Connect with us

Lokal

Ban hasi una diferensia huntu pa Kanser di Mucha

Published

on

Willemstad – Riba djabièrne 24 di Juni, Gerd Glaudemans ku ta biba na Kòrsou, huntu ku DreamRides team di Hulanda ta bai hasi un rekorido fenomenal riba baiskel di 822 kilometer i subi 20 mil meter den diferente seru i siudatnan den Alpen ku ta keda na Suisa i Fransia.
Ku e gran esfuerso aki, e ta lucha pa krea konsientisashon i tambe rekoudá sèn pa otro inisiativa spesial di Ronald McDonald House Charities Curaçao Foundation (RMHCC) kwal ta un fondo lolal dediká na kombati kanser di mucha.
RMHCC ta kréa y sostené programanan ku ta direktamente y positivamente impaktá salú y bienestár general di mucha y nan famia. Tur loke ta keda rekoudá ku DreamRides ta bai pa sostené e muchanan ku kanser i nan famianan.
E fondo ta ser usá pa apoyá famianan, pa mantené nan huntu i serka di e kuido nesesario ku nan tin mester. Tambe esaki lo ser usá pa duna e muchanan un momentu di enkurashamentu pa pasa dor di e momentu difísil aki, dor di regalá nan momentunan alegre pa asina nan tambe por disfrutá di bida. Lamentablemente tur aña algun mucha na Kòrsou ta ser diagnostiká ku kanser.
Maske ku e kuido ta bon organisá riba nos isla, mayoría biaha e mucha ta ser mandá Hulanda pa por risibí tratamentu den e hospital di kanser pa mucha mas grandi di Oropa ku ta Princess Máxima Center. E bida di e mucha i di su famianan ta kambia den un fregá di wowo.
No solamente e bida emoshonal i sosial di e famia ta ser afektá, pero també e gastunan finansiero ku un biahe i estadia pa un periodo largu na Hulanda ta trese kune ta enorme. Gerd lo sali pa Genève dia 24 di yuni, i dia 2 di yuli e lo regresá Hulanda.
Durante e gran rekorido aki e lo bishitá algun di e kasnan di Ronald McDonald pa duna su sostén na muchanan i nan famianan ku ta pasando dor di e malesa aki. Ta posibel pa sigui e rekorido di Gerd Glaudemans via e website di evento di Ronald McDonald House Charities Curaçao Foundation dor di skèn e QR code Sambil Curacao, Veeris 27. Unit L-49, Tel: 5999-4621645 / Willemstad Curacao. KvK registration # 118028,
Na final di fakansi di verano ora ku Gerd ta bèk, lo tene un subásta specialmente pa klausurá e evento aki kwal lo tin hopi ítem interesante inkluso e baiskel personalisá ku Gerd lo usa.
Join e Branding y Platinum Partners KLM, Rotary Club of Curaçao, BDO, Arcas Partners, MCB y e DreamRides Curaçao team ku huntu ku otro corporate partners y donante individual ke marka un diferensia dor di rekoudá fondo pa famianan ku ta afektá pa kanser na Kòrsou. No ta importante kon chikitu òf kon grandi e montante ta, paso kada kontribushon ta yuda. Via e website tambe ta posibel pa hasi un donashon pa e kousa aki. Bo kontribushon tin gran balor pa nos. Ban marka un diferensia, huntu! https://rmhc-curacao.org/dream-rides-for-childhood-cancer-fundraiser.

Pa mas informashon, por tuma kontakto ku Ronald McDonald House Charities Curaçao Foundation [email protected] [email protected]

Continue Reading

Lokal

Alumnonan di Skol Sint Antonius a traha modelo di lanthùisnan

Published

on

By

WILLEMSTAD – Loke a kuminsá komo un simpel proyekto pa traha un modelo di e lanthùisnan di Kòrsou pa sera aña eskolar di e grupo 7 di Skol Sint Antonius, a bira un mega proyekto kaminda nan a kombiná varios abilidat pa no únikamente krea e edifisionan monumental, pero tambe kombertí den orador tokante di e pasado riku i e uso aktual di e lanthùisnan.
Tabata un reto i alabes un oportunidat pa koperá ku e muchanan i tambe nan mayornan, pa asina nan por a krea e artenan aki ku a impreshoná hopi ku a mira nan.
CIBC FirstCaribbean a sostené e proyekto, ku no únikamente a saka lo mihó di e alumnonan di Skol Sint Antonius, pero alabes a enkurashá e partisipashon aktivo di nan mayor i a stimulá nan interes den a pasado riku di Kòrsou. Bo por a mira e orguyo den a hobennan ora ku nan a kaba ku nan proyekto i tabata presentá esaki.
Skol Sint Antonius tin komo tradishon pa laga e alumnonan di grupo 7 na fin di aña eskolar hasi un proyekto kaminda ta reta e alumnonan pa demonstrá nan kreatividat. E proyekto di e aña aki a saka mas ku e kreatividat di e studiantenan. E studiantenan, den nan gran mayoria for di e barionan di Santa Maria i Seru Fortuna, a kombiná nan kreatividat riku, nan konosementu di historia, kalkulashon di midí i abilidat di presentá, pa krea i presentá nan proyekto. E proyekto di e studiantenan a bira punto di interes di henter famia kaminda mama i tatanan tabata kontribuí nan parti pa kombertí e modelo den un piesa di arte. E proyekto a logra ku e studiantenan mester a buska informashon, tantu tokante e pasado di e lanthùisnan pero tambe presente.
Tur e studiantenan a kombertí den orador ku bon konosementu di e lanthùis ku nan a traha i presentá.
Un di e maestronan di e klasnan di grupo 7 di Skol Sint Anonius a bisa ku e proyekto aki a saka e mihó for di e studiantenan.
E studiantenan a haña un oportunidat ekselente ku e proyekto aki pa demonstrá nan konosementu i abilidatnan riba varios tereno.
E koperashon den famia a krea un eksperensha úniko ku e hobennan aki lo keda kòrda pa hopi tempu. E maestronan a apresiá e sosten i koperashon di CIBC FirstCaribbean pa kompletá e proyekto ku tabatin un gran impakto riba e hobennan.

