Deporte
Trabounan ta bai start: “Didi Deeds Foundation” ta bai duna bek !!! Ta pidi habitantenan di poko indulgensia…
E pelotero Big Leaguer di nos Mariekson, “Didi” Gregorius pa medio di su Fundashon ku ta “Didi Deeds Foundation” ta bai kuminsá su trayektoria pa duna Kòrsou algu bek.
Didi a nase na Ulanda, pero ta yuda di Johannes i Sheritsa, ke men un mucha di nos legítimo, pero nasé na Ulanda.
“Didi” ku tabatin su miho añanan ku New York Yankees i despues pasa pa Filis di Filadelfia mediante di su Fundashon “Didi Deeds Foundation” ta bai kuminsá ku konstrukshon na Tera Kòrá di un parke di baseball i softball, pa despues sigui ku otro konstrukshon pa deporte.
Relashoná ku esaki “Didi Deeds Foundation” ta pidi koperashon di habitantenan di e bario pa den kaso ku e konstrukshon lo por trese pa nan algu di molèster.
Nan ta pidi indulgensia si e trabounan trese poko inkonbeniensia.
Sin duda un great notisia esaki ta pa nos deporte i tambe e bario Tera Gorá enpartikularidat.
“Didi” aki ta mustra ku “hechos” di ta duna algu bek pa su Pais.
Un algu ku pa semper hubentut lo por disfrutá di dje.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
