Uncategorized
Frakshon di PAR ta pidi minister klaridat riba uso di Coronatest
![](https://s3.us-east-2.amazonaws.com/nobo-s3.kordami.com/wp-content/uploads/2021/12/02194353/Untitled-4-scaled.jpg)
WILLEMSTAD. Frakshon di PAR a mnda un karta pa minister di Salubridat señora Pietersz-Janga puntrando dje posibilidat si siudadanonan por kumpra Coronatest.
E parlamentario di PAR, Zita Leito, a splika ku ront mundu a habri e posibilidat pa e siudadano por kumpra coronatest.
E coronatest ta un test ku por usa na kas mes, pa si e siudadano kier test su mes na momento ku e tin un sintoma di corona of si e kier sinti su mes mas sigur ora e ta bai di bishita serka un hende grandi.
Personanan ku ta kompletamente bakuna of ku a haña COVID den pasado tambe ta i por hasi uso di e test aki.
Na Aruba i otro paisnan por kumpra e coronatestnan aki den botika.
Ta lamentabel ku na Korsou ainda no tin e opshon aki pa e siudadano.
Segun informashon e parlamentario lo ta dispone di dje, e coronatest na Korsou a keda registra bou di reglanan/leinan estrikto similar na remedi, esaki ta pone ku tin un restrikshon severo pa e tipo di testnan aki.
Den e kategoria aki ta kai tambe por ehempel e test pa detekshon tempran di embaraso. Den komienso di aña 2021 asta tuma algun test bou di embargo.
Apesar ku e coronatest lo no fungi komo un diagnostiko ofisial, e siudadano di Korsou mester por hasi su mes test si e ta desea esaki. Siudadano nan ku e parlamentario a kombersa kune ta indika ku na momento ku nan ta sinti sintoma di ferkout of di COVID-19, nan lo kier test nan mes, prome ku nan bai pasa henter e proseso di PCR, asina nan por tuma e prekoushonnan nesesario ku mas rapides. Prekoushon manera isolashon. Awor ku Korsou ta den preparashon pa e variante di COVID-19 Omicron, e coronatest por ta un instrumento pa detekta mas kaso i tambe posibelmente baha e kontagio. Den kuadro di esaki e parlamentario a puntra e minister si e por fasilita Parlamento, si ta kuadra ku coronatest ta keda registra, bou di reglanan di kontrol similar na remedi.
Tambe si e minister por informa Parlamento kua ta e kriterianan pa ku importashon i benta di coronatest i si akaso ta posibel pa un persona, pa uso personal trese coronatest for di eksterior.
I finalmente e parlamentario a puntra si e minister por informa Parlamento, kon e tim di maneho lo informa komunidat tokante e forma di uso korekto di e coronatest.
Uncategorized
Usyk ke regresá kategoria Krusero…
![](https://s3.us-east-2.amazonaws.com/nobo-s3.kordami.com/wp-content/uploads/2024/06/07171514/4x.jpg)
E kampeon mundial indiskutí kategoria pisá Oleksandr Usyk ta pensa di regresá e kategoria krusero despues di su kombate di dia 21 di desèmber vs Tyson Fury. Usyk i Fury lo bringa revancha dia 21 di desèmber despues ku Usyk a gana pa desishon mayoritario. Fury a hasi uso dje oportunidat den su kontrakt pa pidi revancha. Usyk ku tabata kampeon mundial indikutí krusero kaba lo ke regresá e kategoria. E tin rekòrt di 22-0, ku 14 triunfo pa via rápido. Echo ta si, ku den e kategoria krusero no tin muchu bòksdó di kalidat. Ekspertonan ta bisa ku e kategoria krusero ta laf.
Uncategorized
Bon notisia pa nos selekshon: “Cuco” Martina a firma ku NAC di Breda..
![](https://s3.us-east-2.amazonaws.com/nobo-s3.kordami.com/wp-content/uploads/2023/02/02171303/1.jpg)
Sigur ta un bon notisia pa nos selekshon di futbòl di Kòrsou bou di direkshon di Remco Bicentini ya ku “Cuco” Martina ku tabata inaktivo a haña trabou.
Manera nos amigu i kolega Calili Ruiter a komentá awe mainta “Cuco” Martina a firma ku e tim Ulandes ku ta NAC di Breda.
Ku e firma aki Kòrsou tin sigur ku “Cuco” tin aktividat i lo por kontribuí mihó ku nos onsena.
Uncategorized
Pa trabou no akabá….. Korte a ordená kontratista pa paga kliente kasi Naf. 48.000
![](https://s3.us-east-2.amazonaws.com/nobo-s3.kordami.com/wp-content/uploads/2023/01/02171407/download.jpg)
WILLEMSTAD. Un kaso ku a tuma lugá den Korte un dje dianan aki a resultá den un veredikto kaminda un kontratista lokal mester paga un kliente ku kual e tabatin akuerdo ku pa hasi un konstrukshon pero no a kumpli ku su parti awor e kontratista mester paga e kliente komo 48.000 florin di kompensashon.
Si Steel Solutions no kumpli ku e veredikto e kompania tin ku paga e Universidat 400 florin di daño perwisio pa dia.
Caribbean Medical University a demanda MM Steel Solutions ku a rekonosé ku nan a faya pero a pidi korte pa deskontá e suma ku e debe CMU.
Solamente kue suma ku por deskontá no ta yega ni na pia sushi dje montante ku e kontratista debe.
Pa kolmo ora korte a trata e demanda, e kontratista no a presenta sin duna motibu pero basikamente a proponé pa deskontá un parti dje faktura pa material ku e no a entrega a rason di ‘Sandwich Panel for Roof’ i ‘Purling Support’, pa un total di xxxxxx ku e kontratista a traha pe universidat.
I aki e doló ta sinta pasobra e trabou ku e kontratista a presta bal solamente 2500 florin.
E kontratista no por a defende su kontra demanda pasobra e no a ni presenta den korte.
Pues ta 2500 florin so e kontratista por deskontá for di loke e mester kompensá ne universidat.
Na final wes a disidi ku e kontratista debe
NAf 3.542,50 plus e gastunan di korte pa nan kobra e suma pa trabou ku e kontratista no a presta pero ariba di esei korte a anulá un faktura dje kontratista a rason di NAf 44.688,58 kitando 2500 florin ku mester deskontá.
Gastu dje kaso den korte a sali NAf 3.542,50.