Deporte
Informe di futbòl Internashonal: Keylor Navas ta bai hunga pa Monza na Italia… …Simons ta keda RB Leipzig…
• E kiper veterano Costarisense Keylor Navas ta bai hunga na Italia pa e tim di Monza.
Keylor Navas tin un trayektoria largu komo portero den vários tim grandi.
Último añanan e no tabata estelar, pero ta un kiper ku lo por yuda klup ku su kalidat i eksperensia..
• E tim di Paris Saint Germain tin interes den e futbòlista di PSV ku ta e prospekto JERDY SCHOUTEN. E tim di Eindhoven lo por laga Schouten bai, pero nan ta bisa ku e fransesnan lo tin di paga basta plaka…
• XAVI SIMONS a bisa ku e lo keda e tim di RB Leipzig e próksimo temporada den Bundes Liga. Bayern Munich tabata duru su tras, i tin ekipo tambe na Inglatera. Simons ta pertenesé na PSG, i lo hunga un temporada mas na Alemania pa RB Leipzig….
Temporada pasá e tabatin 8 gol i 11 asistensia.
E ta firmá ku PSG te ku 2027…
• FRENKIE DE JONG no a djòin e tim di Barcelona ainda. Ketu bai e mediokampista Hulandes tin problema ku su ènkel. Barcelona a bai Estádos Unídos pa weganan di training i tambe traha riba nan ekipo bou di direkshon di e DT Aleman Hansi Flick.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
