB) mester pone riba mesa pa haña un solushon a largo plaso pe problema finansiero di CMC ku tin riba mesa, promé kos ku wes a nota ta ku e gastunan ta grandi pa ambos partido i ku mihó nan sera kabes pa gasta e plaka na un solushon.
I si no tabata mas efisiente i mas logiko i e dos partidonan por a bisa e plaka ku e dos partidonan ta gasta ne kaso lo sirbi un mihó kousa si nan sera kabes i yega na palabrashon riba presupuesto ku ta saka fondo pa yuda CMC a largo plaso.
E wes atministrativo di su banda tabatin tur komprenshon pe hecho ku no a keda CMC otro alternativa subi e 21 trapinan di Stadhuis pa bringa e presupuesto ku gobiernu ke duna nan.
Sinembargo e wes atministrativo a pidi CMC i SVB pa formula nan presupuestonan di kuido mas optimal posibel i pa yega na un bon resultado ku konosementu finansiero i mediko ku pa hospital mester ta optimal.
I den e kaso aki e partidonan tin e konosementu, e wes no tin esaki.
CMC i SVB tin e konosementu ei, wes no tin e pasobra e por husga solamente riba e argumentonan ku CMC a trese dilanti di manera ku loke nan hinka komo argumento ta determina e resultado.

PAPIANDO KU
NEDERLANDSE
ZORGOUTORITEIT

Di tur kos banda e partidonan a splika ku nan ta den kombersashon ku Nederlandse Zorgautoriteit i ku nan ta trahando na un plan di atake pa yega na un eksplotashon duradero diCMC.
E plan aki tin ku kana dos ruta: unu pa mehora e struktura di finansimentu di CMC i HNO Vastgoed N.V. i promové efisiensia den hospital. Mester aplika kontrol di gastu den hospital, adapta e tarifanan pe kuido ku ta duna i yega na un koperashon ku otro hospitalnan. (Wes no a bisa ku si ta koperashon ku Hospital Advent).
Lo ta despues ku kulmina e trayekto ku Nederlandse Zorgautoriteit ku por fiha e presupuesto pa 2022.
Wes ta konta ku e partidonan lo aktua energikamente pa garantisa kontinuidat di kuido pa habitantenan di Kòrsou.

Continue Reading

Lokal

SLM ta kanselá su buelonan pa Trinidad i Tobago

Published

on

By

PARAMARIBO — Despues di kasi 30 aña di a bula e ruta Paramaribo-Trinidad, Surinam Airways (SLM) ta kanselá su buelonan entrante mesora pa motibu ku e ruta no ta produktivo mas.
Kasi 30 aña SLM a bula e ruta for di Paramaribo pa Korsou i Aruba via Trinidad pero despoues di dékada di mal maneho, e final a yega.
Bosero dje kompania no a informa pa ki motibu nan ta para e buelonan mesora sino ku nan lo revisa nan rutanan pa salba loke nan por salba.
Tabata den e korant mas antiguo di Trinidad, “Trinidad & Tobago Guardian” ku un bosero di SLM a konfirma ku nan ta para e buelonan inmediatamente.
Biaheronan ku tin reservashon ku SLM lo por hasi nan buelo ku Caribbean Airlines Limited (CAL) ku kual SLM tin akuerdo kaba.
Djarason ultimo minister di Eksterior, Albert Ramdin a deklará ku SLM tin potensial pa ta un kompania ku ta gana plaka a base di su reputashon i fama internashonal.
Pero dékadanan di mal maneho a kobra preis i mester resolvé e problemanan finansiero promé i tin un trayekto pa sana e kompania.
Si no tabatin e perspektiva aki lo a sera e kompania mesora pero e kompania di estado tin bida i nan lo purba pa sana e kompania. Presidente Santokhi tambe a deklará ku SLM ta aun kompania importante di estado i ku no mester laga e kompania bati bankarota.
Den seno di SLM ta reina masha pena pa e hecho ku nan tin ku tuma despedida di nan kolaboradornan na Trinidad i ku nan pasaheronan pasobra nan tin kasi 30 aña ta traha ku nan. Sinembargo e kompania ta spera ku despues di reorganisa e rutanan, nan lo por reanuda nan buelo pa Trinidad.

