Deporte
Siegfried, “Pipi” Constancia ta na Hulanda: “Ta puntra mi pa JC i kiko ta pasando futbòl ???”…
• Siegfried, “Pipi” Constancia ta na Hulanda pa fakansi.
E popular mucha di Boka San Michiel, eks futbòlista dje Samineronan i tambe motor dje tim di Boka San Michiel a bisa deporte 5 Star ku na Hulanda tur hende ku e topa promé ta puntr’é konta ku Jong Colombia, pa despues nan puntr’é kiko ta pasando ku nos futbòl.
Constancia despues di un kompromiso ku trabou a bai Hulanda ku fakansi pa sosegá su kabes un poko.
Na Hulanda tur hende ta interesá pa sa kiko ta e problema di nos futbòl. Naturalmente nan ta probechá pa informá tambe pa e tim Saminero ku ta Jong Colombia, Tim ku “Pipi” a fungi komo su “motor” último añanan.
E dirigente ta basta desgustá ku e situashon di nos futbòl, i no ta skonde su pensamentu.
E ta bisa ku el a kere den Ramiro Griffith ku a bin papia masha bunita, pero ku despues den práktika a resultá di ta kompletamente otro dirigente.
E ta rekonosé ku e tambe a kere den Ramiro Griffith.
Awor ta parse ku ounke no ke Ramiro Griffith ku e no ke bai laga futbòl.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
