Willemstad – Nos a drenta e siman di e promé evento internashonal “Fiesta Fina” ku nada mas i nada menos Grupo Extra ku tremendo fiesta bailabel riba Chobolobo Parking Square na Landthuis Chobolobo. Grupo Extra ta hopi bon konosí aki na Kórsou pa nan tremendo eksitonan ku a hasi estrágo aki na aña 2018 manera entre otro “Me Emboracharé”, “Hoy se Bébe” i aktualmente tin algun numero sonando ku masha hopi frekuensia na nos emisoranan lokal entre otro “Atravéz del vaso”, “Qué

mal hice yó”, “Vén a mi”, “Volvió”, djís pa nombra algun.
E tremeno fiesta aki organisá pa Show Latino lo konta tambe ku presentashon di nos orguyoso artista internashonal Ephrem J huntu ku su banda i agrupashon musikal Gentz ku ta e grupo musical mas kayente na e momentunan aki. Lo tin presentashon speshal tambe di Gigo Martinez.

Fecha pa e gran evento ta djasabra awor 31 di Yuli i lo konta ku un ambiente uniko lo bai wordu kreá na e bunita lánthuis aki. For di entrada, e publiko ku lo bai asisti na e fiesta aki, lo bai sinti un esfera otro for di normal, pero sumamente agradabel i ku sigur lo bai wordu gusta pa un i tur. Teniendo kuenta ku esaki, e organisashon kier pidi tur ku lo bai tei presente, pa presenta ku un gran humor pa bin disfruta di tur loke lo bai keda prepara pa deleite di uni i tur.

PRUEBA ANTIGEEN PA FL. 20,- NA SITIO DI FIESTA MES
Show Latino asumiendo su responsabilidat i den kuadro di medidanan anunsiá pa ku Covid-19, ta hopi komplasí pa anunsia ku pa tur esnan ku pa nan motibunan no a bakuna, pero sí ta interesa pa forma parti di e ambiente fenomenal aki, lo bai tin e oportunidat pa hasi nan prueba (test) antigeen na Lánthuis Chobolóbo mes riba e anochi di e fiesta mes i risibi nan resultado den apenas algun minút. E kosto mará na e prueba aki, unikamente riba e gran anochi di fiesta aki, lo ta solamente Naf. 20,— pa kortesia di MedCare.
Chobolóbo Parking Square lo bai wordu parti den sekshonnan kual nan ta Sekshon General, Sekshon VIP Mesa, VIP Single i tambe un Sekshon apart di VIP Stage, kual lo ta un sekshon hopi limita i ubiká rondó di e ensena-rio.