Deporte
Nan ta spekulá ku: Ulanda lo koperá pa nos hunga den Haarlemse honkbal week…
Na momento ku 5 Star skibi algu, ta paso nos a hañ’é serka hendenan ku sa di kiko nan ta papia, i no di hende ku tei pa hasi “prèt” o hunga interesante.
Pa yega Ulanda i hunga baseball na Ulanda ku un selekshon ta basta plaka.
Hecho ta ku Kòrsou tabata “standby” i ku e kaimentu afó di Chinese Taipei nos a drenta e fiesta ku ta tuma lugar den Pim Mulier Stadion di Haarlem.
Pabo yega Ulanda ku un selekshon grandi di deporte no ta ku “boka” o “deseo”, sino ku plaka.
5 Star ta na altura ku ta eksistí e posibilidat ku for di Ulanda lo yega ayudo finansiero pa baseball di Kòrsou por ta presente den e edishon aki di Haarlemse Honkbal Week.
Ta probabel ku tantu federashon, komo otro fundashon lo por aportá ku nos selekshon lo por yega Haarlem.
Sin e yudansa lo no ta fásil, paso no ta yega Ulanda ku un selekshon ku “boka” o ku “deseo”.
Na Ulanda semper nan ta konsiente si, ku partisipashon di Kòrsou ta nifiká tribuna yen i sigur si Kòrsou duna resistensia. 5 Star por papia, paso nos a yega di partisipá na e kompetensia komo “coach”, bou di Manager Eddie Daou.
Hopi hende mes ta bini wega, pa apoyá, pero tambe pa zundra si kos no ta bai manera nan ta deseá.
Pa yega HHW mester di plaka, i no ta yega ku “boka”.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
