Deporte
Vários Informashon alentador mas pa deporte: Lus pa Victory Boys… Lo drecha Gym i Tereno Lanthùis Hèl…
Minister di deporte, enseñansa i kultura Sr. Sithree Van Heydoorn e dianan aki ta kayente manera e slugger di New York Yankees Aaron Judge, siman ku ta tras di lomba e mandatario a anunsiá varios proyekto ku ta na kaminda ku lo hasi esnan ku stima deporte kontentu.
Den un kombersashon ku amigu i kolega Rignald Maduro a hasi e siguiente anunsionan:
· LO PONE GYM na òrdu i yerba artifisial riba e tereno di futbòl pega ku Lanthùis Hèl den kurason di Saliña. Manera ta konosí tin un gymnasio den Saliña pegá ku e tereno di futbòl ku ta pertenesé na e skol.
Lo pone e Gym den kondishon pa kontinuá ku e aktividatnan deportivo.
E tereno di futbòl ku lo sirbi pa futbòl di mucha lo haña yerba artifisial….
· Tambe lo bai tin trabou pa drecha e lusnan na e parke di futbòl na ZAPATEER di Victory Boys.
Victory Boys su parke tambe ta hopi usá, ku lus bon riba dje lo por hunga wega di kampeonato tambe ariba. Un tremendo invershon sigur..
· SDK lo haña finalmente “SCOREBOARD”, esnan ku ta bai mira futbòl den stadion Ergilio Hato naturalmente ta sinti falta di e “scoreboard”.
Anunsio dje máksimo outoridat di deporte ta mustra ku finalmente lo bini un “scoreboard”den nos máksimo fasilidat pa futbòl…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
