Deporte
Xaverianen ta kita Stakamahakchi for di kaminda i ta bai final
Willemstad- Ayera nochi ta tin kontinuashon pa loke ta trata e partidonan di semi final klase superior.
Ta trata aki di e partido kual a bai entre Stakamahakchi kontra di Xaverianen.
Un partido kual a konosé hopi emoshon den dje sigur pa e públiko kendenan ta biba ku kada hungada.
Ningun di e dos ekiponan a keda lucha tenazmente i ningun di nan dos no por a tuma un bentaha grandi riba otro.
Esaki sigur ora ku nan a bula e 10 punto.
Tabata e promé set ku a bai I terminá 34-32 pa Stakamahakchi.
Mesora Xaverianan kendenan ta dilanti den e seri pero lo no ke permiti nan mes e luho di bai e di tres wega.
Esaki nan a mustra mesora ora ku den e otro set nan a kue bentaha di 7-1 i e set aki tambe nan a sa di gana fásil 25-10.
Sigur esaki a demotivá e hungadónan di Staka kende den e sètnan ku ta sigi no a hasi muchu kos.
Nan ta pèrdè esakinan ku skor di 25-21 i 25-20.
Ku e viktoria aki Xaverianen ta bira e promé ekipo di klase superior ku ta pasa pa final.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
