Deporte
Tyson Fury ta revelá ku: Mike Tyson A Pidi $ 500.000.000… …Pa Bringa Kontra Dje…
E kampeon mundial heavyweight Tyson Fury a rekonosé ku tabatin intento pa e subi ring i bringa vs eks kampeon mundial Iron Mike Tyson.
Tyson Fury tin e nòmber Tyson, paso su Tata a yam’é Tyson siendo un fanátiko di Mike Tyson.
“Lo tabata tremendo pa por ta den ring ku Mike Tyson”, asina Tyson Fury a deklará.
Tyson Fury a rekonosé ku tabatin aserkamentu pa Mike Tyson hasi un “comeback” i subi ring kontra dje.
Sinembargo loke a ofresé Tyson Fury tabata un koi’loko, siendo ku Mike Tyson tabata pidi mei billon doler pa por regresá ring. “Nos a papia riba un posibel pelea.
Hasta Mike Tyson i ami tabatin un kombersashon na telefon”, Tyson Fury ta splika.
Sinembargo nunka no a yega muchu leu paso e loke tabata ofresé ami tabata koi’loko, asina Tyson Fury a deklará. Mike Tyson a bini bek pa un ekshibishon vs Roy Jones Jr. i nunka mas e no a bòks.
“Lo tabata great kompartí ring ku Mike Tyson”, asina Tyson Fury a deklará.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
