Connect with us

Lokal

‘’Hendenan di menos rekurso no ta baki di sushi’’

Published

on

WILLEMSTAD – E ekspreshon ku Wietske Vos, proprietario di Livoni Agencies, ku por a duna hendenan di menos rekurso, produktonan di kua nan fecha a vense, enbes di destrui, a kousa hopi konmoshon den komunidat.
Ultimo dianan a konfiska en total 30 mil kilo di produktonan kaduká-algun dos aòa pasá- na Livoni Agencies, na Amerikanenkamp. E konfiskashon a tuma lugá despues ku funshonarionan di MEO i GMN, Bab i SOAW a bishita e empresa pasobra ku nan a haòa informashon ku tin hopi produkto ku a pasa fecha den freezer. Ta trata di varios merkansia, entre otro varios tipo di karni, pan,manteka, sate di galiòa, ice cream, pizza, kroket i croissant. Hotel i instansianan di horeca, tienda i resourantnan ta esnan ku ta kumpra e produktonan aki. E kompania a saka e produktonan aki for di su atmnistrashon kaba.
E instansianan tin dos siman ta hasi investigashon i ora ku nan a finalisa e investigashon i konkluí ku e detayenan ta basá riba realidat, a hasi un inval den e empresa.
Despues dje konfikashon, a instrui Selikor pa koba burako na Selikor pa destruí e merkansia konfiska, pa evita ku e ta resultá den komunidat.
Mientrastantu e doòo di Livoni Agencies, Wietske Vos, a pidi gobièrnu i komunidat di Kòrsou despensa pa su aktitut. Na Korsou tin e regla ku ta destrui produktonan di kome ku a pasa fecha. Vos ta bisa ku e no tabata na altura di e regla aki na Kòrsou. Segun e doòo di Livoni Agenicies, kontrali na Kòrsou, na Oropa, no ta deshasi mesora di produktonan di kua nan fecha a vense.

HENDE POBER
Resientemente e proprietario di Livoni Agencies, a deklará ku e ta lamentá ku a destruí e merkansia kaduká i ku por a duna esaki na hendenan di menos rekurso.
Riba e ponensia aki, Ronnie Cornelis di MEO a reakshoná indikando ku personalmente elaan puntra Wietske Vos, dikon e no a ofrese e produktonan na hende pober, manera ku e ta bisa, tres of seis luna, prome ku nan kaduká. Tambe Cornelis a bisa e direktor di Livoni Agencies, ku e hende pober of den nesesidat yama hende i no baki di sushi of kliko. ‘’Esei ta nifika ku e tin su dignidat’’. Cornelis ta enfatisa: Un kos ku abo ku ta kapitalista no ta kome, bo no por propone pa otro hende kome, pasobra e no ta korekto. ‘Nos di ningun manera no ta asepta esaki’.
Televishon Direct ayera durante un enkuentro ku prensa, a puntra un reakshon di Wietske Vos, riba su proposishon pa duna hende di menos rekurso kuminda kaduká, e empresario a ninga redondamente di kontestá.

Continue Reading

Lokal

SLM ta kanselá su buelonan pa Trinidad i Tobago

Published

on

By

PARAMARIBO — Despues di kasi 30 aña di a bula e ruta Paramaribo-Trinidad, Surinam Airways (SLM) ta kanselá su buelonan entrante mesora pa motibu ku e ruta no ta produktivo mas.
Kasi 30 aña SLM a bula e ruta for di Paramaribo pa Korsou i Aruba via Trinidad pero despoues di dékada di mal maneho, e final a yega.
Bosero dje kompania no a informa pa ki motibu nan ta para e buelonan mesora sino ku nan lo revisa nan rutanan pa salba loke nan por salba.
Tabata den e korant mas antiguo di Trinidad, “Trinidad & Tobago Guardian” ku un bosero di SLM a konfirma ku nan ta para e buelonan inmediatamente.
Biaheronan ku tin reservashon ku SLM lo por hasi nan buelo ku Caribbean Airlines Limited (CAL) ku kual SLM tin akuerdo kaba.
Djarason ultimo minister di Eksterior, Albert Ramdin a deklará ku SLM tin potensial pa ta un kompania ku ta gana plaka a base di su reputashon i fama internashonal.
Pero dékadanan di mal maneho a kobra preis i mester resolvé e problemanan finansiero promé i tin un trayekto pa sana e kompania.
Si no tabatin e perspektiva aki lo a sera e kompania mesora pero e kompania di estado tin bida i nan lo purba pa sana e kompania. Presidente Santokhi tambe a deklará ku SLM ta aun kompania importante di estado i ku no mester laga e kompania bati bankarota.
Den seno di SLM ta reina masha pena pa e hecho ku nan tin ku tuma despedida di nan kolaboradornan na Trinidad i ku nan pasaheronan pasobra nan tin kasi 30 aña ta traha ku nan. Sinembargo e kompania ta spera ku despues di reorganisa e rutanan, nan lo por reanuda nan buelo pa Trinidad.

