Connect with us

Sosial

HOPI INTERES PA KURSO DI HISTORIA DI MUZIK DI KORSOU ORGANISA PA CCC

Published

on

Willemstad – Durante e periodo di 7 di febrüari te ku 16 di mei 2022 Sentro Kultural Kòrsou a organisá otro interesante Kurso Historia di Muzik di Kòrsou den su Sentro situá na Emmastad, kua tabata na enkargo di e konosido músiko Henri (Harry) Moen.

Den e kurso aki a trata desaroyo di muzik tradishonal di Kòrsou di e époka entre 1863 i 2000. Entre otro e kursantenan ta siña rekonosé ritmonan tradishonal i konhuntonan musikal, tambe nan ta sera konosi ku kompositor i otro desaroyonan den muzik di Kòrsou. Huntu ku esaki tambe nan ta haña un bista di aspektonan sosial i ekonómiko ku tin relashon ku e desaroyo.

E kurso un biaha mas tabata un èksito total na opinion di e kursantenan ku a yena un bashí na informashon tokante nos muzik. E forma úniko di duna lès di señor Harry Moen i su splikashon al kaso, kla i konsiso a mantené un entusiasmo kontínuo serka e kursantenan.

Djaluna 16 di mei ultimo e kursantenan presente a risibí nan sertifikado for di man di señor Harry Moen i señor Henri Cornelia, Presidente di Fundashon Sentro Kultural Kòrsou. Esnan ku a kalifiká pa nan sertifikado ta: Valentina Cijntje-Engelhardt, Alton Gordon, Rose-Marie Heije, Frensel Malacia, Isolda Mansana, Aronnette Martis, Jacqueline Nicia, Elvin Rijke, Lidwina Rodriguez, Aemilius Palm, John Scheidelaar i Glenda Sluis

Sentro Kultural Kòrsou ta felisitá tur e partisipantenan i nan dosente ku èksito di e kurso. For di aña 2012 un total di 176 kursante, di ken 67 penshonado, a risibí nan sertifikado di partisipashon na e kurso.

Continue Reading

Sosial

Back to School Fun Fest na Renaissance Mall & Rif Fort

Published

on

By

WILLEMSTAD – Un djis ta ora pa bai skol bèk; promé ku esei un poko fun! Spesialmente pa muchanan ku no por a bai den eksterior òf ku a bai te bin i nèt promé ku skol habri ke pasa un ratu kontentu tin e, Back to School Fun Fest! Renaissance Mall & Rif Fort ta invitá tur mucha di entre 2 pa 12 aña pa un dia yen di dibertishon. Djasabra dia 30 di yüli próksimo entre 11’or di mainta i 5’or di atardi e Mall lo keda kombertí den un parke pa mucha. Kòrda ku mayornan òf un adulto mester kompañá e muchanan.

Let’s have fun!
Pa hasi e dia kontentu lo tin animashon di Dj Alexia, diferente ‘bouncers’, trein i party-learn-play ground, pintamentu di kara, un marshe spesialmente pa mucha, ‘Snapology’ i mas. Tambe lo tin un skina spesial di museo pa mucha, ‘Children’s Museum On-the-Go’. Klaro, a kòrda riba e suikerspin, pòpkòrn, ‘balloons’ i tur detaye ku ta trese alegria serka nos muchanan.

Ta kòrda tur mayor ku Renaissance Mall & Rif Fort tin un variedat grandi di establesimentunan, for di paña pa mucha i teeners te na kèts i sapatu pa dama i kabayero. Balapena pa bishitá Renaissance Mall & Rif Fort e fin di siman aki! Mas anochi lo tin ambiente den Rif Fort tambe!

