Timnan di baseball Grandes Ligas a kuminsá pèrta riba e estrea Arubano Xander Bogaerts.
E merkado pa e shortstop eks Red Sox agente liber a kuminsá bira hopi kayente.
E último informashonnan ta mustra ku Filis di Filadelfia, Chicago Cubs, Arizona Diamondbacks i Los Angeles Dodgers ta hopi interesá.

DOHA (C) – E ekipo di Iran a bai kas i esnan ku no a kanta e himno lo keda intimidá.
Hopi di e hungadónan a yora despues di e derota kontra di Merka.
Pa kolmo Merka ta nan peor enemigu den mundu di polítika hopi di nan fanatikada a bai kas desapuntá pa e eliminashon di nan ekipo.
Futbol ta nan deporte mas gusta aya na Iran.
T’asina ku gobiernu Iraní sigur ta mal kontentu ku e presentashon.
Pero e pais mes ta pasa den yen kos.
Vários protesta kontra di e gobiernu.
Nan ta intimidá e hungadónan..
Hopi miembro di e servisio di inteligensia ta tei pa graba nan durante di e kantamentu di himno i nan ta bisa e hungadónan pa nan kanta nan himno.
Anto pa nan tene kuenta ku nan sa kua skol e yunan ta bai i tambe na unda nan ta biba.
Ta hopi menasa nan ta risibí den e último dianan aki.

DOHA (C) – E selekshon di Argentina kende a kuminsá ku un derota i ku a pone ku tur wega di nobo ta un wega ku nan mester gana es si nan ke sigi pa otro buèlta a hunga otro partido kual ganamentu mester bin dilanti.
Ayera nan a enfrenta e ekipo di Polonia i nan mester a gana pa por sigi pa otro buèlta.
E ekipo di Argentina sigur a pasa den yen kos.
Ta hopi nerviosismo ta tin. Pero e duda sigur ta serka nan, paso nan no sa ku nan lo por sigi.
Ayera e ekipo a sali ku tur animo i ku e sigur pa gana.
E krítikanan di último tempu ta hopi i sigur tambe riba Messi.
Esaki for di ora ku nan a sali pèrdè kontra di Arabia Saudita.
Ayera Messi na final di e partido mester a hala un rosea profundo.
Esaki debí ku ela risibí un pena máksimo kual e portero a tapa.
Pero djis despues di e di dos tempu e ekipo a kuminsá drei bon i Allister ta nota e gol di bai ariba pa Argentina.
Anto mas lat Alvarez ta nota e di dos gol.
Ku e viktoria aki Argentina ta bai topa ku Oustralia.