Lokal
Trafikante di arma Kurasoleño tin ku bai será 4 aña i 6 luna
WILLEMSTAD. E siman aki un tribunal na Den Haag a dikta sentensia den e kaso di apelashon ku su abogadonan a entamá kontra e kastigu di aña prezu ku ela haña den promé instansia na Ulanda.
E kurasoleño no tin pèrmit pa bende arma i sigur no arma di gera ku munishon pero tabata negosha riba transakshonnan pa kompra, venta i entrega di arma.
Den banda e tabata bende vuurwerk pisá i bazooka ilegal.
Aña pasá oktober korte na Rotterdam a kondéna e trafikante na 6 aña i kastigu pero ela apelá mesora.
Su krimennan tabata ku dia 21 di yuni outoridatnan a kaptur’é ku un bazooka anti-tanki kaliber 64 millimeter ku su kohete korespondiente i ku na diferente okashon na Spijkenisse di mart te 15 di yuni e tabata bende arma i munishon ilegalmente komo sifuera ta un negoshi legal e tabatin.
E tabatin material di propaganda pa mustra su klientenan manera bala pa .357 Magnum, kaliber 7.65 mm i kaliber 22 LR.
Den banda e tabata bende un tiki kokaina i amfetamina.
DETENE KU ARMA
Dia 29 di mei aña pasá polis a arest’é ku un pistol ku bala kayente i un iPhone ku doño dje number di telefon.
Einan outoridat a gana premio mayó pasobra nan a interseptá imahen di video i foto dje armanan pa su kómplise kende ta puntr’é pa preis i kantidat.
Kaminda ela horka su kurpa mes mes ta kaminda su kompinche ta pidi ku e ke hopi beibi pasobra ta esei e hendenan ke.
Dia 14 di aprel 2021 polis detené su kómplise kende a atmiti tur kos.
Nan a detené e trafikante di arma dia 15 di yuni na Spijkenisse i despues a listra na un kas na Oud-Beijerland i a haña kantidat di bala kayente.
Pero e premio tabata un bazooka den perfekto estado di ehersisio yugoslavo huntu ku granada antitanki.
Den apelashon e kurasoleño a splika wesnan ku nunka e tabatin e armanan i ta for di Internet e tabata baha nan pa blòf dilanti su primu i e bazooka ela haña serka un hende straño pa hiba na su kas na Oud-Beijerland.
Korte no ta kere ku ta blòf e tabata blòf pero ku ta un mentira barata ela konta.
Ademas e kontaktonan tabata muchu frekuente pasobra un hende no a keda di ku un persona ku ta blòf sin kumpli.
E tribunal a haña ku e tabatin e lansakohete bazooka RBR M80, kaliber 64 millimeter ku su kohete.
Pa e balanan kayente i droga tambe nan a tene kuenta ku ela kometa un delito serio ku mester haña kastigu.
E arma lansakohete ta un aparato serio ku por hasi hopi daño i ehersito Yugoslavo tabata uz’e pa rementá banki di gera.
Pa kolmo su kliente a bisé ku e ke kuminsa un gera ounke kualke hende no por start ni mitar gera ku un solo lansakohete.
E kurasoleño opviamente ta un homber totalmente ignorante ku ta plaka fasil e kier a gana.
Un kastigu inkondishonal di 4 aña i mei ta loke meresé kitando e tempu ku ela pasa den aresto preventivo kaba.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
