Connect with us

International

Tin sospecho ku eks asesor di Putin Anatoli Chubais a keda venená

Published

on

Anatoly Chubais….

MOSKU – Anatoly Chubais (67) eks asesor di Vladimir Putin a keda hospitalisá na Italia debí ku ta sospecha ku Vladimir Putin a laga venene.
Tin informashon ku Anatoly Chubais tin algun dia kaba na Cerdeña Italia di vakashon debí ku ela sintié menasa despues di tabatin desakuerdo ku Vladimir Putin riba su desishon di bai gera kontra Ukrania.
Ksenia Sobchak eks periodista Ruso ku a bira polítiko rival di Vladimir Putin awor a bisa ku Anatoly Chubais
a keda transportá ku urgensia na hospital Mater Olbia na Cerdeña.
Anatoly Chubais ta bon konosí na Rusia debí ku ela okupá puestonan di perfilnan haltu for di prinsipio di dékadanan 90.
Na luna di Mei Anatoly Chubais a komentá den un entrevista na Inglatera ku Financial Times ku e régimen di Putin a oblig’é na bende su partisipashon den un banko na Rusia na preis di bou di balor.
Den e kaso aki Vladimir Putin ta konsiderá ku Anatoly Chubais ta un traidor ku a haña tur lokual e tabata deseá durante su periodo di gobernashon i awor ta bai den su kontra.

 

Continue Reading

International

Segun Ministerio di defensa: 23 miembro di alto rango di kuerpo polisial na Colombia a renunsia

Published

on

By

Iván Velásquez Gómez minister di defensa Colombiano.

BOGOTA – Ministerio di Defensa a konfirmá ku e siman aki un total di 23 funshonario di kuerpo polisial na Colombia a entrega nan karta di retiru.
Ta trata aki di un total di 10 teniente koronèl i 13 kapitan ku a presentá nan karta di renunsia.
E motibu ta debí ku for di aña pasa Ministerio di Defensa na Colombia a kuminsá ku un investigashon kontra di e grupo di miembronan di alto mando polisial ku ta metí den aktividatnan ilisito.
Iván Velásquez Gómez minister di defensa Colombiano a manifestá ayera ku e ta na altura ku kuerpo polisial na Bogota, Cali i Medellin tin algun alto mando korupto i ta kontentu ku nan mes a disidí na entrega retiru pa asina Ministerio de Defensa por sigi ku nan investigashon.

Continue Reading

International

Bientu fuerte i hopi áwaseru di orkan Ian a destrui ku 15 avioneta

Published

on

By

Un bista di kon e avionetanan a keda benta kibra na e aeropuerto na North Perry.

BROWARD – Manera tabata di spera Orkan Ian ku a asotá vários suidat na Florida a kousa daño mionario na Aeropuerto North Perry na Pembroke.
John Rodriguez direktor na aeropuerto na North Perry a indika ku e daño ku orkan Ian a hasi tabata inmenso.
Mas ku 15 avioneta a keda destruí i hangarnan ku ta warda avionnan aden tabata plama for di otro.
John Rodriguez a bisa ku lokual ku lo bai pasa awor ta ku lo bai inventarisá e desaster ku orkan Ian a bai laga atras pa asina kuminsá atendé ku kompanianan di seguro.

Continue Reading

International

Tiroteo na un supermerkado WalMart di Miami a laga un persona morto i otro detené

Published

on

By

Tiroteo na Walmart ayera a laga un saldo di 1 morto i un aresto.

MIAMI – Alfredo Ramirez III hefe di kuerpo polisial na Miami Dade a konfirmá ku ayera mèrdia sentral di polis a risibí vários yamada indikando ku tabatin bashamentu di bala riba parkeerplaats na un kadena supermerkado di kadena Walmart na e lokalidat ku yama de Goulds.
Na momentu ku polis a yega a bin topa ku un hòmber benta abou den un plas di sanger i ku bastante hende ta rondone.
Segun testigunan ku a presensia lokual a pasa a informá polis ku e problema a kuminsá pafó di e supermerkado Walmart.
Na dado momentu e dos persona a kuminsá diskutí ku otro pa motibu di parkeerplaats i esaki a kulminá ku un di nan a bai outo i bini bek ku un arma di kandela i kuminsá tira su kontrinkante.
E hòmber ku a keda tira a keda transportá pa Jackson South Medical Center den estado kritiko i e persona ku
a tira a keda detené.
Alfredo Ramirez III a splika ku hòmber ku a risibí tiru di bala a bin fayesé.
E aña aki tabatin bastante kaso di agreshon na luga nan manera supermerkadonan na Miami Dade kaminda tin hopi hende ta frekuentá.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login