Continue Reading

Lokal

Manifestashon dilanti ofisina di Banko Sentral awe mainta

Published

on

By

WILLEMSTAD – Aliansa Kòrsou Independiente, a organisá un demostrashon onverwagt awe mainta dilanti di edifisio di Banko Sentral. Marlon Regales inisiadó di Aliansa Kòrsou Independiente a bisa NOBO promé ku e manifestashon, ku e grupo chiki ta representá varios organisashon ku ta fadá ku e manera ku Hulanda ta atendé ku Kòrsou.
Ayera nochi e organisashon a kai riba e idea pa organisa e manifestashon. Ela preferá sinembargo pa no manifesta ku un grupo grandi di hende, pa evitá ku ta surgi problema.
Aliansa Kòrsou Independiente a tuma nota di un desayuno ku entre otro VBC tin ku sekretario di estado Van Huffelen, den ouditorio di Banko Sentral. E organisashon a probechá dje momentu aki pa tene e manifestashon pa manda un mensahe klá pa Hulanda i sobrá di mundu: Para e asuntu di COHO. Konstantemente Kòrsou mester bringa un vershon nobo di COHO, sin por yega a un plan di maneho ku struktura i vishon pa nos pais.
Marlon Regales a bisa NOBO, ku Kòrsou ta kansá ku kada bes Hulanda ta presenta medidanan pa Korsou, pa kua Kòrsou mester hustifiká dilanti di Hulanda. E konsekuensia ta ku nunka Kòrsou no ta haña oportunidat pa traha riba un plan maestro.
‘Pasobra konstantemente Kòrsou mester hustifika su mes na Hulanda’.
A yega e momentu pa traha riba independensia di Korsou.No por prolongá esaki mas, tabata e liña kòrá dje ekspreshon di e manifestantenan awe mainta.
Resientemente Marlon Regales a lanta Aliansa Korsou Independiente ku tin komo tarea, inventarisá e diferente ideanan ku tin pa hasi Kòrsou independiente. Regales a splika ku pa hopi tempu, tin diferente persona i organisashon ta boga pa hasi Korsou independiente.
E intenshon ta pa trese e grupo aki huntu pa eksplorá e posibilidatnan pa alkansá e meta.
E resultado final mester ta, segun Regales, un plan maestro ku ta hiba Kòrsou na independensia. Riba e pregunta kuantu tempu esaki lo dura, Regales a bisa ku e ta kalkula ku e ta tuma mas o menos shete aña.

Continue Reading

Lokal

Plataforma Banda Ariba a konmemorá Mando Davelaar

Published

on

By

WILLEMSTAD – Plataforma Banda Ariba ayera a rekordá 5 aña di fayesimentu Hermando Luis Davelaar, mihó konosí komo Mando Davelaar. Elvin Gerard, di Plataforma Banda Ariba a bisa ku for di lantamentu di e Plataforma, 25 aña pasá, Mando Davelaar tabata konsehero dje Plataforma. E tempu ei Mando Davelaar tabata tambe bosero di Kuerpo Polisial. Gerard: “Pero asina ku un feneta kai den Banda Ariba, Mando Davelaar q.e.p.d. tabata kla pa konhuntamente ku direktiva di Plataforma Banda Ariba, solushoná e problemanan”.
Mando Davelaar tabata hopi pendiente pa tur loke ku tabata pasa na Banda Ariba i asina tin ku tin un aktividat ku ta kontra di Banda Ariba, semper e tabata Sali na vanguardia dje komunidat. Asina Elvin Gerard a sigi bisa.
Gerard ta rekorda entre otro ora ku 20 aña pasá kier a kwe a playa di Caracasbaai pa pasé pa un eks minister na Sint Maarten, Mando Davelaar a lucha fuerte pa evita ku Banda Ariba ta pèrde su playa.
Plataforma Banda ku Mando Davelaar komo konsehero a logra hopi, pasobra e mandatarionan regularmente tabata haña bishita dje miembronan dje organisashon, ora ku situashonnan ta rekeri esaki. Plataforma Banda Ariba a pone un krans na graf di defuntu Mando Davelaar na Santana di Montaña Mando Davelaar i anochi tabatin un sakrifisio di misa pa deskanso di alma di e defuntu.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login