Deporte
Tènis: Stefanos Tsitsipas no ta sa mes ku ela gana
SIDNEY (C) – E tenista Tsitsipas den e torneo habri di Oustralia ayera a gana su wega pa e sigi den e torneo aki .
E griego number 4 di mundu a sa di gana di e franses Benoit Paire ku sètnan di 6-3, 7-5 i 6-7 (2) 6-4.
Ela enfrentá e franses Paire den un wega ku no ta fásil pe.
T’asina ku ora ku e franses a sa di gana e di 3 set den tiebreak esaki ta bon posishon den di 4 set i ta pone e wega bou di preshon.
Pero ela bin tope ku algun problema i pa kolmo Tsitsipas a risibí 3 matchpoint .
Ta aki e ora ey e franses a kometé dòbel fout i pèrdè e wega.
Pero e kos di mas prèt ta ku Tsitsipas no a ripara mes
Paso e ta kana trankil ta bai na e baseline .
Anto e ora ey ela tuma nota ku e franses ta para na nèt i ta saka su man pa felisit’é.
Esaki a pone ku Tsitsipas a bai i asina keda felisitá pa su kontrinkante.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