Continue Reading

Lokal

Manifestashon dilanti ofisina di Banko Sentral awe mainta

Published

on

By

WILLEMSTAD – Aliansa Kòrsou Independiente, a organisá un demostrashon onverwagt awe mainta dilanti di edifisio di Banko Sentral. Marlon Regales inisiadó di Aliansa Kòrsou Independiente a bisa NOBO promé ku e manifestashon, ku e grupo chiki ta representá varios organisashon ku ta fadá ku e manera ku Hulanda ta atendé ku Kòrsou.
Ayera nochi e organisashon a kai riba e idea pa organisa e manifestashon. Ela preferá sinembargo pa no manifesta ku un grupo grandi di hende, pa evitá ku ta surgi problema.
Aliansa Kòrsou Independiente a tuma nota di un desayuno ku entre otro VBC tin ku sekretario di estado Van Huffelen, den ouditorio di Banko Sentral. E organisashon a probechá dje momentu aki pa tene e manifestashon pa manda un mensahe klá pa Hulanda i sobrá di mundu: Para e asuntu di COHO. Konstantemente Kòrsou mester bringa un vershon nobo di COHO, sin por yega a un plan di maneho ku struktura i vishon pa nos pais.
Marlon Regales a bisa NOBO, ku Kòrsou ta kansá ku kada bes Hulanda ta presenta medidanan pa Korsou, pa kua Kòrsou mester hustifiká dilanti di Hulanda. E konsekuensia ta ku nunka Kòrsou no ta haña oportunidat pa traha riba un plan maestro.
‘Pasobra konstantemente Kòrsou mester hustifika su mes na Hulanda’.
A yega e momentu pa traha riba independensia di Korsou.No por prolongá esaki mas, tabata e liña kòrá dje ekspreshon di e manifestantenan awe mainta.
Resientemente Marlon Regales a lanta Aliansa Korsou Independiente ku tin komo tarea, inventarisá e diferente ideanan ku tin pa hasi Kòrsou independiente. Regales a splika ku pa hopi tempu, tin diferente persona i organisashon ta boga pa hasi Korsou independiente.
E intenshon ta pa trese e grupo aki huntu pa eksplorá e posibilidatnan pa alkansá e meta.
E resultado final mester ta, segun Regales, un plan maestro ku ta hiba Kòrsou na independensia. Riba e pregunta kuantu tempu esaki lo dura, Regales a bisa ku e ta kalkula ku e ta tuma mas o menos shete aña.

Continue Reading

Lokal

Plataforma Banda Ariba a konmemorá Mando Davelaar

Published

on

By

WILLEMSTAD – Plataforma Banda Ariba ayera a rekordá 5 aña di fayesimentu Hermando Luis Davelaar, mihó konosí komo Mando Davelaar. Elvin Gerard, di Plataforma Banda Ariba a bisa ku for di lantamentu di e Plataforma, 25 aña pasá, Mando Davelaar tabata konsehero dje Plataforma. E tempu ei Mando Davelaar tabata tambe bosero di Kuerpo Polisial. Gerard: “Pero asina ku un feneta kai den Banda Ariba, Mando Davelaar q.e.p.d. tabata kla pa konhuntamente ku direktiva di Plataforma Banda Ariba, solushoná e problemanan”.
Mando Davelaar tabata hopi pendiente pa tur loke ku tabata pasa na Banda Ariba i asina tin ku tin un aktividat ku ta kontra di Banda Ariba, semper e tabata Sali na vanguardia dje komunidat. Asina Elvin Gerard a sigi bisa.
Gerard ta rekorda entre otro ora ku 20 aña pasá kier a kwe a playa di Caracasbaai pa pasé pa un eks minister na Sint Maarten, Mando Davelaar a lucha fuerte pa evita ku Banda Ariba ta pèrde su playa.
Plataforma Banda ku Mando Davelaar komo konsehero a logra hopi, pasobra e mandatarionan regularmente tabata haña bishita dje miembronan dje organisashon, ora ku situashonnan ta rekeri esaki. Plataforma Banda Ariba a pone un krans na graf di defuntu Mando Davelaar na Santana di Montaña Mando Davelaar i anochi tabatin un sakrifisio di misa pa deskanso di alma di e defuntu.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login