SAN JOSE – Rodrigo Chaves lider di PSD (Partido Progreso Social Democrático) a gana elekshon presidensial na Costa Rica dia 4 di aprel último i su investidura tabata dia 8 di Mei.
Signe Zeicate kasa di presidente elekto Rodrigo Chaves ta ekonomista ku tabatin un kargo importante na Banko Mundial.
Den e kaso aki Signe Zeicate tabatin dos opshon di keda ku su kargo importante na Banko Mundial of retirá i bai Costa Rica pa asumí e funshon komo primera dama ku no page un salario mensual.
Signe Zeicate a disidí na kompaña su kasa Rodrigo Chaves i renunsia un puesto importante ku tabata page kasi $500 mil pa aña.
Rodrigo Chaves tin 10 aña kasa ku Signe Zeicate i ámbos ta profeshonalnan ku a studia na Merka.
Ámbos a hasi karera komo profeshonal i awor segun Rodrigo Chaves a toka turno pa atendé na serio ku e problemanan ku tin ku resolvé na Costa Rica.

SAN SALVADOR – Nayib Bukele presidente di El Salvador ta bai den historia komo e úniko mandatario
ku a hasi milager den e pais reportando ku ta bai hasi 123 dia sin ningun kaso di homisidio registrá.
Gobiernu nan di turno den pasado no tabatin e kurashi pa konfrontá gengnan kriminal na El Salvador manera ta e kaso di Nayib Bukele.
Durante algun dékada tabatin pa dia entre 20 pa 51 kaso di homisidio registrá na El Salvador ku ta un rekòrt awor ku a yega 123 dia sin ningun kaso di homisidio.
Nayib Bukele su maneho a bai di tal forma ku ela kore ku tur e polisnan korupto i pone militarnan di e pais pa atendé ku kuerpo polisial i kontrol riba kaya.
Diariamente na skina kaminda tin sirkulashon di hende por nota ku tin militarnan bon arma ku AK 47.
No solamente esaki ta pa pone rèspèt sino ta trese seguridat tambe pa e sivilnan na El Salvador.
Ne momentunan aki miembronan di gengnan ta buskando manera pa tuma represaya pero ta bai haña nan ku atake fuerte bek di militarnan ku ta bon entrená pa tipo di kombatenan asin’aki.

• E Manager di e tim di Boston Red Sox ku ta Alex Cora a konfirmá ku e lansado derecho Garrett Whitlock lo keda den e rotashon habridó di su ekipo.

Yankees no a proteha Whitlock, i Red Sox a kue, i e ta birando un piesa klave pa nan.

E tabata den bullpen, pero e la habri pa Red Sox vs Astros i tira 6 inning bon.

Alex Cora lo ke mantené Whitlock den e rotashon habridó.