Connect with us

Lokal

Duo di rikachon froudulento indio tin años ta eskivá pago di mion Euro na mionario ulandes

Published

on

WILLEMSTAD. Un duo di tata ku yu doño di kadena di kambio internashonal di plaka multimionario indo-britaniko ku ta hunga papel di David Copperfield mihó ku e mago mes, tin mundu henter komo kampo di eskóndite pa skonde nan fortuna i no paga nan debe mionario ne empresario ulandes kada bes ku abogado Thabiso van den Bosch deskubri unda nan ta skondiendo nan fortuna, ta resulta ku nan tabata usa registro di Kamara di Komersio di Kòrsou kada bes ku nan tabata sinti rosea kayente dje abogado den nan garganta.
E imperio di e duo britaniko di origen indio enk Jn. Felix Fareed Ismail Grovit i Stefan Carim Ismail Grovit, Felix i Stefan Grovit debe e empresario ulandes Henk Jan Janssen kantidat di miones di euro pa mas ku 10 aña kaba: pa no menos ku € 12.476.447,04.
Esei te suma ku e rumannan Grovit debe Henk Janssen ku e interes ku a akumula for di 2010 bin ariba.
Delaster biaha ku abogado Bos a lokalisa nan un di nan tabata biba na China i no tabatin adrès na Ulanda. Esei tabata na aña 2014 tempu nan tabata biba den un kasteel na Eskosia,.
Pa kompliká e kaso mas abogado mr. van den Bosch a kompronde ku un di nan a muri na 2018 i e no tin poder pa represent’é den e kaso. Esensia dje kaso ta e miones ku Carigna Investments N.V. debe Henk Janssen kende tin un veredikto di wes den su poder pa kobra e plaka. E no a logra tur e añanan aki.
Carigna ta un kompania anonimo kurasoleño ku a lanta na 1982 i su direktornan ta dos otro kompania ku yama Ferry Close Ltd. i Sectoren Ltd pero den transkurso di ultimo 8 aña nan a kambia direktor manera paña sushi drentando i saliendo for di registro di Kamara di Komersio di Korsou te dia ku a pone un paro ne ‘`kiekeboe’ aki.
Djis pa duna un idea dje ramifikashon ku e indo-britanikonan aki tabata traha pa eskiva loke nan mester paga, lo siguiente:
· Berkeley Nominees Inc., na Panama ta portador di 99% akshon den Ferry Close Ltd. i Sectoren Ltd. ku sede na Panama
· Inver Trust Corporation ta portador dje akshonnan di Berkeley Nominee Inc. i di tur propiedat i kapital di e tata i yu Grovit. Baiendo bek ne fuente, un wes na Amsterdam a kondena Carigna pa Jan Janssen
EUR 3.585.411,- for di (!!!) te ku deurwaarder a beteken e desishon.
Pero pa 7 di mart 2012 e para a bolbe bula for di registro komersial di Kamara di Komersio di Kòrsou pa su siguiente aña ela bolbe nèshi i tabata registrá di nobo.
Financieel Dagblad for di 2013 a skirbi ku e tata ku yu indo-britaniko ta hunga kiekeboe pa e empresario ulandes no gara nan ku nan debe i komo ultimo rekurso abogado Bos a laga publika un relato pa fòrsa bara den Financieel Dagblad denunsiando e duo.
Einan Colon a kima i nan a laga nan abogado refutá tur akusashon pero nan no a duna kara.
Di manera ku wes a kondená e dos empresario froudulento na paga e empresario ulandes EUR 3.858.411,- plùs EUR 282.964,36 na gastu di abogado i di korte.

KOMPANIA BRIEVENBUS
E kaso aki ta klaramente unu kaminda Felix i Stefan tabata usa trustkantoor pa skonde siendo ku ta nan mes tabata dirigi e imperio finansiero.
E veredikto a drenta na vigor for di 2010 pero te awe e empresario ulandes no por kobra su plaka pasobra e no por a lokalisa e dos Hindunan pasobra ta kompania di papel ta direktor di Carigna.
E dos empresarionan ta skuif e fortuna rònt mundu di manera ku no por pone beslag.
Es mas, e empresarionan a reklama ku a publika nan chanchuyonan den Financieel Dagblad i ku ningun momento so nan no debe e mionario ulandes 12,5 mion Euro.
Pa kolmo na 2014 a konvoka e dos empresarionan indio na aña 2014, su abogado a laga sa ku na aña 2018 ela muri i ku e no tin poder pa representa e difuntu.
Pa lei, e kaso a sigi kontra herederonan di pero ku su viuda ta sigi bringa e kaso. Mientras tantu e kaso a keda trasladá pa un korte irlandes pero ku no tabata kompetente pa trata e kaso.
Esei a keda konfirma februari ultimo pa abogado mr. Van den Bosch.
Henk Janssen a presenta atrobe riba tarima pa akusa Carigna di ta strobe pa e kobra su plaka.
Awor mester disidi ta den kua pais mester husga e demanda i segun Jan Janssen, mester trata e kaso den korte na Kòrsou pasobra ta na Kòrsou Carigna ta registra pero ta na Ulanda e mionario ulandes a sufri daño.
Komo ultimo rekurso abogado dje dos mionarionan indio a bisa ku e demanda kontra nan a kaduká.
E argumento di un dje empresarionan indio ku e mionario ulandes a yama nan ‘partido di spoki’ no ta yud’e ku nada.
A usa e nomber aki pasobra un biaha Carigna ta eksisti, e siguiente momento e no tei mas no mas pasobra e tabata hunga kiekeboe.
Pa hunga kiekeboe kada bes tabata kambia nomber dje direktor di Carigna manera Pedro por su casa.
E kaso a kuminsa na 1999 ku te ainda ta andando. Klousurando e kaso wes a disidi ku Carigna mester paga e suma di 358.411,- Euro kontando interes for di februari 1999.

Continue Reading

Lokal

Wowo di mundu ta dirigí riba Karnaval di Kòrsou

Published

on

By

WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.

KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.

Continue Reading

Lokal

Análisis di krímennan di impakto haltu

Published

on

By

WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.

Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.

Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.

Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).

Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).

Violensia relashonal
Kantidat: 15

Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.

Continue Reading

Lokal

JCI Dutch Caribbean a elegí i instalá su direktiva nobo

Published

on

By

WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.

Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na [email protected].
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login