Deporte
Tin algun dirigente ku no ke aseptá pa Libis Hurtado hunga den nos sòftbòl femenino fastpitch: Tin mobilisashon entre timnan di nos sòftbòl… Nan ta pensa ku CSB tin di “bisti karson” !!
5 Star den e dos dianan ku a pasa, a kombersá ku algun dirigente di sòftbòl femenino fastpitch ku no ta niun tiki kontentu ku e pitcher Colombiano Libis Hurtado ta pitcha den nos sòftbòl femenino fastpitch.
Manera ta konosí, Libis a haña sumes den un problema ferfelu na Colombia ora ku despues di pèrdè la baha for di montikulo i kue un softbolista rival ku gòlpi.
E loke e la hasi a wòrdu filmá i a bai viral.
Hasta e komentarista lo pidi kastigu di 10 aña pa Libis Hurtado. Strañesa tabata ku e la haña apénas 1 aña i awor e ta bin hunga na Kòrsou.
Tin un karta ku apénas un firma riba dje ku ta bisa ku for di Colombia ta permití pa Libis hunga.
Sigur dos dirigente pilar di klup a bisa Five Star ku CSB ku ta nos federashon di sòftbòl di Kòrsou tin di bisti karson i tuma medida.
Nan no mester permití Libis hunga na Kòrsou pa loke e la hasi na Colombia.
Manera ta konosí The Fighting Team tin na Kòrsou 2 sòftbolista Colombiano kaba, i tin papiá ku Libis Hurtado lo ta na kaminda pa Kòrsou.
Tin sigur dos pa tres klup ta mobilisando paso pa nan pa e komportashon di Libis e no por ta wèlkòm den nos sòftbòl femenino kaminda ku tin masha mucha di nos ku tin di “struggle” pa nan bini kla den bida, i huntu ku esei hunga sòftbòl.
Ta kuestionando tambe e legalidat dje karta for di Colombia ku a bini ku 1 firma so riba dje (???)…
Hasta Five Star a tende ku tin klup ku tin den nan kabes pa no subi tereno si Libis ta huntu ku The Fighting Team.
Ban mira…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
