Connect with us

Lokal

Covid 19 tabata pa nos siña.

Published

on

Esaki ta e chèns di oro pa drecha e situashon sosial ekonómiko na Kòrsou riba un base duradero. Solamente kurashi i determinashon mester

Sinseramente bisá Covid 19 ku a kousa un krísis riba diferente tereno lo mester tabata pa nos tur siñansa. Mas ku tur kos, e enorme pobresa ku ta reina den kasnan di famia. Tuma e sirkunstansia sosial na Kòrsou na promé lugá, e enorme pobresa ku ta reina den kasnan di famia, sea ku un òf dos mayor na kabes, rondoná ku yunan tambe den un inmenso mizeria.
Ta situashonnan ku ta kondusí na barionan sumamente shushi, fis i a-higiéniko, anto ta hasi ku nos ningun no mester ta orguyoso di ta biba den un Kòrsou manera esaki. Tur hende tin falta den loke ta pasando, gobernantenan, polítikonan, lidernan sosial, sektor gubernamental, pero tambe komersio i industrianan eksistente.
E pobresa i mizeria reinante den sentenáres di kasnan di famia na Kòrsou, no ta únikamente debí na e leinan ku ta pèrmití e inhustisia sosial, sino esnan ku deliberamentu ta hasi mal uzo di e oportunidat.
E pregunta primordial ta: “Kon nos por drecha loke ta robes aktualmente, pero ku pa dékadanan ta manifestando?” Un gran amigu a bisa mi ayera ku esaki en prinsipio ta e oportunidat di oro pa reflekshoná riba nos sentido di bida, no tin rason pa sigui hasi e kosnan manera tur tempu tabata e kaso! Den su programa di atardi “Pro Info’ el a trata huntu ku un otro konosí, nos relashonnan ku Ulanda, kon aya na Ulanda den Senado “Eerste Kamer” nan a realisá ku sekretario di estado ulandes Raymond Knops i su grupo di amigunan di e élite ulandes a kita tur poder for di e gobièrnu di Sint Eustatius, pone un figura pa hèndel gobernashon riba e isla di e forma ku nan tabata ke, pero asina a tene elekshon pueblo di Sint Eustatius a pone e mesun gobièrnu ku tabat’ei promé bèk. Na Sint Maarten e relashon entre Ulanda i e gobièrnu di Sint Maarten klaramente a kue e buèlta di konflikto di manera ku na Sint Maarten nan a sera kabes pa denunsiá Ulanda riba plataforma internashonal. E úniko rekurso ku a keda Ulanda ta pa maluzá su poder dor di sera e kranchi di plaka awor ku e isla ta den gran nesesidat. Covid 19 a dal tur nos islanan duru i Ulanda ta debidamente konsiente di esei. Na Kòrsou e elekshonnan di 19 di mart 2021 a papia palabranan kla, e tabata un rechaso kontundente di e maneho di e gobièrnu amigu di Ulanda, di signatura PARista. Den Eerste Kamer mes i tambe Raad van State a kaba ku e kuchú ku Ulanda a pone na kabes di gobièrnu di Kòrsou den forma di e Caraibisch Orgaan voor Hervorming (COHO), faltando ku akuerdonan esensial inkorporá den Statüt.
Rumannan, segun mi ta nesesario kuminsá un trayekto pa kambia kosnan ku nos ta hasiendo robes, pa nos por tin e forsa pa lanta para. Pero ban trata na yega na rais di nos eksistensia. Mester rekonosé ku tin fayonan garaval ku nos mes ta kometiendo, sierto komportashonnan ta totalmente iresponsabel i ku ta krea i redundá den sirkunstansianan di bida insoportabel. Pa kuminsá e isla aki ta demasiado shushi, fis i a-higiéniko, anto no por sigui asina. Esaki ta rason pa start un trayekto nashonal ku ta konsentrá riba komportashon síviko. E gobièrnu nobo di Kòrsou tin e oportunidat di oro pa bai pa esaki, kanando padilanti ku esfuersonan pa hinka den kurason di nos hendenan ku bida mester ta aserká ku mas pashon i amor berdadero. Ban kuminsá ku limpiesa i higiena di Kòrsou su barionan i otro áreanan di enkuentro, anto pa djei sigui bòrda bai pa kue otro áreanan importante. Pronto mester toka tambe e tema di komunikashon, kon nos ta anda ku otro, stòp ku e aktitut komo si fuera ta krítika destruktivo so por lansa, kompartiendo konstantemente notisianan negativo i doloroso, anto ta laga para kompletamente un banda loke ta animá nos hendenan.

Continue Reading

Lokal

Tur kaminda tin skarsedat di personal: Na unda tur trahadó di Hulanda a keda ?

Published

on

By

Peter Hein van Mulligen, hefe ekonomista na Ofisina Sentral di Estadistika...

 

WILLEMSTAD/DEN HAAG – E siman aki menos trein ta kore debi na e falta di personal na Nederlandse Spoorwegen (NS). Despues di Schiphol, awor Eindhoven Airport tambe ta sinti efekto di falta di personal.

Ta antisipá ku te herfstvakantie tin rijnan di espera.

Prome ku e krisis di corona tambe tabatin rei di espera, pero no asina ekstremo manera aworaki.

E pregunta ta surgi, na unda tur e trahadónan a keda ?