Continue Reading

Sosial

Famoso kantante i pianista di konsierto Charlotte Asberg djasabra awor den ACOYA

Published

on

By

Charlotte Asberg

Willemstad – ACOYA Curaçao Resort Villas & Spa ta sumamente kontentu di organisá djasabra awor 23 di juli un presentashon di e famoso kantante i pianista di konsierto Charlotte Asberg. Charlotte Asberg, pianista di konsierto i Soprano coloratura líriko, a kuminsá ku lès di piano ku 6 aña di edat. Ela haña lès serka Roxana Nanu i Janine van Mever-Dispa. Ku su 12 aña ela gana promé premio na e konkurso di Nederlands Steinway. For di e momento ei su konsiertonan komo pianista a kuminsá na Hulanda i den eksterior.
Aworakí e ta na Kòrsou i serka nos na ACOYA! Asina ta ku un oportunidat úniko pa tur hende disfrutá di e konsierto speshal aki. E ta un solo presentashon asina ta ku probechá di e oportunidat aki. E konsierto lo tuma lugá riba djasabra 23 di juli pa 20:00 (8or di anochi) den Otrobanda Room na ACOYA Curaçao. Portanan lo habri for di 19:30 (mitar di ocho anochi).
Karchi lo ta na benta na ACOYA su departamento di Evento i por yama òf WhatsApp +5999-5239910 E dianan promé ku konsierto, Charlotte Asberg lo duna master classes na e hubentut di Kòrsou i djasabra lo presentá tambe un di nos kantantenan hóben i prometedor Kirsten Mare.

Continue Reading

Lokal

“TREMENDO” ta título di e Kantika Nobo Nobo di Shamiro Anita

Published

on

By

Willemstad – “TREMENDO” ta tåtulo di e kantika i videoclip nobo nobo ku Shamiro Anita a kaba di lansa, después di su último hit titula “Sigui Pa Dilanti”. Ta trata aki di un tremendo kantika di alabansa di kual su koro ta bisa “Mi tin un Maravioso Dios. Dios riba tur kos. Soberano Rei, pa semper lo bo tei. Tremendo Salbador. E Dios di e universo. Bo amor ta eterno. Bo grasia infinito”.

E kantika nobo titula “Tremendo” aki ta su di 2 kantika na Papiamentu ku Shamiro a lansa aña aki, despues ku e la ekspandé su musika internashonalmente ku su ultimo hitnan na Spaño, kualnan ta “Guiame”, “Cuidaras di Mi” i “Volare”. Tur hende ku skucha i kanta e kantika “Tremendo” aki, alabando Dios, lo sinti un tremendo pas i alivio di e kosnan negativo di tur dia.

Tur Shamiro su kantikanan na spaño a bira un hit riba Youtube, i ketu bai ta sigui krese tur dia. P’esei no tin duda ku e kantika nobo titulá “Tremendo” aki tambe lo bira un hit den tur nos paisnan ku ta papia papiamentu, manera na Aruba, Bonaire i Hulanda.
Kòrsou i mundu kompletu a pasa i ta pasando den momentunan disifil, p’esei Shamiro su musika ta sigui yuda hopi hende tantu lokal komo internashonal. E tremendo kantika i videoclip nobo aki, titula “Tremendo”, den kombinashon ku su otro kantikanan ta motiva i enkurashá, pa lanta para, no entrega, no wak patras i kontinua, paso awor ta e momentu pa alaba nos maravioso i tremendo Dios pa nos por “Sigui pa Dilanti” ku hopi bendishon.
Shamiro ta gradisi Dios na promé lugá i tur hende ku ta sostené, wak i/of skucha su musika. Su petishon ta pa sigui kompartí su musika ku tur famia, amigu i konosi. Su orashon ta pa mas i mas hende rònt mundu keda bendishoná pa medio di e mensahenan positivo di Dios den su musika. P’esei su petishon ta pa tur hende sigui kompartí su musika ku tur famia, amigu i konosi pa asina mas i mas hende rònt mundu por alaba nos Tremendo Dios i “Sigui pa Dilanti”, paso Dios su Amor por Move Tur Montaña.
Riba Youtube na https://www.youtube.com/watch?v=H1POsQk4dvs por wak e videoclip nobo titulá “Tremendo” aki di Shamiro i/òf tur su otro videoclipnan buskando Shamiro Anita.
Riba e potrPt por mira Shamiro durante grabashon di e videoclip “TREMENDO” ku a ser filma aki na Kòrsou na Seru di Orashon.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login