Deporte
“Wandelgangen” Di nos Futbòl: Adelina no ta kontentu ???
5 Star na stadion o sin ta na stadion semper ta tende su informashonnan, i si nan ta interesante tin di kompartí, paso korant tin di bende.
Algun dirigente i fanátiko basta serka dje deporte di futbòl a sigurá nos ku e mihó rèfri di nos futbòl aktualmente ku ta Sr. Juniel, “Araña” Adelina no ta kontentu, i parse no ta dirigiendo.
Segun nan ta bisa, Adelina no ta di akuerdo ku e no ta haña wega di Jong Holland pa “flùit”.
E fanatikonan/dirigente ku 5 Star a kombersá kuné ta bisa ku ta reina e pensamentu ku Juniel Adelina ta simpatisá ku e trikolornan, i ku ta p’esei e no ta wòrdu programa pa “flùit” nan weganan.
Five Star no ke drenta den e kos ei, pero ta duele si ku Adelina no ta “pitando” paso ta nos mihó árbitro “liber pa liber”, un dje pokonan ku tin kurashi pa “flùit” i saka karchi pa esun ku tin di haña karchi, anto sin miedu, ni tembla !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
