Deporte
Tur kos ta kla pa djasabra 2 di yüli den “Bam Bam Tech Sports Zone”: “Grandioso “Homerun Derby” ku chèns di gana 500 FL.. “Monifa” tambe tei !!
• Tur kos ta kla pa nos haña e di dos edishon di e grandioso “Homerun Derby” den “Bam Bam Tech Sports Zone” den kurason di Sambil. E promé tabata eksitoso kaminda ku Darwin Gregg Jr. a gana i bai ku e bolsa di 500 florin kèsh. Esnan ku yega tempran por haña spesial di 20 bala pa 15 florin, despues ta 1 florin pa bala. E aktividat di “Homerun Derby” aki ta start djasabra mainta 11or riba dia di BANDERA. Lo bai ta tremendo dia kaminda ku invitashon ta bai pa hinter famia pa ta presente. Lo tin un bar i kushina tremendamente bon surti.
E servisio di bar ta na enkargo di Monifa Jansen ku den forma úniko lo sirbi tur presente. Serka Monifa e kos di bebe ta smak mas dushi. Pa kualke informashon por tuma kontakto na telefon ku e organisadónan: 563-3131.
Tur amante di baseball di mucha te hende grandi ta invitá. Kòrda ku e kompetensia ta habrí pa mucha i hende grandi.
Tambe mucha muhé por partisipá na e kompetensia. Bo ta skohe bo parke, i saka bo HOMERUN.
· Ta spera tur hende djasabra 2 di yüli den Sambil for di 11’or di mainta.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