Na hopi negoshi tin e borchi kologa ku ta bisa: Ta buska personal.

Aktualmente tin mas trabou ku tin hende pa traha.

Segun e sifranan: pa kada 133 vakatura tin solamente 100 persona ku ta buska trabou.

Tin pues 33 kupo di trabou, pa kua no tin hende pa okupa.

 

Segun CBS, for di añanan sesenta i setenta, e skarsedat di personal  no tabata asina grandi.

Prome ku corona, e problema no tabata parse asina grandi.

Pero diripente ela bira visibel tur kaminda.

Direktor di un uitzendburo na Hulanda a bisa: ‘’Básikamente nos ta mira skarsedat di personal den tur sektor.

Den e pandemia nos a konstatá ku hendenan ta kambia di trabou.

Entre otro personal di horeca a bai traha na GGD.

No ta tur hende a regresá nan trabou den horeca’’.

E hendenan aki a haña un trabou ku nan ta gusta mas tantu òf ku ta paga más mihó. Sa sosodé tambe ku nan ta kuminsa ku un estudio ku semper nan a deseá di hasi.

Segun Peter Hein van Mulligen, hefe ekonomista na Ofisina Sentral di Estadistika, e motibunan di skarsedat di trahadó, ta repartí den motibunan struktural i tambe insidental.

“Un problema struktural ta e asina yamá: ‘’vergrijzing”, asina  Mulligen a bisa.

Tin hopi hende ku ta bai ku penshun i no tin sufisiente hoben pa okupá tur e puestonan di trabou.

No ta asina ku e hendenan ta sintá na kas òf ke traha menos. Al kontrali, e hendenan ta trahando más ora i desempleo ta hopi abou.

Banda di e problema struktural, e edat altu di habitantenan, tambe ta un motibu insidental: e krisis di corona.

“Awor ku e krisis ta práktikamente tras di lomba e hendenan ke hasi tur kos: entre otro kome pafó di kas i bai ku fakansi.

Pero debi ku e sektornan aki tabata ketu durante di corona, hopi personal a bai sin regresá.

CBS no ta dispone di sifra na unda e trahadonan a bai.

‘’Pero nos ta na altura si ku entre otro hopi hende a bai traha komo koerier rápido.

 

Continue Reading

Lokal

Tin indikashon fuerte: Hulanda ainda lo no ta pidi despensa pa su pasado di esklabitut

Published

on

By

E aña aki, minister Franc Weerwind di protekshon di Derecho, ta asistí na e aktividat.

 

DEN HAAG – Durante di e konmemorashon anual di abolishon di sklabitut, gabinete hulandes lo no pidi despensa pa Hulanda su partisipashon den e pasado di esklabitut. E ministernan di  VVD, CDA, D66 i Christen Unie, mester di mas tempu, pa tuma desishon riba e topiko sensibel aki.

Asina varios fuente a informá NOS na Hulanda.

Esaki no ta nifiká ku hamas lo pidi despensa na desendentienan di katibunan prosedente di Surnam i Karibe. Asina fuentenan na Den Haag ta enfatisá.

Pero gabinete hulandes ke debati promé ku esnan involvi, riba e konsekuensianan di awendia, debi na sklabitut.

E luna aki na dos okashon a diskuti e pidimentu di despensa durante dje reunion semanal di konseho di minister.

Diabierne awor, 1 di juli ta Keti Koti, e konmemorashon anual i selebrashon di abolishon di sklabitut na 1863. Tradishonalmente un representante di gobièrnu ta presente.

 

 

Continue Reading

Lokal

Defensa a sostené outoridatnan lokal durante ku tormenta tabata pasando Aruba i Kòrsou

Published

on

By

 

 

WILLEMSTAD – Outoridatnan di Aruba i Kòrsou a hasi un petishon na Defensa pa sostené nan durante e tormenta ku lo a pasa banda di e islanan.

Defensa a duna oido na esaki i a pone personal i medionan na disposishon.

A kuminsá na Kòrsou e desempeño konhunto, di Kuerpo Polisial di Kòrsou (KPC) huntu ku Milisia di Kòrsou (CURMIL).

Desde un kantidat di 4 ofisinanan di bario di KPC, patruyanan mobil a keda ehekutá, ku e propósito di haña konsientisashon di e situashon ku nos tabata aden, i for di e punto ei e sentro di krísis di KPC ku ta establesé, por a reakshoná na un forma adekuá, pa medio di ubikashon di personal i material kaminda esei ta nesesario.

Banda di esei, si esaki tabata nesesario, por a duna asistensia na momentu di evakuashon di persona òf bienes,  transporte di heridonan, ehekushon di tareanan di transporte, gestion di tráfiko státiko i dinámiko i aplikashon di mantenshon di órden.

Na Aruba tabatin 50 militar i material na ‘stand-by’ pa sostené outoridatnan lokal kaminda ta nesesario ku kapasidat di transporte, asistensia na servisionan di emergensia i suministro di rekursonan logístiko.

E paisnan mes ta tuma e inisiativa rondó di e kordinashon i direkshon di e tareanan i Defensa ta sostené kaminda ta nesesario ku hende i material.

 

Apoyo na outoridatnan lokal tabata un di e tres tareanan primordial di Defensa.

 

 

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login