Lokal
Bienestar Total i un Peso Salú pa Tur: “Bo mester kumisá stima bida i NO kuminda!” Skibi pa Melly Bergland, Wellness Coach
Den kuadro pa promoshon di Bienestar Total i un Peso Salú pa Tur, Melly Bergland, Wellness Coach ta trata e siman aki ku Bo mester kumisá stima bida i NO kuminda. Melly ta kontribuíendo engrande ku Papiamentu komo outor di bukinan di Transformashon, bukinan di Reseta, bukinan di Menú, buki di Detòks Wholístiko, bukinan di Renobashon Spiritual, bukinan di Biba Veggie Style i bukinan di Reseta Veggy Style, Buki di Reiki i varios manual di kurso pa desaroyo pèrsonal. Tur e bukinan aki ta optenibel na Piramid Top Wellness Center.
Nunka lo bo bira e lokual bo ke bira dor di keda manera bo ta.
simpel bèrdat ta ku no por tin un bida nobo sin e kreashon di e abo nobo. Tin dos parti di bo personalidat ku ta lucha pa kòntròl di bo komementu i bo salú. Tin e parti responsabel ku ta prekupá profundamente tokan te di loke bo ta kome, kon bo ta i kiko bo ta pisa. Esaki ta e parti di bo ku ke kambio salú den bo bida. Mi ta yama e parti aki ADULTO.
Sinembargo, tambe tin e parti iresponsabel di bo ku no ta prekupá ètòl loke bo kome, kon bo ta òf kuantu bo ta pisa. Esei ta e parti ku ta perfektamente felis ku e manera ku kosnan ta i no tin ningun deseo o interes pa kambia pa un estilo di bida mas salú.
Mi ta yama e parti aki e MUCHA. Na mi opinion, ta e konflikto entre e adulto i e mucha den bo tokante bo peso, ta den lucha.
E formashon o rekonstrukshon di e personalidat rondó di bo sentro nobo ta eksaktamente loke mester tuma lugá.
Bo ta integrá e dos aspektonan ei di bo mes, i awor bo por operá for di un sentro nobo kual na su turno, ta pèrmití bo pa mira kosnan kompletamente diferente.
Aki tin e poder di konsiensia i integrashon. Bahamentu di peso i bibamentu salú ta demandá e kreashon di un abo nobo i hamas lo bo bira hende ku bo ke ta dor di keda manera bo ta!
Bo ta kla pa kambia? Bo ke sa kiko bo mester hasi pa baha di peso, bira mas salú i realisá bo soñonan? Konsiensia, edukashon, determinashon, akshon i motivashon ta e solushon! Asina ta! 5 hèrmèn simpel di éksito i bo ta riba kaminda. Konsiensia ta esensial e oranan ku nos realmente no sa ku algun di e tiki kosnan ku nos ta hasi ta kontribuyendo di gran forma den nos peso di mas. Edukashon ta ese nsial den e loke nos mester sa kiko ta saludabel. Mi no sa kua ta e manera korekto pa kome, honestamente, mi no sa. Si bo STIMA kuminda, esei ta parti di e problema kaba.
Mi ta kere ku bo mester stima bida, NO kuminda!
Eduká bo mes riba kuminda, lo bo kome loke ta salú i loke ta funshoná den bo estilo di bida! BO mester ta determiná pa logra den esaki i ke kambia bo estilo di bida realmente.
NO ta sufisiente ku bo ke djis BAHA di PESO paso bo ta bolbe subi di peso!
Bo mester, mester, mester pone bo meta pa bo tin un estilo di bida salú permanentemente i ta determiná pa realis’é. Una bes bo a eduká bo mes na loke ta no-salú i ta konsiente kiko bo ta hasiendo ku no ta salú i ta determiná pa kambia, tur loke a sobra ta pa tuma akshon! Ta sigur ku tur dia bo ta tumando akshon i esei ta un paso den e direkshon korekto! Motivashon ta bira fuerte ora e motivashon ta ser eksigí. Pone algun meta a korto i largo plaso, planeá algun mérito ku bo ke realisá riba kaminda i hasié alegre! Na final di aña, lo bo di mas bunita i ku bo peso ideal. Pa mantené suku den sanger stabil, bo mester evitá algun kuminda definitivamente- hariña blanku (hariña di pan), suku refiná, aros blanku, djus di fruta- kita nan for di bo lista.
Loke tambe ta importante pa un dieta salú ta evitá vèt hidrogenitá, vèt saturá di mas, kosnan hasá, i otro kumindanan ‘no natural’. Na su lugá skohe bo kumindanan for di e grano hinté, bèrdura ku blachi bèrdè, sereal, fruta, vèt, sustitushon di lechi o soya, proteina, bèrdura bròs, bonchi, nechi i simia.
Bo ta kla pa ta honesto ku bo mes?
Si bo ta desea mas splikashon tokante e tópiko aki bo por pasa kumpra e Buki di Transformashon volúmen 24 titulá “Ora bo ta honesto ku bo mes bo tin derecho di ta salú!” skibi pa Melly Bergland òf sigui e kurso aki. – Pa mas informashon di un menú balansá por buska un buki Menú di òktober 2021 i su buki di Reseta. Kursonan pendiente ta kurso STABILIDAT FINANSIERO djasabra 2 òktober merdia 1:00 pa atardi 5:00, FAST WEIGHT LOSS PLAN djaluna 11 òktober mainta 7:30 òf atardi 17:30 ku durashon di 5 dia, kurso DETOKS djaweps 14 òktober mainta 8:00 of anochi 19:00 ku durashon di 3 siman i kurso KOMUNIKASHON DINÁMIKO djasabra 23 oktober i kurso ku MENU 25 pa 30 òktober atardi 6:00 ku durashon di kuater siman. – Tuma kontakto ku Melly Bergland òf Piramid Top; Menegrandeweg 2 òf bèl 869-7733 òf 510-2770 òf app. 520-8544. Bo por email tambe na info@piramidtop.com. Bishitá i like nos Facebook page di Piramid Top Wellness. Kòrda ku “PREVENSHON T’E SOLUSHON”.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
