Deporte
Tur hende ta puntra: Ken Remco lo skohe komo asistente ??
Deporte 5 Star ayera tabata den un grupo di amante di futbòl, i naturalmente tur tipo di tópiko a bini padilanti.
Entre e tópikonan ku nos a kombersá riba dje ta, ken lo bira asistente di Remco Bicentini ku a keda nombra DT di nos selekshon.
Un dje nombernan ku mas ta zona ta di e DT di Jong Holland ku ta Lennox Maurits.
Lennox Maurits i Remco ta hopi “close” ku otro parse.
Tambe tin Zinho Constancia ku a bin ta hasi tremendo trabou ku nos selekshonnan di futbòl, i e ta tambe DT di nos selekshon U-20.
Zinho ta hopi gustá, i tin un karisma trahando loke ta pone hopi hende pensa ku e ta nos futuro DT di selekshon.
Remco a bin Kòrsou pa ofisialmente wòrdu presentá komo DT di nos selekshon.
5 Star a komprondé ku e lo ta pendiente pa regresá Ulanda.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