Continue Reading

Lokal

Donashon di 50 mil Euro pa Fundashon ku ta kombati problematika di AIDS

Published

on

By

Riba e foto por mira algun miembro di e direktiva di links pa rèks G.Roach, T.Winklaar, H.Offerman i S. Felomina.

Willemstad – Fundashon Plòns Kòrsou (FPK) a risibí un donashon di 50.000 euro durante e findishi ku a tuma lugá na Amsterdam Diner 2022.
Amsterdam Diner tur aña ta organisá e evento aki pa rekouda fondo pa yuda ku diferente proyektonan ku ta yuda pa kombatí e problemátika di HIV/Aids rònt mundu.
Durante di e diner presidente di FPK Harley Offerman a dirigi algun palabra na e publiko presente tokante e importansia pa tin sufisiente fondo pa por sigui yuda e pashèntnan ku ta HIV positivo.
E aña aki Fundashon Plòns Kòrsou a haña e oportunidat pa por forma parti di e findishi ku a tuma lugá durante e diner i rekouda un kantidat di 50 mil euro.
FPK tin 3 proyekto importante pa kuminsá kuné pa por yuda ku e problematika di HIV/Aids na Kòrsou. FPK a skohe e proyektonan basá riba e nesesidat ku ta biba bou di e organisashonnan Cura+, Salú pa tur i Famia Plania.
1. Konsientisá muchanan riba e topikó di HI/Aids
2. Minimalisá/ Eliminá e tabu di HIV/Aids na Kòrsou dor di konsientisá e komunidat i pone mas tantu informashon posibel disponibel
3. Tratamentu i remedi pa indokumentadonan
Esakinan ta 3 di hopi proyektonan ku FPK mester a skohé pa kuminsá kuné.
Lamentablemente ahinda e tópiko di HIV/Aids ta algu ku mayornan, famianan, amigunan i konosinan no ta papia over di dje ni buska informashon konkreto pa informá nan mes di e desaroyonan ku tin riba e tópiko super importante aki. P’esei FPK kier invitá bu pa bishitá e website fundashonplons.com ku nan a desaroyá den 4 idioma. Espesialmente den papiamentu pa tur persona por kompronde i informá nan mes bon.
FPK ta sumamente kontentu ku e donashon ku nan a risibí pa por kontribui na un mihó bida i eksperensia pa e pashèntnan ku ta HIV positivo.

Continue Reading

Lokal

Eugene Middelhof ta bandoná Wardakosta di Karibe Hulandes

Published

on

By

Eugene Middelhof

WILLEMSTAD – Eugene Middelhof ta tuma despedida di Wardakosta di Karibe Hulandes den e Region Karibe. Esaki ta tuma luga 8 di yüli awor.
For di yüli 2017 Eugene Middelhof ta okupá e kargo di Direktor Suplente na Wardakosta. Den su puesto e tabata duna direkshon na diferente proseso dentro di e organisashon, manera entre otro e ‘bedrijfsvoeringsoverleg i e ‘Gemeenschappelijke Medezeggenschapsraad’ (GMR).
Siendo Direktor Suplente e tabata tambe Presidente di e konsulta ku GMR den e organisashon. E la sòru ku e órgano aki ta bon sigurá dentro di Wardakosta. Banda di esei el a esforsá su mes pa otro fasetanan importante den e organisashon, manera integridat, siguridat i medio ambiente, pero tambe el a sòru pa vários funshon den e staf di Wardakosta a ser okupá. Durante e último 5 añanan Eugene a desplegá su mes ku hopi energia i pashon pa Wardakosta i e la duna realse na e kredo ‘Samen Sterk’. E personal di Wardakosta ta gradisí Eugene pa su esfuerso i ta dese’é hopi éksito den su futuro karera.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login