Juretty ku ta máksimo dirigente dje tim di Souax a bisa deporte 5 Star ku e la skucha e presidente di CSB ku ta Sr. Chu Martis den entrevista mainta den deporte Hoyer serka “Calili” Ruiter.
E ta haña ku “Chu” ta tira tur falta riba Souax, siendo ku ta CSB mes no a sa kon pa atendé ku e situashon. “Chu” ta bisa ku Souax a informe ku no ta hunga djadumingu, miéntras ku Souax kier a hunga djasabra i djadumingu.
“Mi tin tur e informashonnan ei”, e máksimo dirigente ta splika.
Tambe e la puntra “Chu” kon ta para e wega di djasabra for di mainta, siendo ku ta anochi 9.30 pm mester a hunga. “Chu” ta tira tur falta riba Souax, miéntras ku ta nan no tabata sa kon pa atendé ku e situashon. Juretty tambe a bisa ku el a informá na vários okashon di kon no ta buska otro tereno pa hunga siendo ku e “beheerder” ta pone riba su status i facebook for di tempran ku e no ta bai drecha tereno pa hunga. Juretty a bisa ku e doño di tereno no ta ni tene kuenta ku ta un wega di final tin i ta laga un tim komersial slowpitch train promé ku un wega di final.
El a manda prueba pa 5 Star di loke e ta bisa. “Coach” Juretty ta bisa ku niun hende no a bèl “Chu” pa bisé nada dje entrevista, ni nan lo no hasiele tampoko !!