Lokal
“IPKO Poppetje gezien, kastje dicht”
WILLEMSTAD. E reunion interparlamentario entre partnernan di Reino Ulandes a yega na su fin sin pena ni gloria na Ulanda pero hopi sèn pa awa (sèn) a pasa bou di brug pa delegashonnan di Aruba, Kòrsou, Sint Maarten i Ulanda ku di un dia pa otro a bira di Patria Mama pa Mama Kalakuna.
Si ta pa algu e konferensia a sirbi ta pa mustra kuantu parlamentario bobo i sin preparashon eskolar basiko ni sivilisashon nos islanan èks kolonia tin. I e mas tristu ainda ta e hecho ku esnan no a ni tribi pa vosifera nan punto di bista pa nan no pasa pa mas ridikulo ku nan ta kaba.
Pa nos no lubida loke nos kier a reakshoná promé kune ku te asuntu di ki idioma mester papia ne konferensianan aki.
Nos a sugeri pa papia na lenga di Swahili mes si ta nesesario pasobra e status di katibu ku direpente ultimo dékadanan un grupo di hende ku a outo proklamá nan mes komo intelektual ku ta idolatrá katibu ku un “crie de coeur” pasobra riba otro tereno nan no por sobresali, ni riba e punto aki no por tin union.
I no ta pa ridikulisa nan, nos a usa lenga di Swahili komo ehempel sino pa dos motibu masha esensial: Swahili ta e lenga di nos antepasadonan ku ulandesnan a trese nos islanan i na di dos lugá no ta (podisé) 200.000 hende ta papia Papiamentu.
Sikiera si nos adoptá Swahili dilanti di foronan internashonal, 80 MION hende ta kompronde i por dialogá ku nos.
Pero loke ta sosode ku nos rasa i no solamente Karibeño pero Latino Karibense tambe, ta ku nos ke ta asosiá ku hende ku moda so, pero Dios libra nos di pueblonan a-sosial. E otro punto ku nos ke toka awe ta e asuntu di papia ulandes den kas parlamentario di otro pais manera e tema insistente tabata e dianan aki. Nos por ta largu of largu: nos ta prefera di ta korto skino nos tin e inklinashon di bira verbalmente poko abusivo ante hende ignorante.
Nada lo a kosta pa tene un konsulta korto i sivilisá pa pone e makambanan na altura dje intenshon pa papia Papiamentu. Konsiderando ku tin kos pió ta pasa na Ulanda riba tur tereno pa kompatriotanan di Reino bin papia Papiamentu den nan parlamento ta lo menos ku nan lo a molestiá nan.
Pero pa hasi alarde i ke proklamá e politiko krioyo komo heroé nashonal te proposishon mas ridikulo ku nos a tende den e mas ku mei siglo ku nos a bin ta praktiká e hobby di periodismo.
Bo ke papia Papiamentu ku e makamba? Hasié ku prinsipio i homber i muhé balente: yega Hato, saka bo pasaporte Kurasoleño, yega Schiphol bolbe saka bo pasaporte Kurasoleño i sigi pa Italia i Paris pa mira kon leu bo ta yega e hende komo un señal ku nos ta tòf.
I, Indudablemente e dos partisipantenan ku a haña mas atenshon tabata Amerigo Thodé i e èks polis Rennox Calmes kende tabatin e astusia di ta Papiamentu ta su idioma materna den tur kos.
Nos ta rekomendé pa no uza Papiamentu pa tur kos sino solamente na Kòrsou i na Ulanda sino nan ta kapas di rekluté pe bai bringa gera kontra Rusonan.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Usyk ke regresá kategoria Krusero…
Wowo di mundu ta dirigí riba Karnaval di Kòrsou
Hóbennan a midi forsa den kompetensia di estímulo organisá pa federashon di karate
Celfriedt Homoet (dfm) lo bisa: “Ban Kòrsou numa !!”…
