Deporte
Lennox Maurits, DT di Jong Holland: “Bo tin di gana riba Tereno”…
E tim di Jong Holland ta hunga awe nochi na Puerto Rico nan di tres wega den kompetensia regional di klup. E trikolornan a gana nan dos promé wega, e último 5-0 vs Real Rincon.
Apesar di esei si Jong Holland pèrdè awe nan tin chèns di kai afó. Lennox Maurits DT di Jong Holland a papia mainta ku Calili Ruiter.
El a bisa ku e la adaptá su tim ya ku nan tabatin vários estrea, pero awor ta usa loke ku nan tin.
Pa loke ta e wega di awe, e ta bisa ku no tin balotashon.
E ta haña ku 3 aña pasá e nivel tabata poko mihó.
Jong Holland ta topa awe e represent’é di Guadalupe.
I nan ta leve faborito pa gana. “Nos tin di hasi esei riba tereno”, asina e DT trikolor a deklara.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
